Jeremías 49:1 - Qheshwa Biblia DC

¹ Señormanta uj willay jamun, Amón imaynatachus kananmanta: Maypitaj kashanku Israel runaspa wawasninri? Maypitaj kashanku chayaqeykita jap'ikusojkunari? Imaraykutaj dios Milcomña kunan Gadmanta dueño kashanri? Imaraykutaj amonitasqa llajtankupi tiyakushankuri?

DIOSPA QHELQACHISQAN DEUTEROCANONICAL

¹ Amón suyoj contranpi Tata Dios kay jinata nerqa: Manachu Israelqa wawakunayoj? Israelpataqa manachu pininpis tiyanri? Imaraykutaj Milcón lanteqa Gadpa jallp'anta jap'ikapun? Imaraykutaj amonitakuna Gadpa llajtankunapi tiyakushankuri?

DIOSPA QHELQACHISQ

¹ Amón suyoj contranpi Tata Dios kay jinata nerqa: Manachu Israelqa wawakunayoj? Israelpataqa manachu pininpis tiyanri? Imaraykutaj Milcón lanteqa Gadpa jallp'anta jap'ikapun? Imaraykutaj amonitakuna Gadpa llajtankunapi tiyakushankuri?

Jeremías 49:1 ပူးပေါင်းရင်းမြစ်များ

Génesis 19:38

Sullk'a kajpis wawayojllataj karqa, suticharqataj Ben-amita, pichus amonitaspa tatanku karqa kunankama.

2 Reyes 24:2

Chanta Señorqa Joacimpa contrampi ashkha soldadosta kachamorqa, caldeosta, siriosta, moabitasta, amonitastawan. Chaykunata kachamorqa Judata chinkachinankupaj, imaynatachus Señorpa palabran kamachisnin profetasninnejta nisqa kasqanman jina.

2 Crónicas 20:1

Uj tiempomantawanqa Moabitaswan, amonitaswan, meunitaswan imaqa tantaykukuspa Josafatwan maqanakoj rerqanku.

2 Crónicas 20:23

Chaypacha amonitasqa, moabitaswan ima Seir orqomanta kajkunata maqaj llojserqanku, tukuyninkutataj wañuracherqanku. Chanta paykuna purataj wañuchinakorqanku.

Nehemías 2:19

Horonmanta Sanbalatwan, kamachej amonita Tobiaswan, chanta árabe Gesempis chayta yachaspa noqanchejmanta asiykukuwarqayku, qhesachaspataj niwarqayku: Imatataj pakaymanta ruwanayashankichejri? Reypa contrampichu oqharikuyta munashankichej?, nispa.

Nehemías 4:7

Jerusalén perqa watejmanta oqharikushasqanta, chay q'asasnintaj wisq'akushasqanta yachaspa mayta phiñakorqanku Sanbalat, Tobías, árabes, Amonmanta kajkuna, Asdodmanta kajkunapiwan.

Salmos 83:7

Gebalmanta, Amonmanta, Amalecmanta, filisteosmanta, Tiropi tiyakojkuna ima.

Salmos 9:6

Enemigoqa wañupun; chay llajtasnintapis urmacherqanki, chinkacherqankitaj manaña jayk'ajpis yuyarikunapaj jina.

Jeremías 12:14

Ajinata Señorqa nin: Israel qayllapi tiyakojkuna juchasapa runasman, pikunachus phiñarerqanku chay chayaqenkupaj jina qorqa Israel ayllun chayta: Noqa t'irasqaykichej jallp'asniykichejmanta, Judatapis orqhollasajtaj paykuna chaupimanta.

Jeremías 25:21

Chaymantaqa ujyachillarqanitaj Edomman, Moabman, Amonman;

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 27:3

Chantá uj willayta apachiy Edommanta, Moabmanta, Tiromanta, Sidonmanta ima reykunaman. Chaytaqa apachiy rey Sedequiasta Jerusalenman waturikoj jamorqanku chay kachasnejta.

Jeremías 48:1

Israelpa Tukuy Atiyniyoj Señor Diosnin nichin Moab jallp'api imaschus kananmanta: Ay Nebo llajtamanta. Llakiyta phirisqa kashan. Quiriataim llajta jap'isqa karqa, k'umuykachachisqataj. Pakakuna wasisnimpa pampanman urmachisqa karqa.

Jeremías 49:23

Damasco llajta imaynachus kananmanta: Hamat, jinataj Arfad llajta p'enqasqas kashanku, llakiy willaykuna paykunaman, chayasqanrayku, mancharikuywan junt'asqas kanku, manataj kakuyta atishankuchu.

Jeremías 49:28

Señormanta willaykuna, Cedar llajtamanta runaspaj, Hazorpa kurajkunasnimpajwan, chaykunatamin Babiloniamanta rey Nabucodonosorqa atiparqa. Ñaupajman riychej, Cedar llajtata jap'ej yaykuychej. Chay inti llojsimuynejmanta kaj aylluta tukuchiychej.

Jeremías 49:7

Tukuy Atiyniyoj Señormanta willay, Edóm runas imaynachus kanankumanta. Manañachu Temán llajtapi yachayqa tiyan? Manañachu yachanku chay sumaj yachayniyoj runas imastachus ruwanankutaqa? Yachayninkoqa tukukapunchu?

Ezequiel 21:25

Qampajrí, Israelpa reynin, runa wañuchi sajra rey, jasut'isqa kanayki p'unchayqa qayllamunña, sajra imasta ruwanayki tukukunampaj.

Ezequiel 25:1

Señorqa parlamuwaspa niwarqa: Runa, amonitasta qhawariy, sutiypitaj paykunaj contrampi parlay.

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Números 1:24

Gadpa ayllunmanta yupasqas karqanku tawa chunka phishqayoj waranqa sojta pachaj phishqa chunkayoj.

Deuteronomio 2:19

Maypachachus moabitaswan tinkukunki chaypachaqa, ama paykunata phiñachinkichu, nitaj paykunawan maqanakunkichu, paykunaqa kanku Lotpa miraynin. Noqaqa chay jallp'asninkuta mana qosqaykichu, imaraykuchus chay jallp'astaqa paykunamanña qopuni.

Deuteronomio 23:3

Chay Señorpa tantakuyninmanqa mana jayk'ajpis yaykonqankuchu amonitas, moabitaspis, ni chunka mitamanta qhepamampis.

Deuteronomio 23:4

Paykunaqa mana yakullatapis qorisorqachejchu, nitaj t'antallatapis, maypachachus qankuna paykunaj jallp'ankuta Egiptomanta llojsimuspa pasarqankichej chaypacha. Chantapis paykunaqa Mesopotamiapi Petormanta Beorpa wawan Balaamman pagarqanku, qankunata maldicichiyta munaspa.