Jeremías 9:10 - Qheshwa Biblia DC

¹⁰ Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

DIOSPA QHELQACHISQAN DEUTEROCANONICAL

¹⁰ 10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

DIOSPA QHELQACHISQ

¹⁰ 10 (9) Chantá Jeremías nerqa: Orqokunarayku sonqo nanayta waqasaj, pastokunaraykutaj llakiy yarawita takisaj, imaraykuchus tukuy pastoqa ruphasqa kashan. Mana pipis chayninta purinñachu, manañataj wakakunaj waqasqanpis uyarikunñachu. P'isqokunapis, k'ita animalkunapis ayqekunkuña, nispa.

Jeremías 9:10 ပူးပေါင်းရင်းမြစ်များ

Isaías 41:15

Noqaqa rastrillota jina ruwasqayki, mosojta sumaj kirusniyojtataj. Qanqa orqosta trillaspa, ñut'uman tukuchinki, lomastapis ichhuta jina ruwanki.

Isaías 49:19

Llajtaykeqa thuñispa chinkachisqa, ch'impacha. Kunantaj jallp'aykeqa kutimoj runasniykipaj pisi kanqa. Urmachisojkunataj karuman ayqenku.

Jeremías 12:10

Ashkha enemigosniypa kurajkunasnin uvas huertayta t'ustiykunku, chayaqe jallp'aytataj saruranku. Q'arasqa ch'in pampaman chay munasqa jallp'ayta tukuchinku.

Jeremías 12:11

Ch'in pachata, q'ara pampatataj saqerparinku. Tukuynin jallp'a ch'inyachisqa kashan, manataj pipis imanej kanchu.

Jeremías 12:4

Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

Jeremías 14:6

Chay k'ita burrospis ch'in orqospi wayrata upispa sayakushanku atojkuna jina. Ñawisninkutaj ayphuyaykushanña, mikhunankupaj pasto mana kasqanrayku.

Jeremías 2:15

Imaraykutaj leones jina sinch'ita qhaparispa Israelman phinkiykunkuri? Jallp'ankuta ch'impachata saqerparinku, llajtasninkutapis q'olasqasta mana runayojta saqerparinku.

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.

Jeremías 23:10

Kay nacionqa qhenchaswan junt'a kashan, juchata ruwaypi purejkunallawan, atiyninkuta mana cheqan kajta ruwanallankupaj churajkunawan ima. Chayraykumin Señorqa kay jallp'ata maldicerqa. Jallp'aqa ch'akiporqa, ch'in pampapi kaj pastospis ch'akiporqanku.

Jeremías 50:3

Pata ladomanta uj nación paypa contrampi jamushan, chay llajtata ch'in pampaman tukuchinampaj. Manaña ni runas, nitaj uywaspis chaypi kausasqankuñachu, Chay jallp'amanta tukuy ayqenqanku, nispa.

Jeremías 7:29

Jerusalén runas, chujchasniykichejta k'utukuychej, wijch'uychejtaj. Llakiy wañuyta chay ch'in lomaspi takiychej. Señorqa may phiñasqa kashan kay runaspa contrampi. Paykunata saqerparin, qhesacharparintaj.

Jeremías 8:18

Chay nanayneyqa mana jampikuyniyoj, sonqoyqa sayaykapunayanña.

Lamentaciones 1:16

Chayrayku noqaqa manchayta waqarikuni; ñawisniymanta waqayqa sururishan. Mayta kusichispa sonqochawajneyqa saqerpariwan. Wawasneyqa tukuynin wañurachisqas kanku, enemigosniykutaj atipawaykupuni.

Lamentaciones 2:11

Ñawisniypis waqasqaypi sinch'itaña sayk'un, ch'unchulasniypis kayman jaqayman kuyurinku. Sonqoyqa llakiywan phatashanña, aylluypa llajtanta chay jina thuñisqata rikuspa; astawanqa wawasta, ñuñoj wawastawan yarqhaywan callespi wañurashajta rikuspa.

Lamentaciones 5:18

Sión orqoqa ch'impacha, atojkunallaña chaykunapeqa purishanku.

Ezequiel 14:15

Sichus uj llajtaman millay animalesta kachaykamuyman chaypi tiyakojkunata wañurachinampaj, ch'inman tukuchinankama, nitaj pipis chayninta pasayta atinampaj jina chay millay animalesta manchachikuspa.

Ezequiel 29:11

Chay jallp'apeqa mana runaspis, nitaj uywaspis saruykonqañachu. Tawa chunka watas junt'ata manapuni pi runapis tiyakonqachu.

Ezequiel 33:28

Jallp'ataqa ch'in pampaman tukuchisaj, sumaj thuñisqamantaj. Chinkachisajtaj atienekushan chay atiyninta. Israelpa lomasnenqa ch'impacha qhepakonqa, manataj ima runapis chayninta purej kanqachu.

Ezequiel 6:6

Tukuynej cheqapi tiyakunkichej chaykunapi llajtasqa thuñisqasllataj kanqanku. Altaresniykichejqa tukuynin t'unaykusqaspuni kanqanku. Lantisniykichej, intiman rijch'akoj lantisniykichejpis phirisqas kanqanku, inciensota ruphachinaykichej altarespis urmachisqasllataj kanqanku, tukuy ima ruwasqasniykichejpis chinkachisqas kanqanku.

Oseas 4:3

Chayrayku kay llajtaqa llakiyllapipuni kashan. Q'ala mana kallpayojllaña kashanku chay tukuy tiyakojkunaqa; monte animalespis, phawaj p'isqospis chantá mar qochapi challwaspis tukuynin wañurashanku.

Joel 1:13

Qankuna, altarpi sirvejkuna sacerdotes, qhasqa pachata churakuspa nanaywan waqaychej, imaraykuchus Diosniykichejpa templompi ofrendata qonapajqa, manaña kanchu ch'aki mikhuykuna, nitaj vinopis.

Joel 1:19

Señor, qanta qhaparikamuyki. Nina ruphaykun ari ch'impi kaj qhorasta, jinallataj campopi kaj sach'astapis!

Amós 5:1

Israelitas uyariychej kay palabrasniyta, qankunaj contraykichejpi llakiy takisqayta.

Amós 5:16

Ajinatamin nin Tukuy Atiyniyoj Señor Diosqa: Tukuy plazaspi waqay kanqa, tukuy callespitaj nanaywan qhapariy kanqa, chay llakiymantaj campo runasta wajyanqanku, waqaspa kausajkunatapis chay waqayman wajyanqanku.

Miqueas 2:4

Jaqay p'unchaykunapeqa llakiy waqay yarawista takisonqanku. Nisonqachejtaj: Cheqamanta q'ala tukuyninchejpuni t'una ruwasqas karqanchej; llajtanchej kaj, Señorninchejpata kajkunapis wajpaj makinman chayarqa ni pejpa jark'akusqallan; tukuy jallp'asninchejpis q'ala rak'irasqa karqa noqanchejta jap'ikapoj jamojkuna ukhupi.

Miqueas 3:12

Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.