Jeremías 7:20 - Qheshwa Biblia DC

²⁰ Chayrayku, noqa Señor cheqatapuni nini, tukuy phiñakuyniyta thallinayta kay cheqaj contranta, runakunasnimpa contrampi, jinallataj uywasnimpa contrampi, sach'asnimpa contrampi, chantá cosechasnimpa contrampipis. Chayqa nina jap'iykuchisqa mana thasnukuyta atej jina kanqa.

DIOSPA QHELQACHISQAN DEUTEROCANONICAL

²⁰ Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

DIOSPA QHELQACHISQ

²⁰ Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Jeremías 7:20 ပူးပေါင်းရင်းမြစ်များ

2 Reyes 22:17

Paykunaqa noqaqa saqerpariwanku, waj dioskunamantaj inciensosta q'osñichinku, chay tukuy imaymanasta makisninkuwan ruwaspa noqaqa phiñachiwanku. Phiñakuyneyqa kaypi tiyakojkunaj contrampimin, manataj thasnusqachu kanqa.

Isaías 10:17

Israelpa k'anchaynin Santo Diosnenqa, nina laurayman tukonqa; uj p'unchayllapi qhorasninta khishkasnintawan q'olarparenqa.

Isaías 42:25

Chayrayku, paykunaj patankuman manchay k'ajaj phiñakuyninta jich'amorqa, manchay ch'ajwapi kanankupaj. Tukuynejman jinata jap'iykucherqa. Chaywampis mana unancharqankuchu. Chay jinata ruphachishajtimpis mana kasorqankuchu.

Isaías 66:24

Paykunaqa llojsimuytawan rikonqanku, pikunachus contraypi jatarikorqanku chaykunaj ayasninta; imaraykuchus chay runasta mikhoj khurusqa mana wañonqankuchu; paykunata q'olasharqa chay ninankupis mana thasnukonqachu. Paykunata rikuspataj tukuy runas mayta millachikonqanku.

Jeremías 11:16

Waj tiempopi noqa payta suticharqani ashkha ch'ampa olivo sach'a, k'acha poqoyniyojtaj nispa, kunanrí sinch'i qhon qhonkunaspa chaupimpi laphisninta ruphachisaj, ramasnintataj k'ajllarasaj.

Jeremías 12:4

Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

Jeremías 14:16

Pismanchus willashanku chay ayllupis maqanakupi, jinallataj yarqhaypi wañonqa, chanta warmisnin, qhari wawasnin, warmi wawasnintintaj. Chay ayasninkutaj Jerusalén callespi wijch'usqas kanqanku, mana pipis paykunata p'ampaykojqa kanqachu. Ajinamanta juchasninkumanta pagachikusaj.

Jeremías 17:27

Sichus qankuna kay kamachisniyta mana kasukunkichejchu, chay samakuna p'unchaypi yupaychanawaykichejta, jinataj cargasta Jerusalenman samakuna p'unchaypi mana apaykunatawan mana junt'awankichejchu chayqa, llajtaj punkusninman ninata churasaj, chay ninataj Jerusalempa palaciosninta ruphaykonqa tukuchinankama, manataj pipis thasnuyta atenqachu.

Jeremías 17:4

Chayaqeykipaj qorqayki chay jallp'ata saqenayki tiyan, jinamantataj enemigosniykej kamachin kanankipaj; mana rejsisqa jallp'api kanaykipaj. Phiñakuyneyqa nina jina ruphaykunampaj jap'ikunña.

Jeremías 18:23

Qantaj, Señor, yachankiña, imastachus contraypi ruwayta munashasqankuta, noqata wañuchinawankupaj. Chay sajra ruwasqasninkumantaqa ama perdonaychu, nitaj juchasninkuta pampachaychu. Ñaupaqeykipi urmarachiy, phi'nakuyniykiwantaj jasut'iy.

Jeremías 21:12

Señormanta kay willayta uyariy: Tukuy p'unchaykunapi cheqan kajllata ruway, chay ñak'arejkunata kacharichiy qhasimanta oqojkunamanta. Pajtataj chay millay ruwasqasniykirayku phiñakuyniy nina jina jap'iykukunman, manataj pipis thasnuyta atishanmanchu.

Jeremías 42:18

Tukuy Atiyniyoj Señor Israelpa Diosnin nin: Ajinata imaynatachus phiñakuyniy k'ajarerqa Jerusalempi tiyakojkunaspa contrampi, ajinallatataj qankunaj contraykichejpipis oqharikusaj, sichus qankuna Egiptoman ripunkichej chayqa. Qankunapi tukuypa rikunanta maldicionniy rikuchisqa kanampaj, mayta t'ukunapaj jina kanqa, manataj jayk'aj kay lugarta rikunkichejñachu.

Jeremías 44:6

Chaypacha k'ajaj phiñakuyniyta, ninata jina lauraricherqankichej, Judá llajtaspi, Jerusalén callespi ima. Chaykuna kunan p'unchaykama ch'impacha raqaykunasllaña qhepakunku.

Jeremías 6:11

Phiñakuyniykiwan junt'asqaña kani Señor, manaña kakuyta atinichu, nispa. Señortaj niwarqa: Chay phiñakuyniyta thalliykuy ari callepi purishanku chay wawaspa patanman, jinataj chay waynaspa patanmampis. Qosasta warmisnintinta presochasqasta apanqanku, jinallataj machu runastapis.

Jeremías 6:12

Wasisninku, llank'anasninku, chanta warmisninkupis, wajkunaj makinkuman chayanqanku. Noqaqa makiyta oqaharisaj kay jallp'api tiyakojkunata jasut'inaypaj. Noqa Señormin chayta nini.

Jeremías 8:13

Señorqa nillantaj: Aylluytaqa trigota jina ruthusaj. Nitaj ni uj uvas poqoypis huertapi puchonqachu, nitaj uj higospis sach'ampeqa puchonqachu, manachayqa ch'aki laphisllaña qhepakonqa, nispa.

Lamentaciones 4:11

Señorpa k'ajaj phiñakuyninta junt'an, k'ajaj phiñakuyninta kachamun. Sión llajtapi ninata jap'iykuchin, chaytaj cimientonmantapacha chinkarichin.

Ezequiel 22:22

Imaynatachus hornopi unuyan, ajinata qankunata unuyachisqaykichej llajta chaupipi. Chaywan yachankichej noqaj Señor phiñakuyniyta qankunaman urmachimusqayta.

Ezequiel 7:12

Tiempoqa chayamunña, p'unchaytaj qayllapiña. Qhatupi vendejqa ama kusikuchunchu. Rantikojpis ama phutikuchunchu. Israelpa runaykachayninta phiñakuywan jasut'isaj.

Ezequiel 7:14

Putututa waqachenqanku maqanakuyman wajyaspa, nitaj pipis maqanakamunampaj llojsej kanqachu. Israelpa jatunchakuynintaqa k'ajaj phiñakuyniywan jasut'isaj.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Nahúm 1:6

Phiñakuynimpiri, pitaj sayasqallapipuni kanmanri? Pitaj chay phiñakuyninta ñak'ariyta atinmanri? Sinch'i phiñakuynenqa nina jinapuni t'akarikamun, ñaupaqempeqa qaqaspis iskayman lajrarikunku.

Sofonías 1:2

Kay jinata Señorqa nin: Jallp'a patapi kashan chayta tukuyninta t'unaykusaj.

Sofonías 1:3

Runasta animalestawan t'unaykusaj, p'isqosta jinallataj challwastapis. Sajra runasta urmachisaj, jallp'a patapi kaj runasta chinkachisaj. Kay jinata Señorqa nin:

Zacarías 7:12

Sonqosninkuta diamante rumita jina rumiyacherqanku, Tukuy Atiyniyoj Señorpa kamachiyninta yachachiykunasnintapis mana kasorqankuchu, mayqentachus ñaupa profetasninman Espiritunejta willarqa chayta. Chayraykumin Señorqa manchaytapuni phiñakorqa, nerqataj: Imaynatachus wajyashajtiy paykuna mana uyariyta munawarqankuchu, ajinallatataj noqapis wajyashawajtinku mana uyarisajchu.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

San Mateo 3:12

Jorcapis makimpiña kashan, trigota erapi llimphuchanampaj. Chaymantataj trigota pirwaman waqaychanqa, pajantataj mana jayk'aj thasnukoj ninaman kanaykonqa.