Jeremías 47:6 - Qheshwa Biblia DC

⁶ Ay, Señorpa espadan, mayk'ajkamallataj samarikunkiri? Jallch'anaykiman yaykupuy, amaña kuyukuspa kakuy.

DIOSPA QHELQACHISQAN DEUTEROCANONICAL

⁶ Ay, Tata Diospa espadan, mayk'ajllañataj samarikunkiri? Jallch'anaykiman kutiykapuspa, samarillayña.

DIOSPA QHELQACHISQ

⁶ Ay, Tata Diospa espadan, mayk'ajllañataj samarikunkiri? Jallch'anaykiman kutiykapuspa, samarillayña.

Jeremías 47:6 ပူးပေါင်းရင်းမြစ်များ

2 Samuel 2:26

Chaypacha Abnerqa qhaparerqa Joabta, nispa: Manapunichu wañuchinakuyta saqesunchej? Manachu reparanki kayqa qhepaman llakiyllata apamunawanchejtarí? Mayk'ajtaj chay soldadosniyki hermanosninkuta qhatiykuyta saqenankuta kamachinkirí?

1 Crónicas 21:27

Chaypacha, Señorqa angelta kamacherqa, espadanta jallch'aykakapunanta.

Salmos 17:13

Jatarikuy Señor, paykunawan uyapuramuy, paykunata qonqorichispa k'umuykachachiy. Espadaykiwan chay sajra runamanta salvaway.

Isaías 10:15

Hachaqa k'utoj runamanta may sumaj kasqanta yuyakunmanchu? Sierrapis khuchoj runamanta may kasqanta yuyakunmanchu? Chayqa kanman uj k'aspi chayri tojnupis runata apaykachanman jina.

Isaías 10:5

Asiria, qanqa phiñakuyniypi wajtanay k'aspi kanki, phiñakuspa oqharinay k'aspi kanki.

Jeremías 12:12

Tukuynin ch'in pampaj orqosninta jamorqanku, millay phiña runas, noqa Señorpata uj espaday tiyapuwan, kay jallp'ata cantonmanta cantonkama tukuchinaypaj jina, sonqo tiyasqa kayqa mana pipajpis kanqachu.

Jeremías 12:4

Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

Jeremías 15:3

Noqa Señor nini: Noqa apachimusqaykichej tawa laya jasut'ista: Wañuchisonqachej, maqanakupi alqos qhatatasonqachej, suweq'aras mikhusonqachej, chhikachaj millay animalesataj oqoykusonqachej.

Jeremías 25:27

Chaymanta Señorqa nillawarqataj: Niychej noqa Tukuy Atiyniyoj Israelpa Señor Diosnin machaykunankukama ujyanankuta kamachisqayta, ajtuykukunankukamataj, pampaman urmaspataj manaña jatarinankukama, chay maqanakuykunasta qankunaman apachimusqayrayku.

Jeremías 4:21

Mashkha unaytawanrajtaj pataman banderata sayachisqata rikusajri, pututoj ch'ajwaynintapis uyarisajri?

Jeremías 48:10

Maldicisqa kachun pichus mana tukuy sonqowan Señorpa nisqanta ruwajqa. Maldicisqa kachun pichus wañuchinakuman mana yaykuyta munajqa.

Jeremías 50:35

Señorqa nin: Babiloniapaj maqanaku, chaypi tiyakojkunapajwan; kuraj runasninkupaj, yachayniyoj runasninkupajwan.

Ezequiel 14:17

Sichus chay nacionman ch'ajwata chayachimuyman, kamachiymantaj runas, jinallataj animalespis wañuranankuta. Chay kinsa runas chaypi kausashankuman chaypis, manapuni salvayta atinkumanchu, qhari wawasninkuta, nitaj warmi wawasninkutapis, paykunalla kinsantinku salvakunkuman. Noqa Señormin kausayniyrayku jurani.

Ezequiel 21:30

Espadataqa waqaychananman kutiykuchisajchu? Maypichus nacekorqanki, may jallp'apichus kausarqanki chay jallp'api qanta cheqanchasqayki.

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

San Juan 18:11

Jesustaj chaypacha Pedroman nerqa: Espadaykita waqaychananman churaykapuy. Manachu Tataypa qowasqan vasomanta ujyayman?

Jueces 7:20

Kinsantin t'aqas kajkuna ujllapi pututusninkuta waqacherqanku, wich'isninkutapis p'akillarqankutaj. Lloq'e makisninkupi apasharqanku nina k'anchanasta, pututusninkutataj paña makisninkupi, qhaparerqankutaj: Señornejta Gedeonnejtataj kay maqanakoqa.