Jeremías 9:21 - Qheshwa Biblia DC

²¹ Wañoyqa wasisninchejman yaykuykamun, palaciosninchejpi, callespi wawasta wañuchinampaj, waynastataj plazaspi.

DIOSPA QHELQACHISQAN DEUTEROCANONICAL

²¹ 21 (20) Wañoyqa wasinchejkunaman yaykuykamun, kamachina wasimanpis. Callekunapi wawakunata wañuchin, plazakunapitaj waynakunata.

DIOSPA QHELQACHISQ

²¹ 21 (20) Wañoyqa wasinchejkunaman yaykuykamun, kamachina wasimanpis. Callekunapi wawakunata wañuchin, plazakunapitaj waynakunata.

Jeremías 9:21 ပူးပေါင်းရင်းမြစ်များ

2 Crónicas 36:17

Chaypacha Señorqa Caldeospa reyninta puririchimorqa paykunaj contrankupi, wayna runasninkutataj kikin Diosta yupaychananku wasi ukhupi cuchillowan wañucherqanku, manataj khuyarqachu wayna runasta, nitaj sipas warmistapis, nitaj unay watasniyojkunatapis, nitaj machu runastapis, nitaj allin achachistapis. Señorqa tukuyninkuta paypa makisninman jaywaykorqa.

Isaías 40:30

Majt'illosqa llauchhuyanku, sayk'upunkutaj. Waynakunapis sayk'upunku, urmapunkutaj.

Jeremías 15:7

Runasniykitaqa ichhuta jina ch'eqeracherqani, jallp'aykej llajtasninmanta orqhospa. Mana wawasniyojta aylluyta saqerqani, paykunata tukucherqani, imaraykuchus mana chay sajra kausayninkuta saqeyta munarqankuchu.

Jeremías 18:21

Kunanqa wawasninkuta yarqhaywan wañuchiy, chayri espadawan; warmisninku viudas qhepakuchunku, manaña wawasniyojtaj. Qosasninkupis onqoywan wañurachunku. Wayna wawasninkupis maqanakupi wañurachunku.

Jeremías 44:7

Israelpa Tukuy Atiyniyoj Señor Diosnin kunan nini: Imaraykutaj chay jatun sajra imasta qankunallataj apakamunkichejri? Imaraykutaj Judamanta qharista, warmista, wawasta, ñuñoj wawasta mana ujniyoj chinkanankuta munankichejri?

Jeremías 50:30

Chayraykumin wayna runasninkoqa callespi wañusqas urmaranqanku, ch'ajwapi tukuy maqanakojkunasninkupis chay p'unchaypi wañuranqanku. Noqa Señor chayta nini.

Jeremías 6:11

Phiñakuyniykiwan junt'asqaña kani Señor, manaña kakuyta atinichu, nispa. Señortaj niwarqa: Chay phiñakuyniyta thalliykuy ari callepi purishanku chay wawaspa patanman, jinataj chay waynaspa patanmampis. Qosasta warmisnintinta presochasqasta apanqanku, jinallataj machu runastapis.

Jeremías 6:21

Chayrayku Señorqa nin: Noqa kay aylluyta misk'achisaj, urmachisajtaj. Tukuy tatas wawasnintin, qayllankupi kajkuna, jinallataj kausaqesninkupis, tukuy wañonqanku.

Jeremías 7:33

Chay runaspa ayasnintaqa suwintus, sajra animales ima mikhonqanku, nitaj pipis chaykunata mancharichej kanqachu.

Jeremías 8:2

Aysarparenqankutaj intej k'anchayninman, killajman, jinallataj ch'askakunajman ima. Chaykunata munakorqanku, tapukorqanku, yupaycharqankutaj. Manataj pipis paykunata oqharerqachu p'ampamunankupaj, wanu jina pampapi qhallisqa wijch'ukorqa.

Joel 2:9

Llajtaman yaykuykunku. Perqa patasta juñanku. Wasista wasaykunku. Wasi ventananta suwas jina yaykuranku.

Amós 5:2

Chhika k'acha llimphu Israel urmapun, manaña ujtawan sayariyta atinampaj. Kikin pampapi wijch'usqa qhepakun, mana pipis kanchu aysarej.

Amós 6:9

Chunka qharis uj wasipi qhepakonqanku chayqa, chunkantin wañunan tiyan.

Sofonías 1:17

Señorqa nin: Runasta llakikuyman churasaj. Ciegos jina purenqanku, imaraykuchus noqaj contraypi juchallikorqanku. Yawarnenqa ñut'u jallp'a jina qhallasqa kanqa. Aychantaj wanu jina qollusqa kanqa.