Jeremías 44:7 - Qheshwa Biblia DC

⁷ Israelpa Tukuy Atiyniyoj Señor Diosnin kunan nini: Imaraykutaj chay jatun sajra imasta qankunallataj apakamunkichejri? Imaraykutaj Judamanta qharista, warmista, wawasta, ñuñoj wawasta mana ujniyoj chinkanankuta munankichejri?

DIOSPA QHELQACHISQAN DEUTEROCANONICAL

⁷ Kunanqa Israelpa Tukuy Atiyniyoj Tata Diosnin nisunkichej: Imaraykutaj jatun llakiyta qankunallataj mask'akunkichejri? Imaraykutaj Judá suyumanta qharikuna, warmikuna, wawakuna, ñuñoj wawakuna ima ni uj puchuyoj chinkanankuta munankichejri?

DIOSPA QHELQACHISQ

⁷ Kunanqa Israelpa Tukuy Atiyniyoj Tata Diosnin nisunkichej: Imaraykutaj jatun llakiyta qankunallataj mask'akunkichejri? Imaraykutaj Judá suyumanta qharikuna, warmikuna, wawakuna, ñuñoj wawakuna ima ni uj puchuyoj chinkanankuta munankichejri?

Jeremías 44:7 ပူးပေါင်းရင်းမြစ်များ

Proverbios 1:18

Chay runasqa misk'anata paykunallapajtaj churakunku, kausayninkuta chinkachinallankupajtaj chay imasta ruwanku.

Proverbios 15:32

Pichus k'amisqasta qhesachajqa, pay kikinta qhesachakun; pichus k'amisqata jap'ikojqa, astawan yachayta jap'in.

Proverbios 5:22

Sajra runataqa kikin sajra ruwasqallantaj qhatiykachan, kikin juchallantaj waskha jina jap'iykun.

Proverbios 8:36

Pichus contraypi juchallikojrí, kausaynillantataj ch'aukiyakun. Pichus noqata chejniwajqa, wañuyta munakun.

Jeremías 25:6

Ama waj dioskunata qhatiychejchu, ama jatunchaychejchu, amataj yupaychaychejchu. Ama Señortaqa phiñachiychejchu. Qankuna kikiykichej ruwakunkichej chay dioskunata yupaychaspa, manataj sajra kajtapis chayachimusonqachejchu.

Jeremías 25:7

Chaywampis qankunaqa manapuni kasuyta munawarqankichejchu, manachayqa phiñachiwankichej, qankuna kikiykichej ruwasqaykichej dioskunasta yupaychaspa. Chaytaj kanqa, qankunallatataj mana allin rinasuykichejpaj. Señor chayqa nin.

Jeremías 26:19

Rey Ezequías, Judamanta tukuy ayllupis Miqueasta wañucherqankuchuri? Uj jinataj karqa: Señorta reyqa manchachikorqa, mañakorqataj paykunamanta khuyarikunanta. Jinataj chaypacha Señorqa manaña ñak'ariykunasta apachimorqachu, mayqenkunatachus apachinanta nerqa chaykunata. Kunanrí, noqanchejqa jatun juchatawanchu yapaykukusunman?

Jeremías 3:24

Lantista yupaychasqasniyku p'enqayta chinkachiwarqayku unaymantapacha tatasniykoj tarisqanku chay ovejasta, uywasta, qhari wawasta, warmi wawastapis.

Jeremías 38:17

Chanta Jeremiasqa Sedequiasman nerqa: Israelpa Tukuy Atiyniyoj Señor Diosnin nin: Sichus Babiloniamanta reypa kurajkunasninman chimpaykuwaj chayqa, qan jinataj aylluykiwan salvakunki, manataj kay llajtapis ruphachisqachu kanqa.

Jeremías 42:20

Qankuna jatun pantakuyta ruwashankichej, qankunallataj niwarqankichej Señor Diosniykichejman qayllaykunayta, niwarqankichejta; Señor Diosniykumanta noqaykurayku mañaripuwayku, yachachiwaykutaj tukuy pay kamachiwasqasniykuta, chayman jina ruwanaykupaj, nispa.

Jeremías 44:14

Puchoj judíos, Egiptoman tiyakoj ripojkunamanta mana ujllapis ayqeyta atenqankuchu Judaman mayta kutipuyta munashaspapis. Jinamanta manapuni tiyakapoj kutiponqankuchu, manachayqa pisislla chay ayqekojkunamanta kutenqanku.

Jeremías 44:8

Imaraykutaj ruwasqasniykichejwan phiñachiwankichej, kaj tiyakushankichej chay Egiptopi waj dioskunasllaman inciensosta q'osñichispari? Chay imaswanqa qankuna chinkachisqas kanallaykichejpajtaj wakichishankichej, tukuypi rikunantataj maldicisqas kankichej, k'umuykachachisqastaj kay pachapi tukuy naciones ukhupi.

Jeremías 51:22

Qanwan qharista, warmistapis wañurachini, chantá achachi runasta, waynasta, jinataj sipaskunastapis.

Jeremías 7:19

Chaywan noqamantaqa astawan paykuna kikinkuta, mana allinninkupaj p'enqaynillankupajtaj ruwakunku. Noqa Señor chayta nini.

Jeremías 9:21

Wañoyqa wasisninchejman yaykuykamun, palaciosninchejpi, callespi wawasta wañuchinampaj, waynastataj plazaspi.

Lamentaciones 2:11

Ñawisniypis waqasqaypi sinch'itaña sayk'un, ch'unchulasniypis kayman jaqayman kuyurinku. Sonqoyqa llakiywan phatashanña, aylluypa llajtanta chay jina thuñisqata rikuspa; astawanqa wawasta, ñuñoj wawastawan yarqhaywan callespi wañurashajta rikuspa.

Lamentaciones 2:22

Tukuynejmanta imastachus manchachikunayta tantaykamunki uj jatun p'unchaypi jina. Señorpa k'ajaj phiñakuynin p'unchaypeqa mana ujllapis ayqenmanchu, nitaj kausashajpis qhepakunmanchu. Imastachus uywaspa sayachisqasniyta wañuracherqa.

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

Habacuc 2:10

Jinamanta wasiykej p'enqayninta junt'aykuspa, chay chhika nacionesta tukuchispaqa, qan kikiyta tukuchikuspa jinarqanki.

Números 16:38

Incienso q'osñichinaspa unuyasqan kachun altarta qhatanapaj, chayta rikuspa israelitas yuyarikunankupaj, imaraykuchus chayqa kashan israelitas juchallikusqankumanta llimphuchasqataj kausayninkuta qosqankumanta, noqaj ñaupaqeypi inciensota jaywasqankumanta.

Deuteronomio 32:25

Guerra chayamojtin callespi wawasninkoqa wañonqanku, wasi ukhuspitaj manchay manchachikuy kanqa. Jinata wañonqanku waynas, sipaskuna, machu runas, ñuñoj wawas ima.

Josué 6:21

Chaymantaqa espadawan wañuracherqanku qharista, warmista, waynasta, machu runasta, chaymantá wakasta, ovejasta, burrosta ima. Tukuy ima kajta phirerqanku.

1 Samuel 15:3

Chayrayku paykunawan maqanakoj riy; tukuy paykunata jinataj tukuy kapuyninkutapis chinkachimunaykipuni tiyan, ama ni uj chhikanta paykunamanta khuyarikuspa. Wañurachiy qharista warmista, wawasta, chay ñuñoj wawastapis, ajinallatataj wakasninkuta, ovejasninkuta, camellosninkuta, burrosninkuta ima.

1 Samuel 22:19

Chaymantataj Saulqa, sacerdotespa Nob llajtankuman yaykuspa espadawan wañuracherqa: Qharista, warmista, chanta ñuñoj wawastapis. Wañurachillarqataj bueyesta, burrosta, ovejasta ima.