Jeremías 51:43 - Qheshwa Biblia DC

⁴³ Chay llajtasnenqa millay ch'inkunasman tukorqa, ch'aki jallp'asmanña, ch'in pampamantaj ni pejpa tiyakunampaj jina, manataj pipis chayninta pasanampaj jina.

DIOSPA QHELQACHISQAN DEUTEROCANONICAL

⁴³ Chay llajtankunaqa ch'inman tukonqanku, ch'aki jallp'aman, ch'in pampaman ni pejpa tiyakunanpaj jina, nitaj pipis chayninta purenqañachu.

DIOSPA QHELQACHISQ

⁴³ Chay llajtankunaqa ch'inman tukonqanku, ch'aki jallp'aman, ch'in pampaman ni pejpa tiyakunanpaj jina, nitaj pipis chayninta purenqañachu.

Jeremías 51:43 ပူးပေါင်းရင်းမြစ်များ

Salmos 46:8

Jamuychej, Señorpa t'ukuna ruwasqasninta qhawarej, kay pachata Señorninchej ch'in pachata saqesqanta.

Isaías 13:20

Manaña chaypi jayk'ajpis runa tiyakonqachu, nitaj llajtachakonqachu. Arabespis manañapuni jayk'ajpis chaypi jarakonqankuchu, nitaj michejkunapis chaypi uywasninkuta michenqankuchu.

Isaías 34:13

Chay palaciosninkupeqa khishkaslla wiñanqanku, pakakunasninkupipis itapalloswan, qhorasllawan wiñanqanku. Chantapis chaykunapeqa atojkunallaña puñonqanku, chay patiosnintaj surispa wasillanña kanqa, osqhollus tiyakonqanku, tarukaspis, cabraspis chaypi qhaparinakonqanku, tuta purej sajrapis chaypi tiyakonqa, samarikonqataj.

Isaías 47:11

Mana, allin llakiypuni qanman jamusonqa. Chaytataj mana yachankichu maymantachus rikhurimusqanta. Mana allin kay chayamusonqa. Chaytataj mana imanayta atinkichu. Mana yuyashajtillayki chay tukuy ima ñak'ariykuna urmaykamusonqa.

Jeremías 18:16

Jinamanta jallp'ataqa uj ch'in pampaman tukurparichin, jinataj qhepampi qhepampi asipayasqallapuni kanampaj. Tukuy chayninta pasajkunaqa mancharisqas umankuta khiwirenqanku.

Jeremías 2:6

Manaña noqamanta tapukuwankuchu: Maypitaj kashan, Egipto jallp'amanta orqhomuwarqanchej ch'inkunasnejta, may wayq'orara ch'in jallp'asnejta, mana yakuyoj jallp'asnejta, mana pejpa purisqan, nitaj tiyakusqan, may manchachikuna jallp'asnejta pusamuwarqanchej chay Diosri?, nispa.

Jeremías 50:12

Nacekusqaykichej llajtaqa p'enqaypi p'enqachisqa rikhurenqa. Tukuy nacionesmanta aswan kulli kaj kanqa, uj ch'aki ch'in pampa tukuy imasnin tukusqa.

Jeremías 51:29

Kay pacha ikhakun, kharkatitintaj, imaraykuchus Señorqa junt'ashan chay wakichikusqasninta, Babiloniata uj ch'in pampaman tukuchinan karqa chayta.

Jeremías 51:37

Babiloniaqa raqaykunasllamanña tukonqa, atojkunaspa pakakunallankumanña, mana tiyakunapaj jina cheqaman. Chaytaj tukuyta t'ukuchenqa, mancharichenqataj.

Jeremías 51:62

Chantá ninkitaj: Señor qan nerqanki kay nacionta tukuchinaykita, manaña pipis tiyakunampaj jina, ni runas, nitaj uywas, imaraykuchus wiñaypaj tukuchinki.