Jeremías 43:2 - Qheshwa Biblia DC

² Osiaspa wawan Azarías, Careaj wawan Johananwan, waj wapuykachaj runaspiwan Jeremiasman nerqanku: Chay nisqaykeqa llulla, Señor Diosniykoqa mana kachamusunkichu, mana Egiptoman tiyakoj rinaykumanta ninawaykupajqa.

DIOSPA QHELQACHISQAN DEUTEROCANONICAL

² Chantá Osaiaspa churin Azarías, Careajpa churin Johananwan, waj wapuykachaj runakunapiwan Jeremiasta nerqanku: Imatachus nisqaykeqa llulla. Tata Diosniykoqa mana kachamusunkichu ninawaykupaj: Ama Egiptoman tiyakoj riychejchu, nispa.

DIOSPA QHELQACHISQ

² Chantá Osaiaspa churin Azarías, Careajpa churin Johananwan, waj wapuykachaj runakunapiwan Jeremiasta nerqanku: Imatachus nisqaykeqa llulla. Tata Diosniykoqa mana kachamusunkichu ninawaykupaj: Ama Egiptoman tiyakoj riychejchu, nispa.

Jeremías 43:2 ပူးပေါင်းရင်းမြစ်များ

Génesis 19:14

Lottaj usqhayta rerqa ususisninwan casarananku karqa chay qharisman willaj, nerqataj: Jatariychej usqhayta, kaymanta ayqeychej, kay llajtataqa Señor chinkachenqa kasqa! Tolqasnintaj chayta mana creespa mana kasorqankuchu, chansiyakusqanta yuyaspa.

2 Crónicas 36:13

Chantapis rey Nabucodonosorqa contrampi oqharikorqa, payqa Diospa sutimpi jurachisqa yanapanakupi yaykunankupaj. Sonqontapis sinch'ita rumiyacherqa, Israelpa Diosninman mana kutirikuyta munaspa.

Salmos 119:21

Qan k'aminki mana kasukojkunata, sajrata ruwaspa kamachisqasniykimanta t'aqakojkunatawan.

Salmos 12:3

Saphimanta paykunata t'iray Señor, chay puraj uyasta, chay jatunchakojkunata.

Salmos 123:4

Sayk'usqaña kayku qhapajkuna alqochakuwasqaykuwan, may kasqankuta yuyakojkunaj qhesachawasqaykuwan.

Éxodo 5:2

Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.

Éxodo 9:17

Chaywampis qanqa astawanraj sonqoykita rumiyachishanki israelitaspa contranta, mana paykunata saqeshankichu llojsejta.

Proverbios 16:5

Señorqa runaykachajkunata millachikun; jasut'isqapuni kanqanku.

Proverbios 30:9

Mikhunay ashkha kanman chayqa, qanta qonqapuykiman, niykimantaj qanta mana rejsisusqayta; sichus pisiwanman chayri, suwakuymanñataj qokuyman. Ajinamanta Diosniypa llimphu sutinta qhesachayman.

Proverbios 6:17

Leqhoj ñawista, llulla parlaykunata, mana juchayoj runata wañuchiyta,

Proverbios 8:13

Señorta manchachikoyqa sajra kajta qhesachaymin. Jatunchakuyta, runaykachayta, sajra ñanta, llullastawan, noqaqa chejnini.

Isaías 9:8

Señorqa Israelman uj willayta apachimorqa, Jacobpa ayllunman.

Jeremías 13:15

Israelitas Señormin parlan! Ama wapuykachaychejchu, as allinta uyariychej.

Jeremías 18:18

Runasqa nerqanku: Jeremiaspa contrampi wakichikuna, mana jayk'ajpis sacerdotes yachachinawanchejpaj pisiwasunchu, nitaj yachayniyojkunapis umachanawanchejpaj, nitaj profetaspis Diospa palabranta willanawanchejpaj. Wañuchinankupaj ch'ataykunachej. Ama kasunachejchu ni ima niwasqanchejta, nispa.

Jeremías 40:8

Chay runasqa Mizpapi Gedaliasta taripaj rerqanku. Paykuna ukhupi kasharqanku Netaniaspa wawan Ismael, Careaj wawasnin Johanán, Jonatán, chantá Tanhumetpa wawan Seraías, Netofamanta Efaejpa wawasnin, jinataj Maacatmanta uj runaj wawan Jezaniaspis, chantá paypa runasnin ima.

Jeremías 41:16

Chantá Johanán paywan risharqanku chay kurajkunapiwan pusakamporqanku soldadosta, warmista, wawasta, jinataj kurajkunatawan; pikunatachus Ismaelqa Mizpamanta apasharqa Gedaliasta wañuchisqantawankama, chaykunata Johananqa watejmanta Gabaonmantapacha kutichimorqa.

Jeremías 41:18

Caldeosmanta ayqekunankurayku, imaraykuchus manchachikusharqanku Ismael Gedaliasta wañuchisqanmanta, pitachus Babiloniamanta reyqa chay jallp'amanta uj kamachej kanampaj churasqa.

Jeremías 42:1

Tukuy kamachejkuna soldados ukhumanta, Careaj wawan Johanampis paykunallawantaj, Oseaspa wawan Azariaspis, jinataj tukuy aylluntimpi juch'uymanta jatunkama qayllarqanku.

Jeremías 42:20

Qankuna jatun pantakuyta ruwashankichej, qankunallataj niwarqankichej Señor Diosniykichejman qayllaykunayta, niwarqankichejta; Señor Diosniykumanta noqaykurayku mañaripuwayku, yachachiwaykutaj tukuy pay kamachiwasqasniykuta, chayman jina ruwanaykupaj, nispa.

Jeremías 42:5

Chaypacha paykuna Jeremiasman nerqanku: Señor Diosniyki noqaykoj contraykupi cheqan testigo kachun, sichus Señor Diosniykej noqaykuman nisusqanta mana junt'aykuman chayqa.

Jeremías 43:1

Maypachachus Jeremías Israel aylluman willayta tukorqa, paykunaj Señor Diosninku imastachus paykunaman nichisqanta.

Santiago 4:6

Payqa astawan khuyakuwanchej. Chayrayku escrituras nin: Diosqa jatunchakojkunata qhesachan, k'umuykukojkunatataj yanapan.

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.