Jeremías 6:26 - Qheshwa Biblia DC

²⁶ Ayllúy, qhashqa p'achasta churakuy, llakiy p'achata churakuy, ushphapi sunt'iray; qhaparqachaspataj waqay, imaynatachus uj k'ata wawanku wañupojtin waqanku ajinata. Noqanchejta wañuchejkunaqa contranchejpi ñapis jamushanña.

DIOSPA QHELQACHISQAN DEUTEROCANONICAL

²⁶ Ayllúy, qhashqa p'achata churakuy, ushphapitaj qhoshpaspa, llakiyniykita rikuchiy. Luto p'achata churakuspa, sonqo nanayta waqay, imaynatachus pipis uj k'ata wawan wañupojtin waqan, ajinata, imaraykuchus wañuchejkuna contraykipi ñapis jamonqankuña, nispa.

DIOSPA QHELQACHISQ

²⁶ Ayllúy, qhashqa p'achata churakuy, ushphapitaj qhoshpaspa, llakiyniykita rikuchiy. Luto p'achata churakuspa, sonqo nanayta waqay, imaynatachus pipis uj k'ata wawan wañupojtin waqan, ajinata, imaraykuchus wañuchejkuna contraykipi ñapis jamonqankuña, nispa.

Jeremías 6:26 ပူးပေါင်းရင်းမြစ်များ

Job 15:21

Manchachikuy qhapariykunasta ningrisnin uyarin; sumajta waqaychakojtin astawan suwaspis suwanku.

Job 2:8

Chaypacha Jobqa ushpha chaupiman tiyakoj rerqa, uj k'analla p'akisqata jap'ispataj chaywan kitukorqa.

Isaías 22:12

Chayrayku, Tukuy Atiyniyoj Señorqa wajyasorqachej, mayta llakikuspa waqanaykichejpaj, umaykichejtataj ruthunaykichejpaj, qhashqa p'achastataj churakunaykichejpaj.

Isaías 22:4

Chayrayku nerqani: Jatariychej noqamanta; jik'un jik'unta waqarikusaj. Ama sonqochawaytaqa yuyaychejchu, llajtay tukuchisqa kasqanmanta.

Isaías 3:24

Chaypachaqa q'apaj imaspa cuentamantaqa asnaylla kanqa; chumpej cuentanmantaqa uj panoqalla kanqa; sumaj simp'asqa kananmantaqa p'ajla umalla kanqa; sumaj p'acha cuentanmantaqa uj qhasqa p'achalla kanqa; k'achita kananmantaqa, millay ruphasqa uya kanqa.

Isaías 30:13

Chayrayku qankunaj juchaykichejqa, uj alto thanta perqa lajrasqa urmashajmanña rijch'akun. Chay perqaqa mana yuyasqallamanta urmaykonqa.

Isaías 32:11

Qankuna, mana imata ruwaspa chukoj warmis, manchachikuychej ari; mana imamanta llakiyniyoj warmis, kharkatiychej ari. Chay p'achasniykichejta lluch'ukuychej. Qhashqa p'achasta churakuychej llakisqa kasqaykichejta rikuchinaykichejpaj.

Jeremías 12:12

Tukuynin ch'in pampaj orqosninta jamorqanku, millay phiña runas, noqa Señorpata uj espaday tiyapuwan, kay jallp'ata cantonmanta cantonkama tukuchinaypaj jina, sonqo tiyasqa kayqa mana pipajpis kanqachu.

Jeremías 13:17

Sichus mana kasuwankichej chayqa, mayta runaykachasqaykichejrayku pakayllapi waqasaj, ñawisniymanta waqaykuna sururenqanku; Señorpa ayllonqa waj llajtaman presos apasqas kashanku.

Jeremías 14:17

Aylluyman niy kayta: Tuta p'unchay mana sayk'uyta ñawisninkumanta waqaykunas surumuchunku, aylluypa chay jina sinch'i ñak'ariyninmanta, sinch'i nanasqasniyoj kasqanmanta.

Jeremías 15:8

Paykuna ukhupi saqerqani viudasta, mar qochaj t'iyusninta jina ashkhata. Kikin chaupi p'unchaypi chinkachejta apachimorqani, wayna wawasniyoj mamaspa patanman, kaymanta jinalla paykunaj patankuman ñak'ariyta, mancharikuytawan.

Jeremías 18:22

Contrankupi ujllapi ashkha suwasta kachaykamuy. Manchariywan qhaparqachasqanku uyarikuchun, imaraykuchus jap'inawankupaj uj jusk'uta allanku, purinasniymantaj tojllata churamunku.

Jeremías 4:11

Chay p'unchay chayamojtenqa, Jerusalén llajtamanta parlakonqa: Ch'in pampanejmanta q'oñi wayra phukumushan kay aylluynejman. Kayqa mana trigota wayrachinapaj jina allin wayrachu.

Jeremías 4:20

Sapa kuti llakiykunasmanta willaykunas chayamun. Tukuy jallp'antin phirisqa kashan. Uj ratollapi toldosniy phirisqas rikhurerqanku, maqanakuna toldosnimpis phaskasqas karqanku.

Jeremías 4:8

Chayrayku qhashqa p'achaswan p'achallikuychej, waqaychej, nanaywantaj qhaparqachaychej, imaraykuchus Señorpa k'ajaj phiñakuynenqa manaraj noqanchejmanta t'aqakunchu.

Jeremías 6:14

Aylluypa nanasqasninta pata patallanta jampiykurinku, ninkutaj tukuy ima allillan rishasqanta. Jinapis manapuni imapis allenqa kanchu.

Jeremías 8:19

Aylluypa waqasqasnenqa tukuy jallp'aspiña uyarikun: Señorqa manañachu Siompi kashan? Manañachu reynenqa chaypi kashan?, nispa. Señortaj kutichin: Imaraykutaj phiñachiwarqankichej chay lantikunata yupaychaspa, mana rejsisqa dioskunatari?, nispa.

Jeremías 8:21

Ñak'arini aylluypa ñak'arisqanwan, llakikuy mancharikuytaj atipashawanña.

Jeremías 9:1

Imaynapichus ñawisniy yaku juturi jina kanan, jinamanta tuta p'unchay unun paranta waqanaypaj llajtay ukhupi wañurasqankumanta.

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Lamentaciones 1:16

Chayrayku noqaqa manchayta waqarikuni; ñawisniymanta waqayqa sururishan. Mayta kusichispa sonqochawajneyqa saqerpariwan. Wawasneyqa tukuynin wañurachisqas kanku, enemigosniykutaj atipawaykupuni.

Lamentaciones 1:2

Tukuy tuta, sonqo nanayta waqan; waqaynenqa uyan urayta sururishan. Mana mayqen munasqallampis sonqochaykurej kanchu; tukuy kausaqesnin wasancharqanku, enemigosninmantaj tukorqanku.

Lamentaciones 2:11

Ñawisniypis waqasqaypi sinch'itaña sayk'un, ch'unchulasniypis kayman jaqayman kuyurinku. Sonqoyqa llakiywan phatashanña, aylluypa llajtanta chay jina thuñisqata rikuspa; astawanqa wawasta, ñuñoj wawastawan yarqhaywan callespi wañurashajta rikuspa.

Lamentaciones 3:16

Kirusniyta rumiwan chhamurawan, ushphapitaj sunt'ichiwan.

Lamentaciones 3:48

Ñawiymanta waqayqa mayu yaku jina puririn, llajtaypa wawasnin chinkachisqas kasqankumanta.

Lamentaciones 4:10

Ñaupajta k'acha khuyakuyniyoj warmis kajkunaqa, wawasnillankutataj wayk'uykakaporqanku. Kikin wawasnillankutataj mikhuykakaporqanku, aylluypa llajtan chay jina thuñisqa kajtin.

Lamentaciones 4:3

Atojkunapis uñasninkuman ñuñuchinku. Aylluypa wawanqa ancha sajra, ch'in pampapi suris jina.

Lamentaciones 4:6

Ayllusniypa wawasnenqa astawan juchata ruwanku Sodomamanta nisqaqa. Chay llajtaqa ujllapi chinkachisqa karqa, manaraj enemigos qayllaykushajtinku.

Amós 8:10

Wañusqasmanta waqayman fiestasniykichejta tukuchisaj. Takisqasniykichejtapis aya p'ampaypi waqayman tukuchisaj. Luto p'achasta churachisqaykichej. Umasniykichejta ruthuchisqaykichej, llakiypi kasqaykichej yachakunampaj. Waqankichejtaj uj runa k'ata wawan wañupojtin waqan jinata. Tukuy ima tukukonqa may llakiypi.

Jonás 3:6

Chay willaykunataj Nínivej reyninman chayarqa. Paytaj kamachinanmanta sayarispa, p'achasninta lluch'ukuspa, llakiy p'achasta churaykukuytawan ushpha patapi tiyamorqa.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

San Lucas 7:12

Llajta qayllapitaj tinkorqa uj wañusqata p'ampaj apashajkunawan. Ayaqa, viudaj uj k'ata wawan karqa. Ashkha runastaj llajtamanta paywan risharqanku.

Santiago 4:9

Llakikuychej, jik'un jik'unta waqaychej, asikusqaykichej waqayman tukuchun, kusikuyniykichejtaj phutikuyman tukuchun.

Santiago 5:1

Kunanqa, qhapajkuna, waqaychej ari, qhapariychej qankunaman llakiykuna jamunanmanta.