Jeremías 49:5 - Qheshwa Biblia DC

⁵ Noqa tukuynejmanta sinch'i manchachikuyta pataykiman apachimusaj. Noqa Tukuy Atiyniyoj Señor chayta nini. Qankunamanta sapa ujniykichej kaynejman, jaqaynejman ch'eqerachisqas llojsinkichej. Manañataj pipis watejmanta tantaykunasuykichejpaj kanqachu.

DIOSPA QHELQACHISQAN DEUTEROCANONICAL

⁵ Allinta yachakuy, noqamin tukuynejmanta sinch'i manchachikuyta pataykiman apachimusaj, nispa noqa Tukuy Atiyniyoj Tata Diosmin nini. Qankunamanta sapa ujniykichej kaynejman, jaqaynejman ch'eqerachisqa kankichej. Manañataj pipis watej tantaykunasuykichejpaj kanqachu.

DIOSPA QHELQACHISQ

⁵ Allinta yachakuy, noqamin tukuynejmanta sinch'i manchachikuyta pataykiman apachimusaj, nispa noqa Tukuy Atiyniyoj Tata Diosmin nini. Qankunamanta sapa ujniykichej kaynejman, jaqaynejman ch'eqerachisqa kankichej. Manañataj pipis watej tantaykunasuykichejpaj kanqachu.

Jeremías 49:5 ပူးပေါင်းရင်းမြစ်များ

2 Reyes 19:7

Kayqa noqa payman uyarichisaj uj ch'ajwata llajtanman kutipunampaj, chaypitaj espadawan wañuchisaj.

Job 15:21

Manchachikuy qhapariykunasta ningrisnin uyarin; sumajta waqaychakojtin astawan suwaspis suwanku.

Proverbios 28:1

Juchaspaqa ayqen mana pi qhatiykachashajtillan; mana juchayoj kajrí k'achata tiyakun mana imamanta dakuspa, uj león jina.

Isaías 16:3

Ninkutaj: Imaynatachus ruwanaykita niwayku ari, noqaykuta jark'akuwayku chaupi p'unchaypi llanthuykiwan pakaykuwayku ari ch'isin jina. Chay wijch'umusqa kajkunataqa pakaykuy ari, amataj ayqekojkunata jap'ichiychu ari.

Jeremías 15:8

Paykuna ukhupi saqerqani viudasta, mar qochaj t'iyusninta jina ashkhata. Kikin chaupi p'unchaypi chinkachejta apachimorqani, wayna wawasniyoj mamaspa patanman, kaymanta jinalla paykunaj patankuman ñak'ariyta, mancharikuytawan.

Jeremías 16:16

Noqa jamuchisaj ashkha challwa jap'ejkunata, noqa Señor chayta nini, challwasta jina israelitasta jap'inankupaj, chanta kachamullasajtaj ashkha uywa wañuchejkunata, wañurachisunaykichejpaj tukuy orqospi, lomaspi, jinataj chay chhanka k'ajllusnimpipis.

Jeremías 20:4

Señorqa nisunki: Qan kikiyki mayta mancharikunaykipaj jina ruwasqayki, jinataj tukuy kausayniykipajpis; rikunaykita kausaqesniyki enemigosninkoj espadanwan wañuchisqas kanqanku. Tukuy Judapi kaj tiyakojkunatataj Babilonia reypa makisninman jaywaykusaj, payta jallp'aykichejmanta Babiloniaman apasonqachej, chayri cuchillowan wañurachisonqachej.

Jeremías 46:5

Jinapis imatataj rikuniri? May mancharikuywan kutiripunku. Maqanakojkunasninkoqa atipasqas kaspa ch'eqeranku, usqhay usqhaytataj ayqerapunku qhepaman qhawarikuspa. Tukuynejpi mancharikuylla tiyan. Noqa Señor chayta nini.

Jeremías 49:29

Jap'ikapuychej toldosninkuta, uywasninkuta, lomasninkuta tukuy imasninku kajta ima. Camellosninkutapis qhechuychej, qhapariychejtaj: Sinch'i mancharikuylla tukuynejpi tiyan, nispa.

Jeremías 6:25

Ama campomam llojsiychejchu, amataj ñankunasmampis llojsiychejchu. Enemigoqa sumaj armasninwan wakisqa kashan, manchachikuywan kharkatiteyqa tukuynejpi kashan!

Lamentaciones 4:15

Paykunaqa nej kanku: Jatariychej ch'ichi runas; ayqeychej, ayqeychej, ama llujchiychejchu, nispa. Paykunaqa ayqekusqanku, tukuynejman ch'eqerasqanku, manaña jayk'ajpis kaypeqa tiyanqankuchu kasqa, nisqalla tukuy nacionespeqa karqa.

Amós 4:3

Perqa q'asasninta sinrulla wasaykunkichej, wijch'usonqachejtaj Hermón orqo cheqaman. Ajinata nin Señorqa.

Josué 2:9

Noqa yachani, Señorqa qankunaman kay jallp'ata qosqasuykichejta, pay nerqa noqayku qankunata sinch'ita manchachikunaykuta. Tukuy kaypi tiyakojkunaqa qankunarayku manchachikuywan wañusqas jinaña kayku.