Jeremías 5:17 - Qheshwa Biblia DC

¹⁷ Poqochisqasniykita, t'antaykitapis mikhukaponqanku, chantapis qhari wawasniykita, warmi wawasniykitapis oqoykonqanku. Ovejasniykita, wakasniykitapis mikhullanqankutaj, uvas poqoykunasniykita, higos poqoykunasniykita ima. Chay armasninkuwan, chay atienekoj kanki chay ruwasqa llajtasniykita phirenqanku.

DIOSPA QHELQACHISQAN DEUTEROCANONICAL

¹⁷ Chay runakuna poqochisqaykita, mikhunaykitapis tukuykonqanku, jinallataj qhari wawaykikunata, warmi wawaykikunatapis wañuchenqanku. Chantá ovejaykikunata, wakaykikunatapis mikhuykakaponqanku. Uva huertaykita, higo sach'aykitapis llant'aykonqanku. Mayqenkunapichus atinikoj kanki, chay jatuchaj perqawan jark'achasqa llajtaykikunatapis phirenqanku, nispa.

DIOSPA QHELQACHISQ

¹⁷ Chay runakuna poqochisqaykita, mikhunaykitapis tukuykonqanku, jinallataj qhari wawaykikunata, warmi wawaykikunatapis wañuchenqanku. Chantá ovejaykikunata, wakaykikunatapis mikhuykakaponqanku. Uva huertaykita, higo sach'aykitapis llant'aykonqanku. Mayqenkunapichus atinikoj kanki, chay jatuchaj perqawan jark'achasqa llajtaykikunatapis phirenqanku, nispa.

Jeremías 5:17 ပူးပေါင်းရင်းမြစ်များ

Isaías 62:8

Señorqa paña makimpa atiyninwan juraspa nerqa: Mana jayk'ajpis enemigosniykiman trigoykitaqa mikhuchisajchu, manataj waj runaspis llank'asqayki vinotaqa ujyanqankuchu.

Isaías 62:9

Mana chayqa pikunachá oqharejkunalla mikhonqanku, Señortataj yupaychanqanku. Wakin pallajkunapis ch'irwaspa ujyanqanku ajllakusqay wasiy patiopi.

Isaías 65:22

Wasistaqa mana waj tuna tiyanampajchu ruwanqanku, jinallataj uvastapis wiñachenqanku mana waj runa mikhunampajchu. Ayllusneyqa sach'as jina kausanqanku. Jinamanta ajllasqasniypis makisninkoj tarpusqasninwan kusikonqanku.

Jeremías 1:15

Noqa Señor cheqamanta niykichej: Pata ladomanta chay tukuy nacionesta wajyamusaj. Reyes jamonqanku, kikin Jerusalempa yaykunasnin punkusnimpitaj tiyanasninkuta churanqanku. Jerusalempa perqasnimpa qayllasninman jina, chantá Judá llajtas qayllamantaj.

Jeremías 25:37

Señorqa phiñakorqa, chay pastosniyoj camposninkutataj q'ararparicherqa.

Jeremías 4:26

Qhawarerqani, campospi chay poqoykunapis ch'in pampaman tukuchisqa karqa. Tukuy llajtasnimpis raqaykunallaña karqa. Señorqa k'ajaj phiñakuynin kay tukuytaqa ruwacherqa.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Jeremías 5:18

Señorqa nillantaj: Chaywampis chay p'unchaykunapeqa mana tukuynintachu phirisaj.

Jeremías 50:17

Israelqa uj chinkasqa oveja jinamin, leonespa qhatiykachasqan. Ñaupajtaqa Asiriamanta reyraj mikhuykorqa. Chaymanta Babiloniamanta rey Nabucodonosorñataj tullusninta k'utuykorqa.

Jeremías 50:7

Paykunata chejnikojkunarí taripaspa oqoykoj kanku, nejtaj kanku: Mana noqaykoj juchaykuchu. Paykunaqa Señorpa contrampi juchallikusqankurayku. Paymin cheqamanta michejninkoqa, ñaupa tatasninkoj suyaynintaj.

Jeremías 8:13

Señorqa nillantaj: Aylluytaqa trigota jina ruthusaj. Nitaj ni uj uvas poqoypis huertapi puchonqachu, nitaj uj higospis sach'ampeqa puchonqachu, manachayqa ch'aki laphisllaña qhepakonqa, nispa.

Jeremías 8:16

Enemigosqa jamushanña. Caballospa ansaqesqasninku Danmantapachaña uyarikun. Caballos qhaparinku chayqa, tukuy jallp'antin kharkatitin. Jallp'api tukuy kaj imasta t'unaykoj jamushanku, llajtata, chaypi tiyakojkunasninta ima.

Lamentaciones 2:12

Wawasqa mamasninkuman nej kanku: Maytaj t'antawan vinowanri? Llajta callespi maynejpipis ch'anqasqa jina wijch'usqasña kanku; mamankoj arphimpi ñak'ayllataña samaqeshanku.

Lamentaciones 2:2

Señorqa tukuy imata pampata ruwan mana khuyakuspa. Phiñakuyninwan Señorqa Jacobpa wawasninta wasintinta tukuyninkuta thuñirarqa. Judá llajtaj jark'achisqa perqasnintapis tukuyninta pampachan; maytapuni reyta kamachejkunatawan k'umuykachachin.

Ezequiel 36:4

Chayrayku Israelpa alto orqosnin, atiyniyoj Señorpa nisqanta uyariychej: Señorqa kay jinata nin, Israelpa lomasninman, alto orqosninman, wayq'osninman, vallesninman, q'ara pampaman tukuchisqa jallp'asman, saqerasqa Israelpa llajtasninman ima, paykunataqa qayllampi kaj llajtaj suwarqanku, alqochakorqankutaj.

Oseas 2:12

Q'alata pampachasaj uvas sach'asninta higos sach'asnintapis, chaykunamanta payqa nirej: Kaykunaqa munasqasniypa qowasqasninku kanku, nispa. Q'ala chhari chharisllamanña tukuchisaj chaypitaj monte animaleslla mikhuykonqanku.

Oseas 8:14

Israelqa oqharin palaciosta, chay ruwajninmantataj qonqakapun. Judapis oqharin ashkha llajtasta sinch'i ruwasqasta, noqataj chay tukuyta ninapi q'olachisaj tukuy palaciosnintinta ruphanampaj.

Joel 2:3

Nina jinamin kanku, tukuy imata ruphaykunku. manaraj pasashaspa nina q'olaykunku. Pasaykusqankumantapis q'olashallankupuni. Jallp'aqa, manaraj chay p'unchay chayamushajtenqa, Edén huerto jina karqa. Pasasqanmantawantaj ch'in pampaman rijch'akun. Paykunamantaqa mana imapis ayqekunchu!

Sofonías 3:6

Señorqa nin: Llajtasta t'unachini. Perqasniyoj wasisninkuta pampaman tukuchini. Callesninkutataj ch'impachata saqerparini, ni uj runapis purej kanchu chay callespi. Saqerasqa ch'usaj llajtasninkupeqa mana uj k'ata runallapis tiyakoj kanchu.

Malaquías 1:4

Esaojpa miraynin Edom llajtayojkunachus ninkuman: T'unasqas karqanchej, watejmanta llajtanchejta sayachinallataj nispa chayqa; Tukuy Atiyniyoj Señorqa paykunaman kutichinman: Watejmanta llajtankuta ruwakojtinkoqa, noqa ujtawan t'unallasajtaj. Jallp'ankumantataj nenqanku: Kay jallp'aqa sajra nisqa, runasninkumantataj nenqanku: Kay runaswanqa Señor wiñaypaj phiñasqa, nispa.

Deuteronomio 28:33

Jallp'asniykichejpi llank'aspa poqochikusqaykichejta mana rejsisqaykichej runas mikhonqanku. Sapa kuti sarusqas, k'umuykuchisqas kankichej.