Jeremías 47:7 - Qheshwa Biblia DC

⁷ Chantá imaynatataj mana kuyukuspa qhepakunmanri? Sichus Señorpuni kamachin chayqa, payta kachan Ascalonta, jinataj chay mar qocha cantompi kajkunatapis maqamunanta chayri?

DIOSPA QHELQACHISQAN DEUTEROCANONICAL

⁷ Chaywanpis imaynatataj Diospa espadan mana kuyuspa kakunmanri? Tata Diospuni Ascalonpa contranta, mama qocha kantupi kajkunaj contrankutapis kacharqa paykunata chinkachinanpaj.

DIOSPA QHELQACHISQ

⁷ Chaywanpis imaynatataj Diospa espadan mana kuyuspa kakunmanri? Tata Diospuni Ascalonpa contranta, mama qocha kantupi kajkunaj contrankutapis kacharqa paykunata chinkachinanpaj.

Jeremías 47:7 ပူးပေါင်းရင်းမြစ်များ

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Isaías 13:3

Noqa kamachiniña ajllakusqasniyta, chantaqa wajyallanitaj wapu kamachisniyta phiñakuyniyta junt'anankupaj, atipasqaymanta kusikojkunata.

Isaías 37:26

Qanqa manachu yacharqanki noqaqa Señor kasqayta, unaymantapachaña kay imasta wakichisqayta? Unay unaymantapacha kay wakichisqayta kunanqa ruwani. Chayrayku qanqa pakakuna jark'achisqa llajtasta urmarachinki, raqay rumi qontusmantaj tukuchinki.

Jeremías 48:10

Maldicisqa kachun pichus mana tukuy sonqowan Señorpa nisqanta ruwajqa. Maldicisqa kachun pichus wañuchinakuman mana yaykuyta munajqa.

Ezequiel 14:17

Sichus chay nacionman ch'ajwata chayachimuyman, kamachiymantaj runas, jinallataj animalespis wañuranankuta. Chay kinsa runas chaypi kausashankuman chaypis, manapuni salvayta atinkumanchu, qhari wawasninkuta, nitaj warmi wawasninkutapis, paykunalla kinsantinku salvakunkuman. Noqa Señormin kausayniyrayku jurani.

Ezequiel 21:14

Qantaj runa, sutiypi parlay imachus jamunanmanta. Makisniykita t'ajllakuy, ajinamanta wañurachej espadaj phiñakuynenqa iskayman, kinsamantaj tukuchun. Kay espadaqa wañuchinapajmin.

Ezequiel 21:30

Espadataqa waqaychananman kutiykuchisajchu? Maypichus nacekorqanki, may jallp'apichus kausarqanki chay jallp'api qanta cheqanchasqayki.

Ezequiel 25:16

Chayrayku noqa Señorqa nini: Makiyta oqharisaj filisteo runasta jasut'inaypaj. Serreteostaqa mana ujniyojta saqespa tukuchisaj. Qocha cantopi kajkunatapis t'unaykullasajtaj.

Amós 3:6

Llajta ukhupi pututu qhaparin chayqa, runas mancharinkupacha; ima sajrapis llajta ukhupi kan chaytaqa, Señormin kachamun.

Miqueas 6:9

Señor wajyashan llajtata, allin ruwaytaj kanman atencionwan uyareyqa: Uyariychej, ayllumanta kajkuna jinataj llajtata umachajkunapis:

1 Samuel 15:3

Chayrayku paykunawan maqanakoj riy; tukuy paykunata jinataj tukuy kapuyninkutapis chinkachimunaykipuni tiyan, ama ni uj chhikanta paykunamanta khuyarikuspa. Wañurachiy qharista warmista, wawasta, chay ñuñoj wawastapis, ajinallatataj wakasninkuta, ovejasninkuta, camellosninkuta, burrosninkuta ima.