Jeremías 5:15 - Qheshwa Biblia DC

¹⁵ Señorqa nillantaj: Israel, contraykipi karumantapacha waj llajtayojkunata pusamusaj, chay llajtayojkunaqa manchay sinch'i runas kanku, may unay runastaj kanku. Qanqa parlayninkuta mana rejsinkichu, nitaj chay nisqasninkuta yachankichu.

DIOSPA QHELQACHISQAN DEUTEROCANONICAL

¹⁵ Chantá Tata Dios nillarqataj: Israel, contraykipi karumantapacha waj llajtayojkunata kachamusaj. Chay llajtayojkunaqa manchay sinch'i runakuna kanku, may unayniyojtaj. Qanqa rimayninkuta mana parlankichu, nitaj parlasqankuta entiendenkichu.

DIOSPA QHELQACHISQ

¹⁵ Chantá Tata Dios nillarqataj: Israel, contraykipi karumantapacha waj llajtayojkunata kachamusaj. Chay llajtayojkunaqa manchay sinch'i runakuna kanku, may unayniyojtaj. Qanqa rimayninkuta mana parlankichu, nitaj parlasqankuta entiendenkichu.

Jeremías 5:15 ပူးပေါင်းရင်းမြစ်များ

Génesis 11:7

Kunanqa jaku uraykunachej parlayninkuta chajroj, parlasqankuta ama entiendenakunankupaj.

Salmos 81:5

Chaytataj Diosninchej Joseman qosqa Egiptomanta orqhomushaspa. Uj mana rejsisqa parlayta uyarerqani.

Isaías 28:11

Mana kasukojtinkoqa khaku parlajkunaj parlaynimpi, mana rejsisqa parlaypirajtaj Diosqa kay aylluman yachachenqa.

Isaías 29:3

Qampa contraykita soldadosniywan muyuykuchisqayki, muyuyniykitataj k'aspista churasaj; contraykipitaj pakakuna t'oqosta allaykusaj.

Isaías 29:6

Tukuy Atiyniyoj Señortaj paykunata jasut'enqa, qhon qhonkunawan, jallp'a kuyuykunawan, manchay ch'ajwawan, sinch'i wayrawan, llojlla parawan, manchayta q'olaj ninawan ima.

Isaías 33:19

Manaña wapuykachaj llajtata rikunkichu, chay parlasqankoqa mana unanchay atina, mana unanchay atina parlayninkuta ima.

Isaías 39:3

Chay qhepatataj Isaiasqa rey Ezequiasta watukoj rispa taporqa: Maymantataj chay runas jamusqankuri? Ima nisunkutajri? Ezequiastaj nerqa: Karumanta, Babiloniamantapacha watukuwaj jamusqanku, nispa.

Isaías 5:26

Karupi kaj nación jamunampaj señasta ruwan, jallp'aj k'uchunmantataj silbaspa wajyan. Chay naciontaj ujllata ima jina usqhayllata chayarparimun.

Isaías 5:7

Tukuy Atiyniyoj Señorpa uvas sach'asnenqa, Israelmin. Judapi kaj runasqa may munasqa uvas plantakusqan kanku. Señorqa suyarqa israelitas leyta junt'anankuta, astawanqa runa wañuchinakuyllata tarin; Payqa suyarqa imapis cheqan kananta, astawanqa nanaywan qhapariyllata tarin.

Jeremías 1:15

Noqa Señor cheqamanta niykichej: Pata ladomanta chay tukuy nacionesta wajyamusaj. Reyes jamonqanku, kikin Jerusalempa yaykunasnin punkusnimpitaj tiyanasninkuta churanqanku. Jerusalempa perqasnimpa qayllasninman jina, chantá Judá llajtas qayllamantaj.

Jeremías 2:26

Imaynatachus uj suwaqa jap'ichikuspa p'enqakun, ajinata Israelpis p'enqakonqa, llajtantin, reyesnintin, kurajkunasnintin, sacerdotesnintin, chantá profetasnin ima p'enqakonqanku.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 4:16

Nacionesman, chantá Jerusalenmampis willaychej, karu llajtasmanta enemigosninku kachaykakamusqankuta, maqanaku ch'ajwaykunawan, tukuy Judapi kaj llajtaspa contrampi.

Jeremías 5:11

Israelwan, Judawanqa wasanchawanku. Noqa Señor chayta nini. Jasut'i jamunanmanta willaykuna

Jeremías 6:22

Señorqa nin: Patakaru jallp'asmanta uj atiyniyoj nación jamunampaj wakichikushan.

Jeremías 9:26

Kay ayllusta: Egiptota, Judata, Edomta, Amonta, Moabwan, jinallataj tukuy ch'in pampapi tiyakojkunata, umasninkuta ruthuchikunku chaykunatawan. Imaraykuchus chay ayllusqa, jinataj tukuy Israel ayllupis, cheqamanta sonqonkupi qhesachawanku.

Ezequiel 18:31

Contraypi tukuy sajra ruwasqasniykichejmanta t'aqakuychej, mosoj sonqoyojman tukuychej, mosoj espirituyojmantaj. Israel ayllu, imaraykutaj wañuwajri?

Daniel (hebreo) 7:7

Tawa kaj animalta rikorqani chaytaj ancha fiero karqa, manchachikunapaj jinapuni, manchay kallpayojtaj. Kirusnenqa fierromanta karqanku, jatuchejtaj. Tukuy imata oqoykorqa, t'unaykorqataj, puchojtataj sarorqa. Mosqoyniypi rikorqani chaykunamanta kay kajqa waj laya animalpuni karqa. Umampis chunka wajrasniyoj karqa.

Amós 6:14

Israelitas qankunaqa allinta qhawakuychej, nispa nin Tukuy Atiyniyoj Señor Diosqa. Noqa sayarichimusaj uj nacionta qankunaj contraykichejta. Paykunataj mana kacharisonqachejchu, qhepamantataj, ñaupajmantataj jark'aykusonqachej.

Habacuc 3:16

Kay tukuy imasta uyarispa manchachikorqani. Parlasqaypipis simiy kharkatiterqa; chakisniypis mana sayayta aterqachu chantá tukuy ukhuynintin llauchhuyaporqa. Chaywampis alliywan suyallasaj, maypachachus Dios chay ñak'arichiwajninchejpa soldadosninta ñak'ariyman churanqa chay p'unchayta.

1 Corintios 14:21

Escriturapi escribisqa kashan: Kay llajtata parlapayasaj waj parlaykunapi, karu llajtayojkunaj siminwan; ni ajinapipis uyarikonqankuchu, nin Señorqa.

Deuteronomio 28:33

Jallp'asniykichejpi llank'aspa poqochikusqaykichejta mana rejsisqaykichej runas mikhonqanku. Sapa kuti sarusqas, k'umuykuchisqas kankichej.

Deuteronomio 28:49

Qankunaj contraykichejta karumanta mundoj cantosninmantapacha Señorqa waj llajtayojkuna runasta kachamusonqachej. Chay runaspa parlayninkutataj mana entiendeyta atinkichejchu, paykunaqa anka jina usqhayllata chayamusonqachej.