Jeremías 48:36 - Qheshwa Biblia DC

³⁶ Chayrayku sonqoyqa Moabrayku waqan, Kir-harespi runasrayku ima, qenaspa llakiy waqayninwan, chay qhapaj kaykunasninta, imaraykuchus tantasqa qhapaj kapuynenqa chinkaporqanku.

DIOSPA QHELQACHISQAN DEUTEROCANONICAL

³⁶ Chayrayku sonqoyqa Moabrayku waqan, Quir Jerespi runakunaraykutaj. Wañuypi jina qenata tocarispa waqallanitaj, imaraykuchus tukuy tantasqa qhapaj kapuynenqa chinkapun.

DIOSPA QHELQACHISQ

³⁶ Chayrayku sonqoyqa Moabrayku waqan, Quir Jerespi runakunaraykutaj. Wañuypi jina qenata tocarispa waqallanitaj, imaraykuchus tukuy tantasqa qhapaj kapuynenqa chinkapun.

Jeremías 48:36 ပူးပေါင်းရင်းမြစ်များ

2 Reyes 3:25

Llajtasta urmacherqanku, tukuynin sumajta poqoj jallp'asman sapa ujninku rumiwan choqaykuspa junt'aykucherqanku, tukuynin yaku pujyusninkuta, ch'akicherqanku, sumaj poqoj sach'atapis k'uturarqanku. Qir-haresetpitaj rumisllata saqerqanku, imaraykuchus warak'ajkuna chay llajtastaqa ñapis muyuykuspa jap'isqankuña, chanta urmacherqankutaj.

Proverbios 11:4

Juicio p'unchaypeqa ni imapaj allinchu kanqa qhapajyayninkoqa; cheqan kayrí wañuymanta ayqechenqa.

Proverbios 13:22

Allin kaj runaqa allchhisninman chayaqesta saqen. Juchasapaj kapuynintajrí cheqan runaspaj qhepakonqa.

Proverbios 18:11

Qhapaj runaqa yuyakun kapuynin jark'achisqa llajta jina kasqanta, alto perqasniyojpis kanman jina.

Isaías 15:5

Moab llajtapajqa mayta llakiypuni; runasnenqa Zoarkama ayqekonqanku kinsa watayoj waka jina. Luhit wichayta waqarikuspa wicharenqanku, Horonaim ñankunaspi may jina llakiyta qhaparikonqanku.

Isaías 15:7

Chayrayku runasqa qhapaj imas tantasqankuta, Sauce wayq'o chimpaman apanqanku.

Isaías 16:11

Chayrayku tukuy sonqoywan Moabmanta arpa jina waqani, jinallataj Kir-haresetmantapis.

Isaías 63:15

Qanqa janaj pachamanta qhawarimuy, k'acha tiyakunaykimanta allinta qhawariy. Qanllata munakusunankuta munasqaykeqa maytaj kunanri? Chay atiyniyki, sonqoykipis manañachu t'impurin, khuyakuykunasniykipis manañachu noqapaj tiyan? Manañachu sonqoykimanta khuyakoyqa llojsimuyta atin?

Jeremías 17:11

Pichus mana llank'aspalla qhapajyakojqa, rijch'akun chay mana paypa runtusnillanta ojllakapoj pampa yuthusman. Chay qhapaj kaynintaqa wayna kaynillampitaj saqenan kanqa, qhepamantaj uj wampu kasqallan yachakonqa.

Jeremías 4:19

Nanaywan q'ewiykachakuni; sonqoy aswan sinch'ita tiseqeyarin. Sonqoy t'impushan, mana ch'in kakuymanchu. Pututoj waqayninta uyarini, maqanakupi qhaparqachaytawan.

Jeremías 48:31

Chayrayku Moab llajtapi tukuy runasrayku, qhaparispa paran paranta waqasaj, jinallataj Kir-harespi runasraykupis.