Jeremías 50:29 - Qheshwa Biblia DC

²⁹ Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.

DIOSPA QHELQACHISQAN DEUTEROCANONICAL

²⁹ Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

DIOSPA QHELQACHISQ

²⁹ Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Jeremías 50:29 ပူးပေါင်းရင်းမြစ်များ

Éxodo 10:3

Chaymantaqa Moiseswan Aaronwan rispa faraonman willamorqanku: Ajinata nimusunki Señorqa, hebreospa Diosnin: Mayk'ajkamataj mana sonqoykita ñaupaqeypi llamp'uyachinkichu? Saqellayña israelitasniy llojsinankuta noqata yupaychanawankupaj.

Isaías 37:23

Pipaj qanqa rimankiri, pimantataj alqochakunkiri? Pejpa contrantataj chhika jatunmanta qhaparinki, jatun jatunmanta qhawaykachaspari? Israelpa Santo Diosnimpa contranta ruwanki.

Isaías 47:10

Qanqa sajra ruwasqasniykiman atienekuspa nerqanki: Mana pipis rikuwanchu, nispa. Qantaqa imatachus yachasqaykiwan, yachaynillaykiwantaj ch'aukiyasunku. Qantaj sonqoykipi nerqanki: Noqalla kani. Noqamanta astawan wajqa mana kanchu.

Jeremías 25:14

Jatuchaj nacionesmanta, atiyniyoj reykunapis paykunataqa jap'iykullanqankutaj. Ajinata paganaypaj chay ruwasqasninkuman jina.

Jeremías 48:26

Moabta machaykuchiychej, imaraykuchus Señorpa contrampi oqharikorqa. Chaypacha Moabqa ajtuykusqampi sunt'enqa, tukuytaj paymanta asiykukonqanku.

Jeremías 49:16

Qan mayta runaykachasqaykirayku ch'aukiyachikorqanki, imaraykuchus mancharikuyllata chimpachej kanki. Qanqa chhanka k'ajllusllapi kausakoj kanki, orqoj puntasninmanta jap'ikuspa. Anka jinapis may altopi thapachakuy, chaymantapis uraykuchimusqayki. Noqa Señor chayta nini.

Jeremías 50:24

Babilonia llajta, qampaj tojllata churarqani, mana allinta qhawakusqaykiraykutaj chayman urmaykorqanki. Chaypi presochasqa qhepakorqanki, Señorpa contrampi oqharikusqaykirayku.

Jeremías 50:26

Tukuynejmanta contrampi maqanakoj jamuychej. Mikhuy poqoj jallp'asninkuta kichariychej. Tukuy imasta tantaykuspa ninawan jap'iykuchiychej, ama imapis qhepakunampaj.

Jeremías 50:32

Qan phiñanakuta mask'aj nación misk'aspa urmanki, manataj pipis uyarikoj kanqachu. Tukuy llajtasniykiman ninata jap'iykuchisaj, chay ninataj tukuy muyuynintinta ruphaykonqa.

Jeremías 50:9

Noqa wichaynejmanta atiyniyoj aylluta jamuchisaj, Babiloniata jap'ikapoj yaykuykunankupaj. Ñaupajta allinchaykukuytawankama jap'ikaponqanku. Paykunaqa sumajta maqanakuyta yachajkuna kanku, wach'inasninkuta kachaykunku mana ujta pantarispa.

Jeremías 51:24

Noqa rikunaykichejta Babiloniaman, caldeosmampis imastachus munasqankuman jina jasut'isaj Sión orqopi millay imasta ruwasqankurayku. Noqa Señor chayta nini.

Jeremías 51:3

Wach'ina k'urusninkuta wakichikuchunku chay wach'inasniyoj kajkuna. Pechoquerasninkuta churakuchunku. Babilonia waynakunata ama khuyaychejchu. Soldadosninkuta mana ujniyojta tukuchiychej.

Jeremías 51:49

Arí, Babiloniaqa urmanqapuni, Israel ayllu ukhupi wañurachisqanmanta, jinataj tukuy kay pachapi wañurachisqasninmantapis.

Jeremías 51:56

Babiloniata chinkachej jamorqanku, ña jap'eqarqankuña ch'ajwapi maqanakojkunasninta, chay k'uru wach'inasninkutataj t'unata ruwarqanku. Señorqa Diospunimin, sapa ujman payqa qopun imatachus ruwasqankuman jina.

Lamentaciones 1:9

P'achanqa millay ch'ichi kashan, manataj yuyarikusqachu imaynatachus tukukunanmanta. Chayrayku payqa mana yuyasqamanta urmarparin, manataj pipis sonqochaykurej kanchu. Qhawariway ari Señor, llakiyniyta, enemigosniypis manchayta wapuykachasqankuta.

Lamentaciones 3:64

Kunanqa, paykunaman kutichiy ari, Señor, imatachus ruwasqankuman jina.

Daniel (hebreo) 11:36

Wichaynejpi kaj reyqa tukuy ima munasqanta ruwanqa. Jatunchakuynenqa maypuni kanqa. Tukuy dioskunajpata kurajnin kasqanta creekonqa. Cheqa Diospa contrantataj manchay sajrata parlanqa. Tukuy imataj paypajqa allin renqa, Dios paypaj jasut'ita apachimunankama. Diosqa imaynatachus ruwanan karqa chaytaqa junt'anqapuni.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Daniel (hebreo) 5:23

Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

Abdías 1:15

Wajkunata chay kikin ruwasqasniyki jinallatataj qanwampis ruwakonqa. Chay ruwasqasniykiman jina jap'ikapunki! Qallapiñamin kashan tukuy nacionespaj Señorpa p'unchaynenqa.

2 Tesalonicenses 1:6

Cheqantaj Diospajqa, qankunata llakichisojkunaman, llakiyllawantaj kutichinanqa.

2 Tesalonicenses 2:4

Payqa sayaykukonqa, oqharikonqataj tukuy ima Dios sutichasqaj contrampi, chayrí yupaychanaj contrampi; Diospa templonman yaykuspataj Dios jina tiyaykukonqa, kikin Diospis kanman jinataj rikuchikonqa.

Apocalipsis 16:6

Paykunaqa ajllasqaspa yawarninta, porfetaspatapis jich'arqanku. Chayrayku qampis yawarllatataj paykunaman ujyachinki. Paykunaqa chay jasut'ipaj jina kanku.

Apocalipsis 18:6

Payman kutichipuychej, imaynatachus qankunaman qorqasunkichej ajinata; ruwasqasninman jinataj iskay kutitawan kutichipuychej, ima copapichá qankunaman ujyachisorqachej, chayllapitaj iskay kutitawan ujyachiychej.