Jeremías 7:24 - Qheshwa Biblia DC

²⁴ Chaywampis mana kasuwarqankuchu, nitaj uyariwarqankuchu, manachayqa rumi sonqo kayninkuwan apachikorqanku, sonqonkoj millay ruwayta munasqasninman jina. Noqaman kutirimunawankutaqa wasanchakuwarqanku.

DIOSPA QHELQACHISQAN DEUTEROCANONICAL

²⁴ Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

DIOSPA QHELQACHISQ

²⁴ Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Jeremías 7:24 ပူးပေါင်းရင်းမြစ်များ

Nehemías 9:29

Qantaj k'amej kanki leyesniykita watejmanta junt'aj churakunankuta. Paykunataj may kasqankuta yuyakuspa kamachisniykita mana kasojchu kanku. Nisqasniykitataj p'akej kanku, chay nisqasniykeqa kausayta qonka tukuy chaykunata, ruwajkunaman paykunataj qampa contraykita oqharikuspa, rumi sonqos kaspataj mana kasuta ruwarqankuchu.

Salmos 81:13

Aylluychus uyarinman karqa chayqa, Israeltajchus ñankunasniyta qhatinman karqa chayqa.

Jeremías 13:10

Kay sajra aylloyqa kamachisqasniyta mana junt'ayta munanchu. Rumi sonqompa munayninman jinalla rishan. Qhepaman kutiripun waj dioskunata yupaychaj. Chayrayku chay chumpi jina mana imapaj allinchu kanku.

Jeremías 13:11

Imaynatachus pipis chumpinta ñañu wasanman mat'iykukun, ajinallatataj ruwarqani Israel aylluywan, jinallataj Judá aylluywampis, noqaman sumaj ujchasqas kanankupaj, aylluytaj kanankupaj. Sutiymantataj yachachinankupaj, yupaychasqa, jatunchasqataj kanaypaj. Chaywampis, mana kasuwarqankuchu. Noqa Señormin chayta nini.

Jeremías 15:6

Qan saqerpariwarqanki, wasanchakuwarqankitaj, nispa Señorqa nin. Chayrayku noqaqa pacienciay tukukojtin, makiyta oqharerqani jasut'inasuypaj, tukuchisunaypajtaj.

Jeremías 16:12

Qankunataj paykunamanta aswan mana allinta ruwajkuna kankichej, sapa ujniykichej mana kasukuspa sonqoykichejpa sajra munayninman jinalla ruwarqankichej, manataj noqaqa kasuwarqankichejchu.

Jeremías 17:23

Paykunataj mana uyariwarqankuchu, manachayqa k'ullukorqanku, manataj kasuwayta munarqankuchu, nitaj wanaytapis.

Jeremías 17:9

Mana imapis runaj sonqon jina ch'aukaqa kanchu, nitaj millayta ruwajpis. Pitaj chayta rejsiyta atinmanri?

Jeremías 18:10

Sichus chay nación sajrata ruwan, kamachisqasniytataj mana kasunchu chaypachaqa, imastachus paypaj wakichiporqani chaytaqa manaña apachimusajchu.

Jeremías 18:12

Paykunaqa nisonqanku: Ama tiempoykita usuchiychu. Noqaykoqa munasqaykuman jina kausakullasqayku, qhatillasqaykupunitaj rumi sonqoykupi sajra yuyasqasniykumanjina, nispa.

Jeremías 2:27

Uj k'aspita ninkichej: Qan tatay kanki!, nispa. Uj rumitataj ninkichej: Qan mamay kanki!, nispa. Noqamantaj wasanchakuwankichej, manataj uyaykichejta rikuchikuwankichejchu. Maypachachus ñak'ariypi rikhuriytawankamari, nishawankichej: Jamuy salvanawaykupaj!, nispa.

Jeremías 22:21

Noqa parlarqayki tukuy imapis allin rishasojtin, manataj uyariyta munawarqankichu. Ajinatapuni ruwarqayki wayna kasqaykimantapacha. Parlasqayta mana uyariyta munawarqankichu.

Jeremías 23:17

Pichus palabrayta qhesachajkunata ninku: Tukuy ima allillan risonqachej, nispa. Pischus ruwallankupuni rumi sonqonkoj munasqanman jina, chaykunatapis ninku: mana ni ima sajra kajqa jamusonqachejchu, nispa.

Jeremías 3:13

Juchayoj kasqaykita reparakuy, Señor Diosniykita mana kasoj kasqaykita, mana rejsisqakunawan tukuy ch'ampa sach'as uraspi qhenchachakusqaykita, kamachiykunasniyta mana kasusqaykita ima. Noqa Señormin chayta nini.

Jeremías 3:17

Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

Jeremías 32:23

Chay qonayki jallp'aman yaykuspa jap'ikapuytawan mana kasusorqankuchu, nitaj chay yachachiykunasta qosqasniykita qhaterqankuchu, nitaj ruwarqankuchu ni imata chay kamachisqasniykimantaqa. Chayraykumin kay tukuy ñak'ariykunastaqa apachimorqanki.

Jeremías 32:33

Paykunaqa wasanchawanku, waj ladollata qhawanku. Mana uj ratopis paykunaman yachachiytaqa saqerqanichu, mana kasuwarqankuchu, k'amichikuytapis mana munarqankuchu.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

Jeremías 6:16

Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

Jeremías 7:26

Chaywampis, qankunaqa manapuni kasuwarqankichejchu, manachayqa chay ñaupa tatasniykichejmantapis astawanraj rumi sonqos karqankichej.

Jeremías 8:5

Chantaqa qan Israel, imaraykutaj wasanchawarqankiri? Jerusalén, imaraykutaj qan wiñaypaj qhesachawarqankiri? Imaraykutaj astawan rumi sonqoman tukushankiri, manataj kutirimpuyta munankichuri?

Jeremías 9:14

Manachayqa kaywan, sonqonkupi munayninkuman jinalla ruwarqanku, mana kaj dioskunatataj yupaycharqanku, tatasninkoj yachachisqanman jina.

Ezequiel 20:13

Astawampis israelitasqa ch'in pampapi contrayta sayarerqanku. Mana leyesniyman jinachu purerqanku, kamachisqasniyta qhesacharqanku. Chaykunata junt'aj runaqa kausanqa. Samakunay p'unchaykunasniytaqa manapuni kasuta ruwarqankuchu. Chayrayku noqa nerqani ch'in pampapi paykunata phiñakuyniypi tukuyninkuta chinkachinayta.

Ezequiel 20:16

Paykunaqa kamachisqasniyta qhesacharqanku, leyesniyta mana kasorqankuchu, samakuna p'unchaykunasniyta mana kasuta ruwarqankuchu, sonqonkupi lantisnillankuta yuyasqankurayku.

Ezequiel 20:21

Paykunaj wawasninkutaj contrayta jatarillarqankutaj. Mana kamachisqayman jinachu purerqanku. Yachachisqasniyta mana waqaycharqankuchu, nitaj junt'arqankuchu. Junt'ajqa kausayta tarenqa. Samakuna p'unchaykunasniyta mana kasorqankuchu. Chayrayku, noqa yuyarqani ch'in pampapi paykunaj patankuman k'ajaj phiñakuyniyta urmachimuyta, ajinamanta paykunapi phiñakuyniymanta samarinaypaj.

Ezequiel 20:8

Paykunataj contraypi sayarerqanku, manataj uyariyta munawarqankuchu. Ñawisninkuta ch'aukiyaj millay juchasninkumanta ni pipis t'aqakorqankuchu, nitaj Egiptopi kaj lantistapis saqerqankuchu. Yuyarqani paykunaj patampi k'aj phiñakuyninmanta samariyta, Egipto jallp'api kikin phiñakuyniyta paykunapi junt'anaypaj.

Daniel (hebreo) 9:6

Kamachisniyki profetastapis manaña kasupuykuchu. Paykunaqa reyniykuman sutiykipi parlarqanku, chanta kurajkunaman, ñaupa tatasniykuman, tukuynin Israel aylluman ima.

Oseas 10:6

Chaywampis, kikin waka uña lanti Asiriaman apasqa kanqa chay jatun reyman jaywakapunankupaj. Jinamanta Efraenqa p'enqasqa rikhurenqa. Israelpis p'enqasqa rikhurenqa chay lantimanta.

Oseas 4:16

Israelqa mana kasukunchu uj chukara waka jina, ajinatarí Señorqa michinmanchu sumaj qhallaj pastosnimpi corderosninta jina?

Miqueas 6:16

imaraykuchus qhaterqanki Omri jinataj Acabpa ayllumpa kamachisqasninta chantá ruwasqasninkutapis, imaynatachus paykuna ruwarqanku ajinallataj qampis ruwarqanki. Chayraykumin noqa ruwasaj qanwan, chaypi tiyakojkunasniykiwantaj llakiyta asipayasunankuta, Aylluypa p'enqaynintaj pataykiman urmamonqa.

Zacarías 7:11

Runastaj mana kasuta ruwarqankuchu. Tukuyninku wasanchakorqanku mana uyarejtaj tukorqanku.

Deuteronomio 29:19

Sichus mayqellampis kay juramentota uyarisqanmanta qhepata sumaj runa kasqanta yuyakuspa ninman: Allillampuni riwanqa tukuy imata munasqayman jina ruwajtiypis, nispa, chayqa, chay runanejta tukuyniykichej chinkachisqas kankichej.