Jeremías 5:28 - Qheshwa Biblia DC

²⁸ Chaypitaj sumaj mikhusqas, wirastaj karishanku. Chay sajra ruwanankoqa mana tukukuyniyoj: Mana tatayoj wawasta mana qhawarikuchu, nitaj wajcha runaspa kausaynintapis allintachu qhawanku.

DIOSPA QHELQACHISQAN DEUTEROCANONICAL

²⁸ Paykunaqa sumaj wira llusq'olla karishanku. Chay millay ruwasqankoqa yupay mana atina. Mana piniyoj wajcha wawakunata mana qhawarinkuchu, nitaj wajcha runakunaman sayakunkuchu justiciata ruwanankupaj.

DIOSPA QHELQACHISQ

²⁸ Paykunaqa sumaj wira llusq'olla karishanku. Chay millay ruwasqankoqa yupay mana atina. Mana piniyoj wajcha wawakunata mana qhawarinkuchu, nitaj wajcha runakunaman sayakunkuchu justiciata ruwanankupaj.

Jeremías 5:28 ပူးပေါင်းရင်းမြစ်များ

Job 12:6

Suwaspa wasisnimpeqa imaspis junt'a, Diospaj imatapis rimajkunaqa kusisqas tiyanku; paykunaqa yuyanku makisninkupi Dios kasqanta.

Salmos 119:70

Yuyayninkoqa wisq'asqa kashan, noqataj kamachisqasniykipi kusikuni.

Salmos 72:4

Llajtamanta kaj wajchasta reyqa justiciata ruwachun, salvachuntaj chay wajcha wawasninta, ñak'arichej runatataj ñat'uchun.

Salmos 73:12

Qhawaychej ari kay juchasapasqa ni pej ima nisqan qhapajyanku.

Salmos 73:4

Paykunaqa wañuymanta mana llakikunkuchu, kallpanku junt'asqanrayku.

Proverbios 15:25

Señorqa urmachin runaykachajkunaj wasinkuta; viudaj wasintarí, sumajta sayachin.

Isaías 1:23

Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

Jeremías 12:1

Señor, qanwan siminakuni chayqa, qampa nisqaykipuni aswan allin kajqa llojsin, chaywampis tapurisuyta munayman, imaraykuchus chay wakin imas ajina kasqanta. Chay juchasapastaqa imaraykutaj allin rinri? Imaraykutaj chay wasanchajkunapis mana ima ch'ajwaywan kausakunkuri?

Jeremías 2:33

Munanakunata mask'anapajqa sumajta ñantaqa rejsinki. Sajra kajta yachachinapajqa, churasqa kanki.

Jeremías 22:3

Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

Amós 4:1

Uyarichej kay palabrasta, sumaj mentasqa warmis, Samaria orqospi tiyakojkuna. Qankuna ñak'arichinkichej wajchasta, pisichikojkunata maqankichej. Qosasniykichejtataj kamachinkichej: Apamuychej vinota, ujyanachejtaj, nispa.

Zacarías 7:10

Ama ñak'arichiychejchu warmi sapasta nitaj wajcha wawasta, nitaj waj llajtayojkunata, nillataj wajchastapis. Ama yuyallaychejpischu ujkuna ujkunata ima sajratapis ruwanakuytaqa.

1 Corintios 5:1

Cheqamanta qankuna ukhupi qhenchachakuy kasqan uyarikun. Chay jina qhenchachakoyqa gentilespurapipis mana kanchu. Uj runa qankuna ukhupi tatampa warminwan kashan.

Deuteronomio 32:15

Israelitasqa manchayta qhapajyarqanku, kayman jaqaymantaj jayt'arakorqanku, Diospa contrantataj oqharikorqanku. Jinamanta wirayarqanku llusk'apacha kanankukama. Ruwajninku Diostataj qonqaporqanku, qhesacharqankutaj jark'akoj Salvadorninkuta.