Jeremías 49:8 - Qheshwa Biblia DC

⁸ Dedampi tiyakojkuna usqhay usqhayta ayqeychej. Rispa sumajta pakakamuychej, imaraykuchus Esaój ayllunta chinkachisaj, jasut'inay p'unchayqa chayamunña.

DIOSPA QHELQACHISQAN DEUTEROCANONICAL

⁸ Dedanpi tiyakojkuna, kutirikuspa ayqeychej, sumajtataj pakakamuychej, imaraykuchus noqaqa Esaúj ayllunta chinkachisaj, jasut'inay p'unchay chayamojtin.

DIOSPA QHELQACHISQ

⁸ Dedanpi tiyakojkuna, kutirikuspa ayqeychej, sumajtataj pakakamuychej, imaraykuchus noqaqa Esaúj ayllunta chinkachisaj, jasut'inay p'unchay chayamojtin.

Jeremías 49:8 ပူးပေါင်းရင်းမြစ်များ

Isaías 2:21

Sat'ikonqanku qaqa jusk'usman, chhanka jusk'usman, pakakuspa Señorpa may jina jatun kayninmanta, jatun kaynimpa lliphipiyninmanta ima, jallp'ata kharkatichej jamojtin.

Isaías 21:13

Arabiaj contranta willay. Dedanmanta purejkuna, Arabia orqospi uj ch'isita puñunkichej.

Isaías 34:5

Janaj pachapi Señorpa espadanqa wakichisqa kashan. Chaytaj Edom llajtaman uraykamonqa, wañunampaj juchachasqa llajtaman.

Jeremías 25:23

Dedanman, Temaman, Buzmampis, chay umasninkuta ruthukunku chay ayllusman;

Jeremías 46:21

Pagasqa soldadosnimpis waka uñas jina wirasllataj kanku, jinapis paykunaqa usqhay usqhayllata ayqenqanku manaña sayayta atispa. Ñak'arichisqas kanankoqa chayamunña, jasut'isqas kananku chay ratopis.

Jeremías 48:28

Moabpi tukuy tiyakojkuna llajtasta saqeychej; chhanka jusk'usman tiyakoj ayqeychej, imaynatachus chay chhanka jusk'uspi palomas thapachakuspa tiyakunku ajinata.

Jeremías 48:44

Pichus chay jap'ejkunamanta ayqekojqa t'oqoman urmaykonqa, pichus t'oqomanta llojsimojrí tojllamanñataj urmaykonqa, imaraykuchus noqa Moabpa patanman chay jasut'ikunan tiempota apachimusaj.

Jeremías 48:6

Ayqeychej. Pichus atejqa salvakuchun. Ch'in pampapi khishka jinataj kachunku.

Jeremías 49:30

Hazorpi tiyakojkuna usqhayta ayqeychej. Rispa allinta pakakamuychej. Noqa Señor chayta nini. Babiloniamanta rey Nabucodonosorqa qankunaj contraykichejpi sajra ruwaykunata wakichikunña.

Jeremías 49:32

Camellosninkuta, tukuy uywasninkutapis suwarpariychej. Tukuynejman noqa paykunata ch'eqerachisaj, chay umasninkuta ruthukoj runasta; tukuynejmanta may ñak'ariykunasta paykunaman apachmusaj. Noqa Señor chayta nini.

Jeremías 50:27

Tukuy soldadosninta wañuchiychej, wañuchina cheqaman apaychej. Paykunapajqa uj llakiy, p'unchayninku chayamun jasut'ichikunanku rato.

Jeremías 6:1

Benjamimpa ayllunmanta kaj runas, pakakunata mask'aychej, Jerusalenmantataj ayqeychej! Tecoapi putututa waqachiychej, uj señalta oqhariychej Bet-haquerempi, imaraykuchus pata ladomanta uj llakiy, manchay ñak'ariytaj jamunayashan.

Ezequiel 25:13

Chayrayku Señorqa kay jinata nin: Noqa Señor makiyta oqharisaj Edomta jasut'inaypaj, runasninta uywasnintawan t'unaykunaypaj. Thuñisqata saqesaj Temanmanta qallarispa Dedankama. Runasqa espadawan wañurachisqas kanqanku.

Malaquías 1:4

Esaojpa miraynin Edom llajtayojkunachus ninkuman: T'unasqas karqanchej, watejmanta llajtanchejta sayachinallataj nispa chayqa; Tukuy Atiyniyoj Señorqa paykunaman kutichinman: Watejmanta llajtankuta ruwakojtinkoqa, noqa ujtawan t'unallasajtaj. Jallp'ankumantataj nenqanku: Kay jallp'aqa sajra nisqa, runasninkumantataj nenqanku: Kay runaswanqa Señor wiñaypaj phiñasqa, nispa.

Apocalipsis 6:15

Jallp'api reyes kajkuna, kurajkuna, soldadosta kamachejkuna, qhapajkuna, atiyniyojkuna, tukuy kamachis, mana kamachis kajkunapis, qaqa jusk'uspi, orqo jusk'uspi ima pakaykukorqanku.

Jueces 6:2

Madianitas astawan astawan israelitasta ñak'arichisqankurayku, israelitasqa madianitasta manchachikuspa orqosnejpi pakakunasta ruwakamorqanku, chay chhanka jusk'usnejpi, runas mana purinasnimpi jinataj.

1 Samuel 13:6

Israelitasqa sinch'i llakiypi rikukorqanku filisteoswan maqanakupi, chayraykutaj pakakamorqanku chhanka jusk'usman, t'oqosman, chhanka k'ajllusman, allasqa jusk'usman, allasqa yaku jusk'usman ima.