Joel 2:26 - Qheshwa Biblia DC

²⁶ Sumajta sajsakunaykichejkama mikhunkichej. Tukuy Atiyniyoj Señor Diosniykichejtataj yupaychankichej. Pay jatun t'ukuna imasta ruwan qankunarayku. Llajtayqa mana jayk'ajpis p'enqachisqachu kanqa.

DIOSPA QHELQACHISQAN DEUTEROCANONICAL

²⁶ Chantá qankuna sumajta sajsakunaykichejkama mikhunkichej, Tata Diosniykichejtataj yupaychawankichej. Noqamin chay t'ukunata qankunarayku ruwasaj. Chayrayku qankuna aylluy manaña jayk'ajpis p'enqachisqachu kankichej.

DIOSPA QHELQACHISQ

²⁶ Chantá qankuna sumajta sajsakunaykichejkama mikhunkichej, Tata Diosniykichejtataj yupaychawankichej. Noqamin chay t'ukunata qankunarayku ruwasaj. Chayrayku qankuna aylluy manaña jayk'ajpis p'enqachisqachu kankichej.

Joel 2:26 ပူးပေါင်းရင်းမြစ်များ

Génesis 33:11

Jap'ikullayña kay uywasta, mana imaypis pisipuwanchu. Chay jinatapuni Jacob nejtenqa, ñak'aymanta Esauqa jap'erqa chay tukuy ima qosqanta.

Nehemías 9:25

Maqanakoj allin runasqa llajtastapis jap'ikaporqanku, sumajta poqoj jallp'astapis, tukuy allin imawan junt'asqa wasista, yaku jallch'ana t'oqosta, uvas huertasta, olivo sach'asta, waj ashkha mikhunapaj poqoj sach'astapis. Mikhorqankutaj sumajta sajsakunankukama, wirayarqanku, chay jatun khuyakuyniykipitaj kusikorqanku.

Salmos 103:5

Tukuy ima allinkunaswan junt'achiwan, ankata jina mosojyachiwan.

Salmos 116:7

Kunanqa watejmanta sonqo tiyasqa kayta atini, imaraykuchus Señorqa noqawan k'acha karqa.

Salmos 13:6

Señorman takisaj allinta ruwawasqanmanta!

Salmos 22:26

Wajcha runas mikhonqanku sajsakunankukama, Señorta mask'ajkuna payta yupaychanqanku. Wiñaypajtaj kausaychej.

Salmos 37:19

Sajra p'unchaypi mana p'enqachisqachu kanqanku, yarqhay kajtintaj sajsachisqas kanqanku.

Salmos 67:5

Diosníy, ayllusqa yupaychasuchunku. Tukuy ayllus yupaychasuchunku.

Salmos 72:18

Diosninchej, Israelpa Señor Diosnin bendicisqa kachun. Pay sapallan jatuchaj imasta ruwan.

Proverbios 13:25

Cheqan runaqa sajsakunankama mikhun, juchasaparí yarqhasqallapuni kashan.

TAKIYKUNA 5:1

Noqa huertayman yaykuniña, hermanitáy, noviáy. Noqaqa mirraytawan, sumajta q'apashaj jawinasniytawan jap'ikapuniña. Panalniypa, misk'intapis mikhuniña. Vinoytawan, lecheytawampis ujyaniña. Munasqa kausaqesníy, mikhurikuychej, ujyarikuychej sajsanaykichejkama.

Isaías 25:1

Señor, qanmin Diosneyqa kanki; pataman sutiykita oqharispa jatunchayki; imaraykuchus t'ukun imasta ruwanki; unaymantapacha unanchasqaykeqa allimpuni cheqataj.

Isaías 29:22

Chayrayku Israelpa Diosnin, Abrahamta libraj Señorqa, Jacobman nin: Jacob, mana kunanqa p'enqachisqachu kanki, manataj uyaykipis khuyay khuyayta qhawaykachanqachu.

Isaías 45:17

Señorqa israelitasta wiñaypaj salvarqa. Qankunaqa mana p'enqakunkichejchu, manataj k'umuykachankichejchu jayk'ajpis.

Isaías 49:23

Reyqa kanqanku uywaqe tatayki jina, reinapis mamayki jina. Paykunaqa pampaman umankuta chayachinankukama qanman qonqorikusonqanku, chakisniykipi jallp'as kajtapis qallunkuwan llajwasonqanku. Ajinapi qanqa yachanki noqa Señor kasqayta, noqapi atienekuwajkunaqa mana jayk'ajpis p'enqaypi rikhurerqankuchu.

Isaías 54:4

Ama manchachikuychu ari. Qanqa mana ch'aukiyasqachu kanki. Ama qanqa p'enqakuychu, manamin p'enqachisqachu kanki. Qanqa qonqapunki sipas kashaspa p'enqakoj kasqaykita, jinallataj viuda kashajtiyki qhesachasusqankutapis.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej imaspiri? Uyariwaychej allinta, allin kaj imastataj mikhunkichej. Chay imastaqa misk'ejta mikhunkichej.

Levítico 25:19

Jallp'aqa sumajta poqopusonqachej, qankunataj chaykunata mikhurinkichej sajsakunaykichejkama. Jinata tukuy sonqo allinta tiyakunkichej.

Levítico 26:26

Maypachachus mikhunaykichejta pisiyachisaj chaypacha chunka warmis uj hornollapi t'antata chayachenqanku. Paykunaqa qankunaman may pisi t'antata qosonqachej, manataj sajsakunkichejchu.

Levítico 26:5

Trigo oqharisqaykichejqa uvas pallanaykichejkama kanqa. Uvasniykichejtaj kapusonqachej tarpuy tiempokama. T'antata mikhunkichej sajsakunaykichejkama. Tukuy sonqo allinta tiyakunkichej chay jallp'api.

Miqueas 6:14

Mikhuspapis mana sajsakunkichu, yarqhayllawampuni ñak'arinki; cosechasta oqharinki, chaywampis manataj ni imata salvayta atinkichu, imata salvawaj chaypis maqanakupi phirikunanta nisaj.

Sofonías 3:11

Munasqa runasníy, jaqay p'unchaykunapeqa, mana p'enqakunkichejñachu, ni mayqen sajra ruwasqaykichejmantapis, contraypi sayarejtiykichejpis. Chaypachaqa jatunyakojkunata, mana respetoyojkunata ima, qankuna chaupimanta wijch'usaj. Manataj jayk'ajpis ujtawan wapuykachankichejchu llimphu orqoypi.

Zacarías 9:15

Tukuy Atiyniyoj Señor waqaychanqa tukuy paypata kajkunata, wawasninrí warak'ajkunaspa rumisninkuta saruraspa phiriranqanku chay enemigosninkutataj oqoykonqanku.

Zacarías 9:17

May walej, may k'achitupunitaj kanqa chay jallp'ankoqa! May chhika trigo poqojtin, vinopis ch'irwakojtenqa; wayna wawasninchej sipaskunasninchejpis k'achitus wiñarenqanku.

Romanos 10:11

Escriturapeqa nin: Tukuy paypi creejqa, mana p'enqaypi rikhurenqachu.

Romanos 5:5

Suyakoyqa mana p'enqachikunchu, imaraykuchus Diospa munakuynenqa sonqonchejpi churasqa kashan, Santo Espiritunejta, mayqentachus Dios qowarqanchej.

Romanos 9:33

Escribisqapi nisqanman jina: Kay Siompi churani misk'ana rumita, urmana qaqatawan. Paypi creejqa, mana p'enqaypi rikhurenqachu.

Deuteronomio 11:15

Uywasniykichejpaj camposniykichejpi pastosta wiñachisaj. Qankunapajpis mikhuna kanqa sajsakunaykichejkama.

Deuteronomio 12:12

Señor Diosniykichejpa ñaupaqempi mayta kusikunkichej, wawasniykichejwan, kamachisniykichejwan ima, qankunawan tiyakoj levitaswampis, imaraykuchus levitasqa mana qankuna jina jallp'asniyojchu kanku.

Deuteronomio 12:18

Chaykunataqa atillankichej mikhuyta Señor Diosniykichejpa ñaupaqempi, may cheqatachus pay ajllakorqa chaypi, wawasniykichejwan khuska, kamachisniykichejwan khuskataj. Jinallataj qankunawan tiyakoj levitaswampis. Ajinaqa tukuy ruwasqasniykichejmanta mayta kusikunkichej.

Deuteronomio 12:7

Chaypi chay rikuchikusta Señor Diosniykichejpa ñaupaqempi mikhunkichej, tukuy familiasniykichejwan khuska kusikuspa, tukuy ruwasqaykichejta qhawarispa, imaynatachus Señor Diosniykichej bendicionninwan poqochin, chayta.

Deuteronomio 8:10

Ajinata sumajta imatapis mikhuspaqa, sajsakuspatajqa Señor Diosniykichejta yupaychankichej, chay jina sumaj jallp'ata qosusqaykichejmanta.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

1 Juan 2:28

Kunanqa, wawitasníy, Cristowan ujlla kakuychej; qhepa kaj jamuynimpi pay rikhurimojtintaj, mana manchachikuspa, nitaj p'enqakuspa, ñaupaqenman qayllaykunaykichejpaj.