Jeremías 7:29 - Qheshwa Biblia DC

²⁹ Jerusalén runas, chujchasniykichejta k'utukuychej, wijch'uychejtaj. Llakiy wañuyta chay ch'in lomaspi takiychej. Señorqa may phiñasqa kashan kay runaspa contrampi. Paykunata saqerparin, qhesacharparintaj.

DIOSPA QHELQACHISQAN DEUTEROCANONICAL

²⁹ Jerusalenpi tiyakojkuna, chujchaykichejta k'utuspa, wijch'uychej. Llakiy yarawita ch'in lomakunapi takiychej, imaraykuchus Tata Dios may phiñasqa contraykichejpi kaspa, qankunata qhesachasunkichej, wijch'usunkichejtaj.

DIOSPA QHELQACHISQ

²⁹ Jerusalenpi tiyakojkuna, chujchaykichejta k'utuspa, wijch'uychej. Llakiy yarawita ch'in lomakunapi takiychej, imaraykuchus Tata Dios may phiñasqa contraykichejpi kaspa, qankunata qhesachasunkichej, wijch'usunkichejtaj.

Jeremías 7:29 ပူးပေါင်းရင်းမြစ်များ

2 Reyes 17:20

Israelpa tukuynin mirayninta Señorqa qhesacharqa, llakiypitaj churarqa, suwaspa makisninmantaj saqerqa, paypa ñaupaqenmanta wijch'usqas kanankukama.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Isaías 22:12

Chayrayku, Tukuy Atiyniyoj Señorqa wajyasorqachej, mayta llakikuspa waqanaykichejpaj, umaykichejtataj ruthunaykichejpaj, qhashqa p'achastataj churakunaykichejpaj.

Jeremías 12:7

Aylluyta saqerparini, noqaypata kajllata saqerparini. Chay munasqa nacionniyta enemigosniyman enqhaykuni.

Jeremías 14:19

Señor, Judataqa qhesachasqatapunichu qhesachapunki? Sayk'upunkiñachu Sión llajtamantaqa? Imaraykutaj maqawarqaykuri thañiyta mana atinaykupajri? Suyarqayku allin sonqo tiyasqa tiyakuyta, mana imapis mana allin kajmantaqa jamorqachu. Suyarqayku kausayta, mancharikuyllataj kashan.

Jeremías 16:6

Kay jallp'apeqa jatunkunamanta, juch'uykunamantapis wañonqanku; mana pipis paypaj kanqachu, nitaj waqanqankuchu, llakiykunatapis mana rikuchenqankuchu, ukhusninkuta maqakuspa, chayri chujchasninkuta q'ararakuspapis.

Jeremías 3:2

Lomasta allinta qhawariy: Maynejpitaj qampa qhenchachakusqayki mana kanchuri? Ch'in pampaspi árabe warmi jina chukuykuspa qharisniykita ñan cantospi suyaj kanki. Kay llajtata ch'ichichakusqasniykiwan, sajra ruwasqasniykiwantaj qhenchacharqanki.

Jeremías 3:21

Ch'in orqospi qhapariykuna uyarikun: Chaykunaqa kanku khuyakuyta mañakuspa israelitaspa waqaynin. Cheqan ñanmanta t'aqakaporqanku, noqa Señor Diosninkutataj qonqakapuwarqanku.

Jeremías 47:5

Gaza llajtamanta runasqa chujchasninkuta ruthukunku. Ascalón llajtamanta runasqa upayasqas qhepakunku. Chay ñaupa jatun karay runasmanta puchojkuna, mayk'ajkamataj ukhuykita llik'irakunki llakiyniykita rikuchispari?

Jeremías 48:37

Tukuyninku umasninkuta ruthukunku, tukuypa sunkhasninkupis q'arasllataj; tukuyninku makisninkuta khuchurakunku, qhasqa p'achaswantaj p'achallikunku.

Jeremías 6:30

Sutichanachá kanqa wijch'usqa qolqe nispa, imaraykuchus qan, Señor, paykunata qhesacharqanki.

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Jeremías 9:16

Tatasninkoj mana rejsisqan llajtasman ch'eqerachisaj, chaypitaj makinkupi t'ojsinaswan qhatiykachachisaj, mana ujniyojta tukuchinankukama.

Lamentaciones 5:22

Qanqa, Señor, unaytaña qhesachawayku. Qanqa anchatañapunitaj noqaykupaj phiñakunki ari, Señor.

Ezequiel 19:1

Qanqa runa, Israel aylloj reyesnimpaj kay aya p'ampay takiyta takipuy:

Amós 5:1

Israelitas uyariychej kay palabrasniyta, qankunaj contraykichejpi llakiy takisqayta.

Miqueas 1:16

Qanrí, Sión llajta, umaykita q'arakuy llakiyniykita rikuchispa chay sumaj munasqa wawasniykimanta. Astawan umaykita q'araykuy alqamarej umanman rijch'akunankama, imaraykuchus wawasniykeqa waj jallp'aman apasqas kanqanku.

San Mateo 12:39

Jesustaj paykunaman nerqa: Kay sajra, qhenchachakoj runaj miraynenqa, mañan uj señalta. Manataj waj señal qosqachu kanqa paykunaman, profeta Jonaspa señalnillan qosqa kanqa.

San Mateo 16:4

Kay sajra, qhenchachakoj runaj miraynenqa, mañan uj señalta. Manataj ima señalpis qosqachu kanqa, Jonaspa señalninmanta astawanqa. Paykunata pachanman saqerpayaspataj riporqa.

San Mateo 23:36

Cheqamanta niykichej, kay tukuy imasqa jamonqa kay tiempo runaspa patanman.

San Mateo 3:7

Juanqa ashkha fariseosta, saduceostawan bautismoman jamojta rikuspa, nerqa: Katarikunaj miraynin! Pitaj yachachisorqachej Diospa jamoj k'ajaj phiñakuyninmanta ayqeytari?

Hechos 2:40

Ajinata Pedroqa sonqocharqa runakunata, waj ashkha palabraswan kallpachaspataj nerqa: Kay sajra runaj mirayninmanta ayqeychej, nispa.

Deuteronomio 32:5

Machu machu sajra runas, Diosta phiñachejkuna, qankunaqa mana wawasnin ninapaj jinachu kankichej.