Jeremías 51:2 - Qheshwa Biblia DC

² Babiloniaman enemigosninwan kachaykusaj trigota jina wayrachimunankupaj. Chay jallp'ankuta mana uj runayojta saqenqanku, maypachachus chay ñak'ariy p'unchaynin chayamojtin, tukuynejmanta maqaj yaykuykonqanku.

DIOSPA QHELQACHISQAN DEUTEROCANONICAL

² Babiloniaman awqankunata kachaykusaj, trigota jina paykunata wayrachinankupaj. Chay suyuta ch'inyachenqanku, imaraykuchus tukuynejmanta contranpi llojsiykamonqanku, ñak'arinanku p'unchay chayamojtin.

DIOSPA QHELQACHISQ

² Babiloniaman awqankunata kachaykusaj, trigota jina paykunata wayrachinankupaj. Chay suyuta ch'inyachenqanku, imaraykuchus tukuynejmanta contranpi llojsiykamonqanku, ñak'arinanku p'unchay chayamojtin.

Jeremías 51:2 ပူးပေါင်းရင်းမြစ်များ

Isaías 41:16

Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

Isaías 43:14

Israelpa Santo Diosnin salvasojniyki Señorqa ajinata nin: Qankunata libranaypaj Babiloniaman runasta kacharqani, babiloniostataj tukuyninkuta ayqecherqani. Jinallataj runaykachaspa buquespi purej caldeostapis may llakiypi rikhuricherqani.

Jeremías 15:7

Runasniykitaqa ichhuta jina ch'eqeracherqani, jallp'aykej llajtasninmanta orqhospa. Mana wawasniyojta aylluyta saqerqani, paykunata tukucherqani, imaraykuchus mana chay sajra kausayninkuta saqeyta munarqankuchu.

Jeremías 50:29

Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.

Jeremías 50:32

Qan phiñanakuta mask'aj nación misk'aspa urmanki, manataj pipis uyarikoj kanqachu. Tukuy llajtasniykiman ninata jap'iykuchisaj, chay ninataj tukuy muyuynintinta ruphaykonqa.

Ezequiel 5:12

Qankuna ukhupi kinsaman t'aqasqamanta uj t'aqa, onqoywan wañuranqanku, chayri yarqhaywan qankuna chaupipi tukukonqanku. Uj t'aqataj espadawan wañurachisqas muyuyniykipi kanqanku. Ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

San Mateo 3:12

Jorcapis makimpiña kashan, trigota erapi llimphuchanampaj. Chaymantataj trigota pirwaman waqaychanqa, pajantataj mana jayk'aj thasnukoj ninaman kanaykonqa.