Jeremías 6:15 - Qheshwa Biblia DC

¹⁵ Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

DIOSPA QHELQACHISQAN DEUTEROCANONICAL

¹⁵ Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

DIOSPA QHELQACHISQ

¹⁵ Chay millay imakunata ruwasqankumanta p'enqakorqankuchu? Mana, manapuni p'enqakorqankuchu, nitaj imachus p'enqakuy kasqanta yachankuchu. Chayrayku jasut'inay p'unchaypi ujkuna jina jayt'akuspa urmanqanku. Noqa Tata Diosmin chayta nini.

Jeremías 6:15 ပူးပေါင်းရင်းမြစ်များ

Génesis 19:34

Q'ayantintaj kuraj kajqa sullk'anman nerqa: Noqa ch'isi tatanchejwan puñuni; kunan ch'isi ujtawan vinowan machaykuchinallataj, jinaspataj qanñataj paywan puñunki, ajinamanta tatanchejpaj wawasniyoj kananchejpaj.

Éxodo 32:34

Kunanqa rispa israelitasta pusay, maymanchus noqa pusay nerqayki chayman. Chaymantaj noqaj angelniy pusasonqa. Mayk'ajchus jasut'iy p'unchay chayamonqa, chaypacha noqa juchasninkumanta jasut'isaj paykunata.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Isaías 10:4

Qankunaqa presos jap'isqallaña kanaykichej, chayri wañusqaswan urmanallaykichejña. Chay tukuywampis Señorpa k'ajaj phiñakuynenqa manarajpuni thasnukunchu. Payqa makin oqharisqallarajpuni kashan.

Isaías 3:9

Paykunaj uyallankutaj willashan imaynachus kasqankuta. Sodoma runas jina, mana pakarispa juchasninkutaqa tukuyman willanku. Imachus paykunamantaqa kanqapis, paykunallataj jasut'ita wakichikunku.

Jeremías 14:15

Noqa Señormin chay profetasman nini, mana noqa kachajtillay sutiypi parlanku chaykunaman, ninkutaj: Mana maqanakus kanqachu, nitaj kay jallp'api yarqhaykunas kanqachu, nispa. Chay profetasqa maqanakupi yarqhaypitaj wañonqanku.

Jeremías 18:23

Qantaj, Señor, yachankiña, imastachus contraypi ruwayta munashasqankuta, noqata wañuchinawankupaj. Chay sajra ruwasqasninkumantaqa ama perdonaychu, nitaj juchasninkuta pampachaychu. Ñaupaqeykipi urmarachiy, phi'nakuyniykiwantaj jasut'iy.

Jeremías 23:12

Chayraykumin ñanninkoqa laqha may llusk'ataj kanqa. Noqataj tanqarparinankuta, chantá urmarparinankutataj nisaj. Maypachachus paykunamanta cuentasta mañasaj, chaypachaqa paykunaj patankuman mayta ñak'ariy jamonqa. Noqa Señor chayta nini.

Jeremías 3:3

Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

Jeremías 44:10

Kunankama qankunaqa mana saqenkichejchu sajra puriyniykichejta, nitaj manchachikuyniykichejpis kanchu, nitaj yachachisqasta, nitaj leykunastapis junt'ankichejchu, qankunaman, jinataj ñaupa tatasniykichejmampis qorqani chaykunata ima.

Jeremías 5:29

Manachu kay tukuymantaqa jasut'isaj? Manachu ajina runasmanqa chay ruwasqankuman jina qopusaj? Noqa Señormin chayta nini.

Jeremías 5:9

Manachu chay tukuymanta jasut'iymanri? Manachu ajina ayllumanqa chayta mask'akusqanman jina qopuymanri?

Jeremías 8:12

Chay millachikunay ch'ichi imata ruwaytaqa p'enqakunaykichej karqa. Qankunaqa p'enqakorqankichejchu, niñataj yachankichejchu imachus p'enqakuy kasqantapis. Chayraykumin qankunata jasut'ejteyqa misk'ankichej, chay ujkuna jinataj urmakunkichej. Noqa Señormin chayta nini.

Jeremías 8:9

Chay yachayniyojkunarí k'umuykuchisqas, mancharichisqastaj kanqanku, imaynatachus uj uywa tojllapi jap'ichikun jinata. Maypitaj chay yachayninku kashanri, palabrasniyta paykuna qhesachajtinkuri?

Ezequiel 13:14

Unu t'uruwan yurajyachisqaykichej perqata urmachisaj. Cimientosnin rikhurinankama pampachasaj. Arí, perqaqa urakama urmaykonqa, qankunataj chay t'unaykusqay chaupipi wañunkichej. Chaypacha yachankichej noqa Señor kasqayta.

Ezequiel 2:4

Wawasninkupis mana q'ewiy atina jina, rumi sonqostaj kanku. Paykunaman parlamunaykipaj qanta kachasqayki, kay jinata paykunaman niy: Señorqa kayta nin.

Ezequiel 24:7

Kay llajtaj yawar jich'asqanqa juntasqa kashan. Sumaj llusq'o rumis patapimin jich'asqa kashan, manataj jallp'a patapichu qhatasqa kanampajqa.

Oseas 4:5

Qanqa kikin sut'i p'unchaypi urmanki, tutantaj profeta qanwan urmallanqataj, kinkinta qampis wañullankitaj.

Oseas 9:7

Chayamunkuña jasut'ina p'unchaykunaqa! Ña chayamunkuña ruwasqankuman jina pagana p'unchaykunaqa! Israelpis yachanqa chay p'unchaykuna chayamusqankuta! Qankuna ninkichej: Profetaqa wampu, yuyaychasqa runapis ancha uman muyusqa, nispa. Pero chay tukuyta ninkichej juchawan junt'as kasqaykichejrayku, jinataj jatun phiñakuywan junt'as kasqaykichejrayku.

Miqueas 3:6

Manaña ujtawan ch'isisnimpi profetaspa rikunasninta rikunkichejchu, nitaj imachus jamunanmanta ch'isiyaykuypi niyta atinkichejñachu. Inti yaykuponqa chay profetaspajqa, p'unchaypis laqhayaykapullanqataj.

Miqueas 7:4

Paykuna ukhumanta allimpaj qhawasqa kajqa uj khiska jinamin; aswan honrado kajpis uj itapallu jina. Jinapis jamun uj p'unchay chayman jina jasut'isqas kananku, chay qhawaj chayta nerqaña jamunanta chay p'unchay. Chaypacha paykuna ukhupi q'ala ch'ipanaku kanqa.

Sofonías 2:1

Tukuyniykichej tantaykukuychej, mana p'enqayniyoj runas, manaraj apachikushajtiykichej, imaynatachus ichhus uj p'unchayllapi wayrawan apachikunku ajinata. Manaraj Señorpa lauraj phiñakuynin qankunaman chayamushajtin. Manaraj Señorpata k'ajaj phiñakuynimpa p'unchaynin qankunaman chayamushajtin.

Sofonías 3:5

Chay tukuywampis Señorqa llajtapi kashan. Allin kajtapuni payqa ruwan, manataj sajra kajtachu. Sapa paqarin cheqa kaj imasta wakichin, manataj pantanchu jayk'ajpis. Sajra runarí mana p'enqakuyllatapis yachanchu.

Zacarías 13:4

Jaqay tiempopeqa, profetas kajkunapis rikusqankuta sut'inchayta p'enqakonqanku. Ni pipis chay profetaspa chay qarasmanta ruwasqa qhatanata churakonqanku pitapis ch'aukiyanampajqa. Chayrayku sapa ujpis nenqanku: Noqaqa mana profetachu kani, manachayqa llank'aj runalla. Wawamantapacha campopi llank'aj kani, nispa.

San Mateo 15:14

Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.

Filipenses 3:19

Paykunaj tukukuynenqa wañuy, diosninkutaj wijsanku. P'enqaykunata ruwaspa kusikunku. Paykunaqa kay pachapi kajkunallata mask'ashanku.