Jeremías 51:27 - Qheshwa Biblia DC

²⁷ Wiphaylata pataman oqhariychej maqanakoj yaykunaykichejpaj. Putututa waqachiychej, runasta tantaychej Babiloniata jap'ikapoj yaykunaykichejpaj. Paypaj contrampi Araratmanta, Minimanta, Askenazmantawan runasta tantaychej. Ajllaychej uj kuraj kamachejta tukuy reykunata pusanampaj. Phiñarisqa langostasta jina caballospi rejkunata kachaykuychej.

DIOSPA QHELQACHISQAN DEUTEROCANONICAL

²⁷ Chay suyupi wiphalata pataman oqhariychej maqanakuman yaykunapaj. Trompetata waqachiychej, runatataj tantaychej, Babiloniaj contranta maqanakoj yaykunapaj. Paypa contranpi Araratmanta, Minimanta, Askenazmantawan runata tantaychej. Chantá uj kamachejta churaychej, tukuy rejkunata maqanakuman pusananpaj. Caballopi rejkunata kachaykuychej, may chhika phinki phinkikuna jina.

DIOSPA QHELQACHISQ

²⁷ Chay suyupi wiphalata pataman oqhariychej maqanakuman yaykunapaj. Trompetata waqachiychej, runatataj tantaychej, Babiloniaj contranta maqanakoj yaykunapaj. Paypa contranpi Araratmanta, Minimanta, Askenazmantawan runata tantaychej. Chantá uj kamachejta churaychej, tukuy rejkunata maqanakuman pusananpaj. Caballopi rejkunata kachaykuychej, may chhika phinki phinkikuna jina.

Jeremías 51:27 ပူးပေါင်းရင်းမြစ်များ

Génesis 10:3

Gomerpa wawasnintaj karqanku: Askenaz, Rifat, Togarmawan.

Génesis 8:4

Chunka qanchisniyoj p'unchaypi, qanchis kaj killapi arcaqa tiyaykorqa Ararat nisqa orqo pataman.

2 Reyes 19:37

Chanta uj p'unchay payqa diosnin Nisrocpa wasinman yaykuspa chaypi qonqorikushajtin, wawasnin Adramelecwan, Sarezerwantaj, cuchillowan wañucherqanku. Chaymantataj Ararat jallp'aman ayqekorqanku. Paypa cuentampitaj wawan Esarhadon kamacherqa.

1 Crónicas 1:6

Gomerpa wawasnintaj karqanku: Askenaz, Rifat, Togarma ima.

Isaías 18:3

Tukuy kay mundontimpi tiyakoj runas, kay jallp'a patapi kajkuna, orqopi puntaspi bandera sayajta qhawariychej, pututu waqamojtimpis uyariychej.

Isaías 37:38

Uj kutitaj Nisroc nisqa diosninta yupaychashajtin, iskaynin wawasnin Adramelecwan, Sarezerwan tatankuta espadawan wañurpacherqanku, chaymantataj Ararat nisqa jallp'aman ayqerqanku. Esarhadón wawantaj paypa cuentanmanta rey karqa.

Jeremías 25:14

Jatuchaj nacionesmanta, atiyniyoj reykunapis paykunataqa jap'iykullanqankutaj. Ajinata paganaypaj chay ruwasqasninkuman jina.

Jeremías 46:23

Chay sach'asninta k'utukaponqanku. Noqa Señor chayta nini. Langostasmanta aswan ashkhas karqanku, manataj pipis yachayta aterqachu.

Jeremías 50:2

Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

Jeremías 50:3

Pata ladomanta uj nación paypa contrampi jamushan, chay llajtata ch'in pampaman tukuchinampaj. Manaña ni runas, nitaj uywaspis chaypi kausasqankuñachu, Chay jallp'amanta tukuy ayqenqanku, nispa.

Jeremías 50:9

Noqa wichaynejmanta atiyniyoj aylluta jamuchisaj, Babiloniata jap'ikapoj yaykuykunankupaj. Ñaupajta allinchaykukuytawankama jap'ikaponqanku. Paykunaqa sumajta maqanakuyta yachajkuna kanku, wach'inasninkuta kachaykunku mana ujta pantarispa.

Jeremías 51:12

Wiphaylata pataman oqhariychej Babiloniaj perqasninta thuñiykoj wakinankupaj. Qhawajkuna soldadosta astawan kachaychej. Qhawaj soldadosta churaychej. Pakaymanta wateqajkuna soldadosta churaychej. Señorpuni chay ruwanata wakicherqa. Imastachus ruwananta nisqanta ruwarqapuni, Babiloniapi tiyakojkunaj contrampi.

Jeremías 51:14

Tukuy Atiyniyoj Señorqa kausayninrayku juran: Enemigosniykiwan, langostaswan jina junt'aykuchisqayki, paykunataj qanta atipaykususqankurayku tarikonqanku, nispa.

Jeremías 51:28

Nacionesta wakichiychej maqaj yaykunankupaj. Mediamanta reykunata wakichiychej, chantá kamachejkunasninta, paywan llank'ajkunasninta, tukuynin kamachishanku chay jallp'asmantapacha.

Jeremías 6:1

Benjamimpa ayllunmanta kaj runas, pakakunata mask'aychej, Jerusalenmantataj ayqeychej! Tecoapi putututa waqachiychej, uj señalta oqhariychej Bet-haquerempi, imaraykuchus pata ladomanta uj llakiy, manchay ñak'ariytaj jamunayashan.

Joel 3:9

Kayta willaraychej naciones ukhupi: Cheqan maqanakuy kananta niychej! Kallpayoj runasta wajyaychej! Jamuchunku maqanakojkuna, ñaupajmantaj thaskichunku!

Amós 3:6

Llajta ukhupi pututu qhaparin chayqa, runas mancharinkupacha; ima sajrapis llajta ukhupi kan chaytaqa, Señormin kachamun.

Zacarías 14:2

Chay p'unchaypi Señor tantaykamonqa tukuy nacionesta Jerusalenwan maqanakunankupaj, wasisninkumanta orqhoraspa llajtantinta jap'ikaponqanku, warmisninkutapis mana munashajta qhenchachanqanku, chaypi tiyakojkunamanta khuskantapuni orqhospa waj llajtasman aparanqanku presosta jina. Chay puchojkunalla chaypi qhepakonqanku.

Jueces 6:5

Chay carpa wasisninkuwan jinataj uywasninkuwan chay jallp'aman junt'aykorqanku tukuy imasta phiriraspa. Langostas jinapuni may chhika camellosninkuwan junt'aykorqanku.