Jeremías 9:24 - Qheshwa Biblia DC

²⁴ Sichus pipis munanman runaykachayta chayqa, noqata rejsiwasqanmanta runaykachachun, noqa Señormin, Diosnintaj kasqaymanta, pichus kay jallp'api ruwarqa, munakuypi, justiciapi, cheqan kaypitaj chaymanta. Chaymin noqataqa kusichiwan. Noqa Señormin chayta nini.

DIOSPA QHELQACHISQAN DEUTEROCANONICAL

²⁴ 24 (23) Sichus pipis runaykachayta munanman chayqa, noqata rejsiwasqanmanta, kasuwasqanmanta ima runaykachachun. Noqa Tata Dios pichus kasqayta yachachun. Noqaqa kay pachapi imatapis ruwani khuyakuywan, justiciawan, cheqa kaywantaj, imaraykuchus chaymin sonqoyta kusichin. Noqa Tata Diosmin chayta nini.

DIOSPA QHELQACHISQ

²⁴ 24 (23) Sichus pipis runaykachayta munanman chayqa, noqata rejsiwasqanmanta, kasuwasqanmanta ima runaykachachun. Noqa Tata Dios pichus kasqayta yachachun. Noqaqa kay pachapi imatapis ruwani khuyakuywan, justiciawan, cheqa kaywantaj, imaraykuchus chaymin sonqoyta kusichin. Noqa Tata Diosmin chayta nini.

Jeremías 9:24 ပူးပေါင်းရင်းမြစ်များ

Salmos 20:7

Ujkunaqa guerra carretasninkuman atienekunku, wajkunataj caballosninkuman. Noqanchejri Señor Diosninchejman atienekusunchej.

Salmos 34:2

Noqaqa Señormanta jatunta kusikuni, uyariychej, kusikuychejtaj, llamp'u sonqoyoj runas.

Salmos 34:3

Khuska, uj simillataj, Señorpa jatun sutinta yupaychaychej.

Salmos 44:8

Señor qanmanta sapa p'unchay jatunchakuyku. Qan Diosniykutataj wiñaypaj yupaychasqayku.

Salmos 44:9

Qantaj qhesachawayku, p'enqaypitaj churawayku, manañataj soldadosniykuwan llojsinkichu.

Salmos 51:1

Munakuwasqaykirayku, Diosníy, khuyakuway. Khuyaj sonqo kasqaykiwantaj, tukuy juchasniyta pampachay.

Salmos 91:14

Pay munakuwan; noqa payta salvasaj, patamantaj oqharisaj sutiyta rejsichisqanrayku.

Salmos 99:4

Qan atiyniyoj rey kanki, cheqan kaj ruwayta munanki, qan kikiyki cheqan kajta sayacherqanki. Cheqa kajta, cheqan kajtataj, Jacobpa miraynimpi ruwarqanki.

Isaías 20:5

Etiopiapi suyajkuna jinallataj Egiptopipis atienekojkuna mancharikonqanku t'ukonqankutaj.

Isaías 41:16

Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

Isaías 45:25

Señorllapi tukuypi llimphuchasqas kanqanku. Chaypacha Israelpa miraynenqa mayta kusikonqanku.

Isaías 61:8

Noqa Señorqa imapis cheqampuni kananta munani. Suwakojta, runa wañuchejta ima chejnikuni. Chayrayku runaj ruwasqasninman jina t'inkanta qopusaj, paykunawantaj wiñaypaj tratota ruwasaj.

Jeremías 22:16

Payqa ñak'arejkuna wajchastapis yanapaj, chayrayku paytaqa tukuy imapi allin rerqa. Chaypi yachakun noqa Señorta rejsiwasqanqa. Noqa Señor chayta nini.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

Miqueas 7:18

Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

San Mateo 11:27

Tatayqa, tukuy imata noqaman qowarqa. Mana pipis Churinta rejserqachu, Dios Tatalla rejserqa; Dios Tatatapis nillataj pipis rejserqachu, Churillan paytaqa rejserqa; pimantajchus Chureqa rejsichiyta munanman, chaylla.

San Lucas 10:22

Tukuy imata Tatay qowarqa. Mana pipis yachanchu pichus Churi kasqanta. Chaytaqa Dios Tatalla yachan. Nitaj pipis yachanchu pichus Tata kasqanta, manachayqa Churilla yachan; pimantajchus Churi rejsichiyta munan chaylla.

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

Romanos 5:11

Mana kayllachu, astawanqa Diospi kusikullanchejtaj, Señorninchej Jesucristonejta, pay Dioswan allinyachiwasqanchejrayku.

2 Corintios 10:17

Astawanqa, pichus kusikuyta munajqa kusikuchun Señorpi.

2 Corintios 4:6

Diosqa nerqa: K'anchay laqhayajpi k'anchachun. Chay k'anchayllataj sonqoykupi k'anchachun, rikunanchejpaj Diospa lliphipiyninta Jesucristoj uyampi.

Gálatas 6:14

Noqaqa Señorninchej Jesucristoj cruznillampi kusikuni. Paynejta noqapajqa mundo chakatasqa karqa, noqataj mundopaj.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

1 Samuel 15:22

Chaypitaj Samuelqa kuticherqa: Señortaqa kasuypuni, astawan allinta kusichin, chay rikuchikusta, jinataj ruphasqa rikuchikusta jaywanamanta nisqaqa. Astawan allinraj payta kasunaqa, nisqasninta kasunapis, chay rikuchikusmanta, jinataj chay corderoj wirasninta jaywanamanta nisqaqa.