Jeremías 8:19 - Qheshwa Biblia DC

¹⁹ Aylluypa waqasqasnenqa tukuy jallp'aspiña uyarikun: Señorqa manañachu Siompi kashan? Manañachu reynenqa chaypi kashan?, nispa. Señortaj kutichin: Imaraykutaj phiñachiwarqankichej chay lantikunata yupaychaspa, mana rejsisqa dioskunatari?, nispa.

DIOSPA QHELQACHISQAN DEUTEROCANONICAL

¹⁹ Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

DIOSPA QHELQACHISQ

¹⁹ Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Jeremías 8:19 ပူးပေါင်းရင်းမြစ်များ

Salmos 135:21

Jerusalempi tiyakoj Señorqa, Sionmantapacha jatunchasqa kachun. Yupaychasqa kachun Señorqa!

Salmos 137:1

Babilonia mayus qayllapi tiyaykukuspa, Sionmanta yuyarikuspa waqaj kayku.

Salmos 146:10

Sión, Señorniykeqa wiñaypaj kamachenqa, Diosniykeqa wiñay wiñaypaj reypuni kanqa. Señorqa yupaychasqa kachun.

Salmos 149:2

Israel ayllu ruwajnimpi kusikuchun, Sión llajta reynimpi qhochukuchun.

Salmos 31:6

Qhasi mana kaj lantita yupaychajkunata chejnikuni. Noqataj Señorpi atienekuni.

Isaías 1:4

Ay, juchasapa runas, sajra kajta q'epirisqa ayllu, millay kajpa miraynin, qhenchachakoj wawas! Paykunaqa Señormanta karunchakunku, Israelpa cheqa kaj Diosninmanta t'aqakunku. Payta wasanchanku.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Isaías 13:5

Chaykunaqa karu llajtasmanta jamunku, kay pachaj tukukuyninmantapacha. Chaykunaqa Señorpa kachamusqasnin kanku, Señorpa k'ajaj phiñakuyninwan tukuynin jallp'ata tukuchinankupaj.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Isaías 39:3

Chay qhepatataj Isaiasqa rey Ezequiasta watukoj rispa taporqa: Maymantataj chay runas jamusqankuri? Ima nisunkutajri? Ezequiastaj nerqa: Karumanta, Babiloniamantapacha watukuwaj jamusqanku, nispa.

Isaías 52:1

Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

Jeremías 10:15

Chaykunaqa qhasi manakaj, asikunapaj jinataj, juicio p'unchaypi chinkachisqas kanqanku.

Jeremías 14:19

Señor, Judataqa qhesachasqatapunichu qhesachapunki? Sayk'upunkiñachu Sión llajtamantaqa? Imaraykutaj maqawarqaykuri thañiyta mana atinaykupajri? Suyarqayku allin sonqo tiyasqa tiyakuyta, mana imapis mana allin kajmantaqa jamorqachu. Suyarqayku kausayta, mancharikuyllataj kashan.

Jeremías 14:9

Imaraykutaj t'ukusiri runa jina, uj maqanakoj runa manaña yanapayta atinñachu ajinari? Jinapis, Señor, qan chaupiykupi kashanki, tukuy yachanku qampa aylluyki kasqaykuta. Ama saqerakuwaykuchu ari!

Jeremías 27:10

Chay tukuy imasta nisqasuykichejqa llullaslla kanku. Chayta creespaqa qankuna jallp'aykichejmanta wijch'usqas kayllata tarikunkichej, jinallataj noqa ch'eqerachisunaykichejta wañunaykichejtataj.

Jeremías 31:6

Uj p'unchay jamonqa maypachachus qhawajkunaqa Efraimpa orqosnimpi qhaparenqanku: Jamuychej, rinachej Sión orqoman, Señor Diosninchejman, nispa.

Jeremías 32:30

Qallariymantapacha Israel aylloqa, chantá Judá ayllupis noqaman mana allimpajchu rijch'awarqa chay imasta ruwarqanku. Israelitasqa phiñachillawajpuni kanku paykunaj kikinkoj ruwasqanku lantista yupaychaspa. Noqa Señor chayta nini.

Jeremías 7:19

Chaywan noqamantaqa astawan paykuna kikinkuta, mana allinninkupaj p'enqaynillankupajtaj ruwakunku. Noqa Señor chayta nini.

Jeremías 8:20

Q'oñi tiempo pasanña, cosecha oqharina tiempo pasanña, manataj salvaciompis noqanchejpajqa kanchu.

Jeremías 9:16

Tatasninkoj mana rejsisqan llajtasman ch'eqerachisaj, chaypitaj makinkupi t'ojsinaswan qhatiykachachisaj, mana ujniyojta tukuchinankukama.

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Joel 2:32

Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

Abdías 1:17

Jinapis, Sión orqoqa uj santo lugar kanqa. Chayman chay puchojkunaqa ayqekunaqanku. Jacob ayllumanta kajkunaqa jallp'asninkuman kutipullanqankutaj.

Miqueas 4:9

Kunanrí, imarayku ajinata qhaparinki uj onqokoj warmi nanayninwan jinari? Manachu qampi reyqa tiyan? Chayri umachasojkunachu wañupusqanku?

Sofonías 3:15

Señorqa qhechun contraykipi karqa chay juchachaytaqa. Contrarioyki karqanku chaykunatataj karunchan. Israelpa Señornenqa, Reynintaj qanwan khuska kashan. Mana ima sajrataqa manchachikunaykeqa kanqachu.

Deuteronomio 31:17

Chayrayku sinch'i phiñakuyneyqa paykunaj contranta k'ajarenqa. Paykunataqa saqerparisaj, mana qhawarisajchu ni ima kashajtimpis. Chay chhika nanaykuna, llakiykuna ima patankuman jamojtintaj, paykuna nenqanku: Manachu kay llakiykunaqa jamuwanchej manaña Diosninchej kasqanrayku?

Apocalipsis 2:1

Efeso iglesiaj angelninman escribiy: Kayta nin paña makimpi qanchis qoyllurkunata jap'ej, pichus chay qanchis qori k'anchachinas chaupipi purin chay: