Jeremías 48:27 - Qheshwa Biblia DC

²⁷ Manachu qanqa Moab Israelmanta alqochakorqanki, payta chejnikuspataj parlaj kanki suwapis kanman jina?

DIOSPA QHELQACHISQAN DEUTEROCANONICAL

²⁷ Moab, manachu qanqa Israelmanta alqochakorqanki? Payta chejnikuspataj, suwakunawanpis khuskachakunman jina Israelmanta parlaj kanki.

DIOSPA QHELQACHISQ

²⁷ Moab, manachu qanqa Israelmanta alqochakorqanki? Payta chejnikuspataj, suwakunawanpis khuskachakunman jina Israelmanta parlaj kanki.

Jeremías 48:27 ပူးပေါင်းရင်းမြစ်များ

Job 16:4

Sichus qankuna kunan noqa jina kawajchej chayqa, noqapis qankuna jina parlaykichejman; qankunaj contraykichejta may jinata parlariyman, qankunata kusipayaspa umayta khiwiriyman.

Salmos 44:13

Toreanawaykupaj jina qan churawarqayku, muyuyniykupi kajkuna asipayanawaykupaj, p'enqaypitaj qhawachinawaykupaj.

Salmos 64:8

Kikin parlasqallankupitaj urmanqanku. Paykunata rikojkunataj kusipayanqanku.

Salmos 79:4

Qayllaykupi kajkunaj asipayanan kayku, muyuyniykupi kajkunaj asikunantaj.

Jeremías 18:16

Jinamanta jallp'ataqa uj ch'in pampaman tukurparichin, jinataj qhepampi qhepampi asipayasqallapuni kanampaj. Tukuy chayninta pasajkunaqa mancharisqas umankuta khiwirenqanku.

Jeremías 2:26

Imaynatachus uj suwaqa jap'ichikuspa p'enqakun, ajinata Israelpis p'enqakonqa, llajtantin, reyesnintin, kurajkunasnintin, sacerdotesnintin, chantá profetasnin ima p'enqakonqanku.

Lamentaciones 1:12

Qankuna, ñanta rejkuna, manachu sonqoykichejta noqamanta nanachikunkichej? Sayarispa qhawariwaychej, kay llakiyta ñak'arishani chaymanta astawan llakiy kanchus manachus chayta. Kay jinataqa Señorpuni jasut'ishawan k'ajaj phiñakuynimpi.

Lamentaciones 1:7

Jerusalén runasqa enemigosninkoj makinman urmaspa, manaña pipis paykunata yanaparej kajtin, yuyarikunku llakiyninkumanta, Señorpa contranta oqharikusqankumantawan. Chantaqa yuyarikullarqankutaj ñaupajta may qhapaj kasqankumanta. Enemigosninkutaj paykunata mayta alqochakuspa asipayarqanku imaynatachus urmasqankumanta.

Ezequiel 25:8

Señorqa kay jinata nin: Moabwan, Seirwanqa Judá ayllumanta parlaspa ninku, Judaqa waj llajtakuna jinalla kasqanta.

Ezequiel 35:15

Israelpa chayaqen t'unaykusqa rikhurejtin qan kusikorqanki, chay kikillantataj qanta ruwasqayki: Seir jatun orqo thuñisqa kanki, ch'in pampaman tukuchisqataj, tukuynin Edom llajtantin. Chaypacha noqa Señor kasqayta yachanki.

Ezequiel 36:2

Atiyniyoj Señorqa kay jinata nin: Enemigosqa Israelpa wiñaypaj kaj orqosnin noqanchejman qosqaña kanku, nispa parlashanku.

Ezequiel 36:4

Chayrayku Israelpa alto orqosnin, atiyniyoj Señorpa nisqanta uyariychej: Señorqa kay jinata nin, Israelpa lomasninman, alto orqosninman, wayq'osninman, vallesninman, q'ara pampaman tukuchisqa jallp'asman, saqerasqa Israelpa llajtasninman ima, paykunataqa qayllampi kaj llajtaj suwarqanku, alqochakorqankutaj.

Sofonías 2:10

Chay jina pagota jap'enqanku Moab llajtaqa, jinallataj Amompis, Señorpa ayllunwan burla ruwakusqankurayku. Tukuy Atiyniyoj Señorpa ayllunwan jatunyasqankuraykutaj.

Sofonías 2:8

Tukuy Atiyniyoj Señorqa, Israelpa Diosnenqa kay jinata nin: Uyarini Moab runaspa mana allinta parlasqankuta, Amón llajtayoj runaspa burla ruwakusqankuta ima, imaraykuchus paykunaqa runasniypaj sajrata parlanku. Paykunaqa runasniypa jallp'ankuwan jatunyakunku. Chaynejta, kausayniyrayku juramentota ruwani. Moab llajtaqa Sodoma jina jasut'isqa kanqa. Amompi tiyakoj runastaj Gomorrapi tiyakoj runas jina qhepakonqa. Chay jallp'astaj khishkas pampaman tukonqa. Kachi orqhona jinataj wiñaypaj uj ch'in pampa qhepakonqa. Llajtaymanta kausaypi puchojkunataj paykunamanta qhechuranqanku, chanta jallp'ankupitaj qhepakonqanku.

San Mateo 26:55

Chaypacha Jesús nerqa runasman: Suwaman jinachu espadaswan, k'aspiswan ima, jap'ej jamuwarqankichej? Sapa día qankunawan templopi yachachispa kashajtiytaj, mana jap'iwarqankichejchu.

San Mateo 27:38

Chaypacha, paytawan khuska chakatarqanku iskay suwasta; ujninta pañanman, ujnintataj lloq'enman.

San Mateo 7:2

Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej.