Jeremías 50:21 - Qheshwa Biblia DC

²¹ Merataim llajtata jap'ej wichariychej, jinataj Pecodpi tiyakojkunatapis. Qhatiykuspa tukuyninkuta wañurachipuychej. Tukuy imata kamachisqayman jina ruwaychej. Noqa Señor chayta kamachini.

DIOSPA QHELQACHISQAN DEUTEROCANONICAL

²¹ Meratayin jap'iyman maqanakoj wichariychej, jinataj Pecodpi tiyakojkunawanpis. Qhatiykuspa, tukuyninkuta wañurachiychej. Chay tukuy imata kamachisqayman jina ruwaychej. Noqa Tata Diosmin chayta nini.

DIOSPA QHELQACHISQ

²¹ Meratayin jap'iyman maqanakoj wichariychej, jinataj Pecodpi tiyakojkunawanpis. Qhatiykuspa, tukuyninkuta wañurachiychej. Chay tukuy imata kamachisqayman jina ruwaychej. Noqa Tata Diosmin chayta nini.

Jeremías 50:21 ပူးပေါင်းရင်းမြစ်များ

2 Samuel 16:11

Chaymantataj Abisaiman jinataj chay yanapajkunasninman kuticherqa kay jinata nispa: Wawallaytaj wañuchiyta munashawajtinri, Benjamimpa ayllunmanta kajqa astawanraj atinman! Saqeychej jinata contraypi parlamojta, Señorchá jinata kamachin!

2 Reyes 18:25

Manachu noqapis Señorwan jamushani kay cheqata chinkachinaypaj? Señor noqatapis niwarqa: Wicharispa chay jallp'ata chinkachimuy, nispa.

2 Crónicas 36:23

Persiamanta rey Ciroqa kay jinata nin: Janaj pachamanta Dios makisniyman churamun kay jallp'a patapi kaj tukuy reinosta, kamachiwantaj Jerusalempi Diosta yupaychana wasita ruwapunayta, chaytaj Judá jallp'api kashan. Ajinaqa mayqennillaykichejpis, Señorpa ayllunmanta kajkunataqa, Señor Diosniykichej yanapachun, jaqaymantaj richun.

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Isaías 44:28

Kamachej Cirotapis nini: Qanqa michejniy kanki, qanqa ruwanki imatachá munasqayta, nispa. Jerusalentapis nillanitaj: Qanqa watejmanta ruwasqa kanki. Diospa wasintapis nillanitaj: Qantapis watejmanta sayachisonqanku, nispa.

Isaías 48:14

Tukuyniykichej tantakuspa uyariychej: Mayqen diostaj kay imas kanmanta sut'incharqari? Pitachus noqa ajllarqani, chay runa nisqayta junt'anqa, Babiloniaj contranta caldeospa contrantawan.

Isaías 48:15

Noqa kani parlaj, wajyaj, kaymantaj pusamoj; chayrayku maykunastachus purisqasnimpeqa allimpuni renqa.

Jeremías 34:22

Kunan noqa kutirimunankuta kamachisaj, kay llajtaj contrampi jamunankuta, yaykuykamunankutataj, jap'ikapunankuta, ninatataj jap'iykuchinankuta. Judamanta chay puchoj llajtaspis ch'inyachisqas qhepakonqanku mana uj runayoj. Noqa Señor chayta nini.

Jeremías 48:10

Maldicisqa kachun pichus mana tukuy sonqowan Señorpa nisqanta ruwajqa. Maldicisqa kachun pichus wañuchinakuman mana yaykuyta munajqa.

Jeremías 50:15

Tukuynejpi maqanakunapaj jina qhapariykunasta uyarichiychej. Babilonia atipakunña. Torresnin, perqasnimpis thuñiykukunku. Kaymin ayni kutichisqayqa. Paymanta astawan aynita kutichiychej. Imaynatachus chay nacionestawan pay ruwarqa ajinata ruwaychej.

Jeremías 50:3

Pata ladomanta uj nación paypa contrampi jamushan, chay llajtata ch'in pampaman tukuchinampaj. Manaña ni runas, nitaj uywaspis chaypi kausasqankuñachu, Chay jallp'amanta tukuy ayqenqanku, nispa.

Jeremías 50:9

Noqa wichaynejmanta atiyniyoj aylluta jamuchisaj, Babiloniata jap'ikapoj yaykuykunankupaj. Ñaupajta allinchaykukuytawankama jap'ikaponqanku. Paykunaqa sumajta maqanakuyta yachajkuna kanku, wach'inasninkuta kachaykunku mana ujta pantarispa.

Deuteronomio 33:27

Israel ayllu, wiñaypaj kausaj Diosqa qampaj pakakuyniyki. Qanta jap'isunki wiñay atiyninwan. Enemigosniykita ñaupaqeykimanta ayqechenqa, qantataj kamachisonqa paykunata tukuchinaykita.

1 Samuel 15:3

Chayrayku paykunawan maqanakoj riy; tukuy paykunata jinataj tukuy kapuyninkutapis chinkachimunaykipuni tiyan, ama ni uj chhikanta paykunamanta khuyarikuspa. Wañurachiy qharista warmista, wawasta, chay ñuñoj wawastapis, ajinallatataj wakasninkuta, ovejasninkuta, camellosninkuta, burrosninkuta ima.