Jeremías 52:27 - Qheshwa Biblia DC

²⁷ Chaypitaj Babiloniamanta reyqa wañurachinankuta kamacherqa. Ajinatamin Judá aylloqa jallp'anmanta wijch'usqa karqa.

DIOSPA QHELQACHISQAN DEUTEROCANONICAL

²⁷ Ribla llajtapitaj Babiloniata kuraj kamachejqa paykunata wañurachinankuta kamacherqa. Ajinatamin Judá suyupi tiyakojkuna waj suyuman apasqa karqanku.

DIOSPA QHELQACHISQ

²⁷ Ribla llajtapitaj Babiloniata kuraj kamachejqa paykunata wañurachinankuta kamacherqa. Ajinatamin Judá suyupi tiyakojkuna waj suyuman apasqa karqanku.

Jeremías 52:27 ပူးပေါင်းရင်းမြစ်များ

2 Samuel 8:9

Maypachachus Hamat llajtaj reynin Toi yacharqa, David rey Hadad-ezerpa soldadosninta atipasqanta, chaypacha wawan Joramta kacharqa apachispa qolqemanta, qorimanta, broncemantawan ruwasqa imasta, napaykuchinampaj allin ruwasqanta nichinampajtaj rey Davidman, pay maqanakupi rey Hadad-ezerta atipasqanmanta. Toipis maqanakullapitaj Hadad-ezerwan kasqanrayku.

2 Reyes 17:20

Israelpa tukuynin mirayninta Señorqa qhesacharqa, llakiypitaj churarqa, suwaspa makisninmantaj saqerqa, paypa ñaupaqenmanta wijch'usqas kanankukama.

2 Reyes 17:23

Señorqa israelitasta ñaupaqenmanta qharqorqa, imaynatachus pay profeta kamachisninnejta nisqanman jina. Israelitastaj presochasqas, Asiriaman apasqastaj karqanku, kunan p'unchaykama.

2 Reyes 23:27

Señorqa nerqa: Judata ñaupaqeymanta wijch'usajpuni, imaynatachus Israeltapis wijch'orqani ajinata, qhesachasajtaj kay ajllakusqay llajtata. Noqa ajllakorqani, chay wasitapis, mayqenmantachus noqa nerqani, kay wasiypi sutiy kananta chaytawan.

Isaías 24:3

Jallp'aqa ch'usajpacha kanqa. Tukuy iman kajta suwanqanku. Chaytaqa Señorpuni nin.

Isaías 27:10

Chay sumaj jark'achisqa llajtaqa ch'impacha kanqa, ch'usajpachataj mana imayoj, nitaj runayoj. Chayqa kanqa wakasta michinallapajña. Chay uywas chaypi sach'a ramasta mikhonqanku, samarikonqankutaj.

Isaías 43:28

Kamachejkunasniykichejqa santo wasiyta ch'ichicharqanku. Chayrayku noqaqa Jacobpa ayllun Israelta saqerqani, chinkachisqa, p'enqachisqataj kananta.

Jeremías 13:19

Neguevmanta llajtas muyuykusqasña kanku, ni pi chayninta pasayta atinchu. Tukuynin Judamanta kajkuna presos apasqas karqanku, jallp'ankumanta tukuynin wijch'usqas kaspa.

Jeremías 20:4

Señorqa nisunki: Qan kikiyki mayta mancharikunaykipaj jina ruwasqayki, jinataj tukuy kausayniykipajpis; rikunaykita kausaqesniyki enemigosninkoj espadanwan wañuchisqas kanqanku. Tukuy Judapi kaj tiyakojkunatataj Babilonia reypa makisninman jaywaykusaj, payta jallp'aykichejmanta Babiloniaman apasonqachej, chayri cuchillowan wañurachisonqachej.

Jeremías 21:7

Chay qhepantataj Judamanta rey Sedequiasta, Nabucodonosorpa makisninman, waj wañuchejkunaj makisninanwan jaywaykusaj. Chanta jaywaykullasajtaj tukuy puchojkunata, onqoykunamanta, maqanakumanta, yarqhaymanta, llajtapi puchojkuna soldadosta ima. Noqa saqesaj espadawan wañuchisqas, mana uj chhikan khuyarisqas kanankuta. Noqa Señor chaytaqa nini.

Jeremías 39:10

Judá jallp'allampi saqerparerqa chay allin wajchasnin kajta, mana ni imayoj kajkunata, chay p'unchaypitaj uvas huertasta, tarpuna jallp'asta ima qorarqa.

Jeremías 39:9

Qhepatataj Nabuzaradán reypa soldadosninta kamachej runa Babiloniaman apacherqa llajtapi qhepakojkunata, jinallataj caldeosman chimpajkunatapis.

Jeremías 52:9

Caldeostaj reyta jap'iytawankama, aparqanku Babiloniaj reypa ñaupaqenman, pichus Ribla llajtapi kasharqa, Hamat jallp'api. Chaypimá Nabucodonosorqa rey Sedequías wañunanta kamacherqa.

Ezequiel 33:28

Jallp'ataqa ch'in pampaman tukuchisaj, sumaj thuñisqamantaj. Chinkachisajtaj atienekushan chay atiyninta. Israelpa lomasnenqa ch'impacha qhepakonqa, manataj ima runapis chayninta purej kanqachu.

Miqueas 4:10

Sión llajta, wijsayoj warmi nanayninwan jina q'ewiykachakuy qhapariytaj, imaraykuchus runasniyki qanmanta llojsenqanku, q'ara pampapi tiyamonqanku, Babiloniakamataj chayanqanku. Jinapis Señor chaypi ayllunta kacharichejqa, enemigosninmanta salvanqa.

Deuteronomio 28:36

Señorqa qankunata, ajllakusqaykichej reyniykichejtawan waj nacionesman apachisonqachej, chay naciontaqa ni qankuna, nitaj tatasniykichejpis rejserqankichejchu. Chaypitaj, k'aspimanta, rumimanta ima ruwasqa waj dioskunata yupaychamunkichej.

Deuteronomio 28:64

Señorqa tukuynej nacionesman ch'eqerachisonqachej, kay mundoj cantosninkama; chaypitaj waj dioskunata yupaychankichej, k'aspimanta, rumismanta ima ruwasqasta. Chaykunata qankunaqa, ñaupa tatasniykichejpis ni jayk'aj rejserqankichejchu.

Deuteronomio 4:26

Chayta ruwawajchej chayqa, noqa janaj pachaj, kay pachaj ñaupaqempi niykichej ujllapi chinkachisqas kanaykichejta, chay Jordán chimpapi tiyakunaykichej chay jallp'amanta. Jinamanta chay jallp'api mana unaytachu tiyakunkichej, manachayqa tukuyniykichej chinkachisqas kankichej.