Jeremías 50:7 - Qheshwa Biblia DC

⁷ Paykunata chejnikojkunarí taripaspa oqoykoj kanku, nejtaj kanku: Mana noqaykoj juchaykuchu. Paykunaqa Señorpa contrampi juchallikusqankurayku. Paymin cheqamanta michejninkoqa, ñaupa tatasninkoj suyaynintaj.

DIOSPA QHELQACHISQAN DEUTEROCANONICAL

⁷ Pikunachus paykunata tarejkunaqa oqoykorqanku, awqankutaj nerqanku: Noqaykoqa mana juchayojchu kayku, imaraykuchus paykuna Tata Diospa contranpi juchallikorqanku. Paypimin ñawpa tatankukuna atinikorqanku, jinataj paykunaj samarikunanku karqa, nispa.

DIOSPA QHELQACHISQ

⁷ Pikunachus paykunata tarejkunaqa oqoykorqanku, awqankutaj nerqanku: Noqaykoqa mana juchayojchu kayku, imaraykuchus paykuna Tata Diospa contranpi juchallikorqanku. Paypimin ñawpa tatankukuna atinikorqanku, jinataj paykunaj samarikunanku karqa, nispa.

Jeremías 50:7 ပူးပေါင်းရင်းမြစ်များ

Salmos 71:5

Wayna kasqaymantapacha Señor, qan suyakunay, atienekunaytaj kanki.

Salmos 79:7

Paykuna Jacobta tukucherqanku, tukuy llajtataj ch'inman tukucherqanku.

Salmos 90:1

Señor, qanmin pakakunayku kanki tukuy mitakunapi.

Salmos 91:1

Patapi kaj Diospa jark'asqan kausakojqa, Tukuy Atiyniyoj Diospa llanthumpi pakakojqa.

Isaías 47:6

Noqaqa mayta phiñakorqani Israel aylluypaj. Chaypacha Israel nacionniytaqa mana allimpajchu qhawarqani, makiykimantaj jaywarqayki. Qantaj mana khuyarispa ñak'arichipuwarqanki; kurajkunaj much'usninman qanqa chay chhika llasa yugoykita churarqanki.

Isaías 56:9

Tukuy campo animales, k'ita animales ima, jamuychej ovejasta mikhoj.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Jeremías 10:25

Phiñakuyniykita kachaykuy, qanta mana rejsisunkuchu chay nacionespa patanman; jinallataj pikunachus sutiykita mana oqharinkuchu chaykunaman, imaraykuchus Judá aylluta mana ujniyojta tukorqochinku, jinamanta llajtataqa raqaykunasllataña saqerparinku.

Jeremías 14:8

Israelpa suyaynin qan kanki, ñak'ariykuna p'unchaykunaspitaj qanqa salvajniyku kanki. Imaraykutaj kay llajtaykupi uj mana rejsisqa runa jina kanki, chayri, imaynatachus uj ñan purejqa uj ch'isillata qheparikun ajinatari?

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Jeremías 2:3

Israelqa noqapaj t'aqasqa karqa, cosechasniymanta aswan allin kaj oqharisqay karqa. Pillapis paykunata ñak'arichejtenqa noqa jasut'ej kani, aswan ñak'ariykunasta chaykunaman apachispa. Noqa Señor chayta nini.

Jeremías 31:23

Israelpa Tukuy Atiyniyoj Señor Diosnin kayta nin: Maypachachus Judaman runasta kutichimojtiy, ujtawan paykuna jallp'ankupi rikhurejtinku, jinallataj llajtankupipis chaypacha nenqanku: Señor bendicichun kay llimphu orqota maypichus cheqa kaj tiyakun chayta.

Jeremías 33:15

Chay p'unchay chayamojtin, Davidpa mirayninmanta uj cheqanta ruwajta sayarichisaj, chaytaj cheqanchanqa, cheqantataj ruwanqa kay jallp'api.

Jeremías 33:16

Jaqay p'unchaykunapi Judaqa salvasqa kanqa, Jerusalentaj sumaj waqaychasqa kausakonqa. Chaypacha sutinmanta wajyanqanku: Señormin cheqa kayninwan atipayninchejqa.

Jeremías 5:17

Poqochisqasniykita, t'antaykitapis mikhukaponqanku, chantapis qhari wawasniykita, warmi wawasniykitapis oqoykonqanku. Ovejasniykita, wakasniykitapis mikhullanqankutaj, uvas poqoykunasniykita, higos poqoykunasniykita ima. Chay armasninkuwan, chay atienekoj kanki chay ruwasqa llajtasniykita phirenqanku.

Jeremías 50:14

Wach'inasniyoj kajkuna wakichikuychej, Babilonia llajtata muyuykuychej. Babiloniaspa contrampi wach'inasniykichejta kachaykuychej, imaraykuchus noqaj contraypi juchallikorqanku.

Jeremías 50:17

Israelqa uj chinkasqa oveja jinamin, leonespa qhatiykachasqan. Ñaupajtaqa Asiriamanta reyraj mikhuykorqa. Chaymanta Babiloniamanta rey Nabucodonosorñataj tullusninta k'utuykorqa.

Jeremías 50:33

Tukuy Atiyniyoj Señor nin: Israel ayllu, jinataj Judá ayllupis may ñak'arichisqas kashanku. Enemigosninku presosta jap'iykakapunku, manataj kachariyta munankuchu.

Ezequiel 34:5

Ovejasneyqa mana michejniyoj rikhurerqanku, ch'eqerakorqankutaj. Campospi kaj millay khurustaj mikhurarqanku.

Ezequiel 35:12

Chaypi yachanki uyarikusqayta, Israelpi kaj lomaspa contrampi kay jina sajrata parlasqaykita: Kay orqosqa saqerasqasña kanku, noqanchejman mikhurananchejpaj qopuwanchej, nispa.

Daniel (hebreo) 9:16

Señor, yachayku may k'acha kasqaykita. Ama jinachu kay ari, Jerusalenmanta karunchay phiñakuyniykita, k'ajaj phiñakuyniykita, imaraykuchus llajtaykimin chayqa, chayllapitaj kashan ajllakusqayki lomaykipis. Tukuy muyuynimpi nacionesmanta kaj runakunaqa, Jerusalenmanta, aylluykimantapis asikunku, noqaykoj juchasniykurayku, jinallataj tatasniykoj juchasninkuraykupis.

Daniel (hebreo) 9:6

Kamachisniyki profetastapis manaña kasupuykuchu. Paykunaqa reyniykuman sutiykipi parlarqanku, chanta kurajkunaman, ñaupa tatasniykuman, tukuynin Israel aylluman ima.

Zacarías 1:15

Chayrayku sinch'ita k'ajarin phiñakuyneyqa, mana ni imamanta yuyarikojkunaj contrampi, maypachachus pisillataraj phiñakorqani. Chaypachaqa paykunaqa astawan juchawan yapaykukorqanku.

Zacarías 11:5

Rantikojkunaqa wañuchinku manapis jucha kasqanta yuyaspa, vendekunarí ninkutaj: Graciasta qoni Señorman. Payrayku qhapajña kani, nispa. Ni kikin michejkunapis paykunamanta khuyakunkuchu.

1 Timoteo 1:1

Noqa Pablo, Jesucristoj kamachin kani, Salvajninchej Diospa kamachisqanrayku; jinallataj Señor Jesucristoj kamachisqanrayku. Paytaj suyayninchej.