Jeremías 8:10 - Qheshwa Biblia DC

¹⁰ Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.

DIOSPA QHELQACHISQAN DEUTEROCANONICAL

¹⁰ Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

DIOSPA QHELQACHISQ

¹⁰ Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

Jeremías 8:10 ပူးပေါင်းရင်းမြစ်များ

Job 31:10

warmiy waj runaj kamachin kachun, wajkunataj warmiywan puñuykuchunku,

Isaías 28:7

Kaykunapis vinowan machaykuspa pantallarqankutaj, machana ujyanawan machaykuspa chankaykachanku, sacerdoteswan, profetaswanqa machaykuspa yuyayninkuta chinkachinku; chaymantataj aswan machachikoj ujyanasta ujyanku, imatachus mosqoypi jina rikusqankutataj pantasqata rikunku. Allinta cheqanchananku kashajtimpis paykunaqa machasqas kashanku.

Isaías 57:17

Pay sajrata munapayasqanrayku noqaqa phiñakuni, chayrayku paykunata jasut'ini, uyayta pakakuni. Chayta ruwani pay mana kasuspa sajra sonqompa munasqanta ruwaspa purisqanrayku.

Jeremías 14:14

Chaypacha Señorqa kutichiwarqa: Chay tukuy imasta profetas sutiypi nishanku chayqa, llullalla. Mana noqaqa chay profetasta kachamunichu, nitaj kamachinichu, ni parlallanipischu paykunawanqa. Chaykunaqa llulla sut'inchaykunas kanku. Chaykunaqa llulla rikuykunasniyoj kanku, ch'aukiyaypi rikuchiykunas kanku, sonqonkoj munasqanman jinalla chaykunataqa jatarichinku. Sonqonkoj yuyasqallanta chay profetasqa willasunkichej.

Jeremías 14:18

Campoman llojsispaqa maqanakupi wañojkunaj ayasninkuta rikuni, llajtaman yaykuspa rikuni runas yarqhaymanta wañushajta. Rikullanitaj profetasta, sacerdotestawan mana rejsisqa llajtasman ripushajta.

Jeremías 17:11

Pichus mana llank'aspalla qhapajyakojqa, rijch'akun chay mana paypa runtusnillanta ojllakapoj pampa yuthusman. Chay qhapaj kaynintaqa wayna kaynillampitaj saqenan kanqa, qhepamantaj uj wampu kasqallan yachakonqa.

Jeremías 22:17

Qanrí, mana kajmanta qolqeta jap'iyllata munanki, mana juchayojkunata wañuchinki, runasniykita ñak'arichinki, waqachinkitaj.

Jeremías 38:22

Judamanta reypa palaciompi tukuy qhepakojkuna warmista orqhospa Babiloniamanta reypa kurajkunasninman jaywaykonqanku. Chay warmis kay jinata nenqanku: Paypa aswan sumaj kausaqesnillataj payta wasancharqanku, atipaykorqankutaj; chakisninta t'uruman sat'iykucherqanku, saqerparispataj riporqanku.

Jeremías 42:1

Tukuy kamachejkuna soldados ukhumanta, Careaj wawan Johanampis paykunallawantaj, Oseaspa wawan Azariaspis, jinataj tukuy aylluntimpi juch'uymanta jatunkama qayllarqanku.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Lamentaciones 4:13

Chay jina jasut'eqa karqa profetas juchallikusqankurayku, sacerdotes millay juchasta ruwasqankurayku ima. Paykunaqa chay llajta ukhupi cheqan runaspa yawarninta jich'arqanku.

Ezequiel 33:31

Ajinata aylloyqa jamuspa ñaupaqeykipi tiyarikun yachasqankuman jina, aylluypis kanman jinataj parlasqasniykita uyarinankupaj. Manataj uyarisqankuta ruwankuchu. Simisnillankuwan misk'ita parlanku, sonqonkupitaj qolqej qhepanta purishanku.

Amós 5:11

Qankunaqa mana atiwajchejchu rumimanta ruwasqaykichej wasispi, nitaj vinotapis ujyawajchejchu tarpusqaykichej uvasmanta; wajchasta sarusqaykichejrayku; trigomanta impuestota mañasqaykichejrayku.

Miqueas 2:4

Jaqay p'unchaykunapeqa llakiy waqay yarawista takisonqanku. Nisonqachejtaj: Cheqamanta q'ala tukuyninchejpuni t'una ruwasqas karqanchej; llajtanchej kaj, Señorninchejpata kajkunapis wajpaj makinman chayarqa ni pejpa jark'akusqallan; tukuy jallp'asninchejpis q'ala rak'irasqa karqa noqanchejta jap'ikapoj jamojkuna ukhupi.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Miqueas 3:5

Israel aylloyqa pantay ñankunasta rishan chay profetaswan ch'aukiyasqankurayku. Paykuna ninku: Sonqo tiyasqalla tiyakusunchej, nispa; mikhunankupaj qonku chaykunaman. Chaywampis maqaj sayaykunku piskunachus mana imatapis mikhunankupaj qonkuchu chaykunaman. Señor nin chay profetasman:

Habacuc 1:6

Caldeosta guerrapi maqanakunankupajpacha, paykuna sajra runas kanku. Kay pachata uj ladomanta uj ladoman correykachasqallankupuni kanku, wajpaj jallp'asninta dueñochakuspa.

Sofonías 1:13

Chayrayku waqaychasninkuta, suwas qhechonqanku. Wasisninkutaj thuñisqas kanqa. Wasista ruwakonqanku, manataj chay wasispi tiyakonqankuchu. Uvasta plantanqanku, chay uvas sach'aj poqoyninmantataj vinota mana ujyanqankuchu.

Tito 1:11

Chaykunataqa ch'inyachina tiyan. Chaykunaqa pejtunku wasintinta mana kajta yachachispa, qhasimanta qolqeta jap'ispa.

Tito 1:7

Iglesiapi uma kajqa mana k'amina kanan tiyan, Diospa mayordomon jina, mana jatunchakoj, mana usqhayllata phiñakoj, mana machaj, mana maqanakoj, nitaj qolqeta munapayaj.