Jeremías 46:5 - Qheshwa Biblia DC

⁵ Jinapis imatataj rikuniri? May mancharikuywan kutiripunku. Maqanakojkunasninkoqa atipasqas kaspa ch'eqeranku, usqhay usqhaytataj ayqerapunku qhepaman qhawarikuspa. Tukuynejpi mancharikuylla tiyan. Noqa Señor chayta nini.

DIOSPA QHELQACHISQAN DEUTEROCANONICAL

⁵ Jinapis imatataj rikushaniri? Paykunaqa mayta mancharikuspa kutiripunku. Aswan wapu soldadonkunaqa atipachikuspa, ch'eqeranku, qhepata mana qhawarikuspataj, usqhay usqhayta ayqeranku. Tukuynejpi mancharikuylla tiyan. Noqa Tata Diosmin chayta nini.

DIOSPA QHELQACHISQ

⁵ Jinapis imatataj rikushaniri? Paykunaqa mayta mancharikuspa kutiripunku. Aswan wapu soldadonkunaqa atipachikuspa, ch'eqeranku, qhepata mana qhawarikuspataj, usqhay usqhayta ayqeranku. Tukuynejpi mancharikuylla tiyan. Noqa Tata Diosmin chayta nini.

Jeremías 46:5 ပူးပေါင်းရင်းမြစ်များ

Génesis 19:17

Llajtamanta jawapiña kajtinkutaj ujnin ángel nerqa Lotman: Kunanqa usqhayta ayqekuy ama wañunaykipaj. Ama qhepaykita qhawarikamuspa, sayaykachallankipischu chay valle ñanta risqaykipi. Cheqanta rinki orqosman mana wañuyta munanki chayqa.

Isaías 13:8

Kharkatiylla junt'aykonqa, llakiywan waqayllawan paykunataqa jap'enqa. Nanaylla, onqoy warmita jina jap'enqa. Sapa uj qhawarinakuspa mancharenqanku, imaraykuchus uyasninku nina jina k'ajarin.

Isaías 19:16

Chaypacha egipciosqa warmis jina manchachikuywan, kharkatitiywantaj junt'a kanqanku, Tukuy Atiyniyoj Señor paykunaj contrampi oqharikojtin.

Isaías 42:17

Pikunachus lantispi atienekojkunaqa p'enqaypi rikhurenqanku. Chay jich'asqa lantista, diosniyku kankichej nejkunaqa.

Isaías 5:25

Chayrayku Señorqa ayllumpa contranta k'ajajta phiñakorqa, makintataj jasut'inampaj oqharerqa. Orqospis kharkatiterqanku, wañusqastaj callesnimpi q'opa jina wijch'usqas karqanku. Chay tukuywampis Señorpa k'ajaj phiñakuynenqa manaraj thasnukunrajchu, payqa jasut'inampaj makin oqharisqallapuni kashan.

Jeremías 20:10

Uyarini contraypi runas chhichinakushajta, tukuynejpi manchachikuykunas tiyan, nispa. Jamuychej ch'ataykusunchej, chay jawa kausaqesniypis suyanku imapi pantanayta. Chantaqa nillankutaj: Ichapis ch'aukiyachikunman, chaywanqa atipaykusunchej, vengakusunchejtaj, nispa.

Jeremías 46:15

Imaraykutaj yupaychana Apis toroykichej ayqerqari? Imaraykutaj sayasqallapi mana kakuyta aterqachuri? Imaraykutaj noqa Señor payta urmacherqaniri?

Jeremías 46:21

Pagasqa soldadosnimpis waka uñas jina wirasllataj kanku, jinapis paykunaqa usqhay usqhayllata ayqenqanku manaña sayayta atispa. Ñak'arichisqas kanankoqa chayamunña, jasut'isqas kananku chay ratopis.

Jeremías 49:29

Jap'ikapuychej toldosninkuta, uywasninkuta, lomasninkuta tukuy imasninku kajta ima. Camellosninkutapis qhechuychej, qhapariychejtaj: Sinch'i mancharikuylla tukuynejpi tiyan, nispa.

Jeremías 49:5

Noqa tukuynejmanta sinch'i manchachikuyta pataykiman apachimusaj. Noqa Tukuy Atiyniyoj Señor chayta nini. Qankunamanta sapa ujniykichej kaynejman, jaqaynejman ch'eqerachisqas llojsinkichej. Manañataj pipis watejmanta tantaykunasuykichejpaj kanqachu.

Jeremías 6:25

Ama campomam llojsiychejchu, amataj ñankunasmampis llojsiychejchu. Enemigoqa sumaj armasninwan wakisqa kashan, manchachikuywan kharkatiteyqa tukuynejpi kashan!

Ezequiel 32:10

Qannejta ashkha ayllusta jatun manchariywan t'ukushajta qhepachisaj, reyesninkutaj kharkatitenqanku ñaupaqenkupi espadayta oqharejtiy. Urmajtiykitaj tukuy runasñataj kausayninkumanta kharkatitenqanku.

Ezequiel 39:18

Sinch'i runaspa aychankuta mikhunkichej, chay jallp'api kamachejkunaj yawarnintataj ujyankichej. Tukuy paykunaqa: carneros, corderos, chivos, waka toros ima, Basán jallp'api wirayasqas jina kanku.

Nahúm 2:8

Imaynatachus yaku jark'acha p'akikojtinkama yaku ayqen, jinatamin Nínive llajtapi tiyakojkunapis ayqenqanku. Suyaychej, kutimuychej nispa qhaparenqanku, pero ni pipis kutimonqachu.

Nahúm 2:9

Suwaychej qolqenkuta, suwaychej qorinkuta. Nínivej qhapaj kaynenqa ashkha mana tukukuyniyoj kashan!

Sofonías 1:14

Señorpa jatun p'unchaynenqa qayllamushanña! Qayllapiña, usqhayllata chayamushan! Señorpa p'unchaynimpa suyaynenqa sonqo nanachej kanqa: Chay p'unchaypeqa aswan atiyniyoj kajkunapis qhaparikonqanku!