Jeremías 43:12 - Qheshwa Biblia DC

¹² Egiptopi Diosta yupaychana wasisman payqa ninata jap'iykuchenqa, dioskunasninkutataj presospis kankuman jina apakaponqanku. Egiptomanta pichanqa, imaynatachus uj michejqa p'achasninmanta usasninta pallan ajina, chaymantataj riponqa mana pejpa jark'asqan.

DIOSPA QHELQACHISQAN DEUTEROCANONICAL

¹² Chantá Egiptoj diosninkukunaj yupaychana wasinkukunaman Nabucodonosor ninata jap'iykuchenqa, diosninkukunatataj jap'ispa apakaponqa. Egiptopi ajinata ruwaytawantaj, imaynatachus uj michej qhatakunanmanta usata thalariytawan ripunpacha, ajinallatataj paypis ni pej ni ima nisqan riponqa.

DIOSPA QHELQACHISQ

¹² Chantá Egiptoj diosninkukunaj yupaychana wasinkukunaman Nabucodonosor ninata jap'iykuchenqa, diosninkukunatataj jap'ispa apakaponqa. Egiptopi ajinata ruwaytawantaj, imaynatachus uj michej qhatakunanmanta usata thalariytawan ripunpacha, ajinallatataj paypis ni pej ni ima nisqan riponqa.

Jeremías 43:12 ပူးပေါင်းရင်းမြစ်များ

2 Samuel 5:21

Chay jawari filisteosqa lantisninkuta saqerpayarqanku, Davidwan runasninwantaj chaykunata oqharerqanku.

Ester (hebreo) 6:9

Chaypachaqa caballotawan ima, reypa mayqen kamachinchus aswan kuraj kaj kashan chayman jaywachunku. Chay runataj p'achallichichun, pitachus reyqa jatunchayta munan chay runaman, reypa caballonman lloq'aykuchispataj plazanta muyurichimuchun, ñaupaqentataj richun sinch'ita qhaparispa. Ajina ruwasqa kachun pitachus reyqa jatunchayta munan chay runawanqa.

Job 40:10

Jina kajtenqa jatun kaywan, sumajpaj qhawasqa kaywan ima p'achallikuy. Jatunchasqa kaywan, k'achapaj qhawasqa kaywan ima khatakuy.

Salmos 104:2

K'anchaywan qhatasqa jina kanki. Janaj pachata uj toldota jina sayachinki.

Salmos 132:16

Sacerdotesninta salvacionwan p'achallichisaj. Diosta qhatejkunataj kusikuywan qhaparenqanku.

Salmos 132:18

Enemigosninta p'enqaywan junt'achisaj, paytataj k'anchaywan junt'achisaj.

Éxodo 12:12

Chay ch'isi noqa Egiptoman jamusaj, wasimanta wasi purispataj tukuy egipciospa kuraj kaj qhari wawasninta, jinallataj tukuy uywasninkoj phiwi uñasnintapis wañurachisaj. Chaypimin noqa Señorqa, atiyniyta rikuchisaj Egiptopi kaj chhika lantispa contranta,

Isaías 19:1

Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.

Isaías 21:9

Ashkha runasta caballospi montasqasta iskaymanta iskay jamushajta rikorqani. Chaymantataj nerqa: Babiloniaqa urmanña, urmanña, jinallataj lantisnimpis pampapi p'akirasqa rikhurin.

Isaías 46:1

Bel diosqa urman, Nebo diospis pampaman wijch'usqa kashan. Lantisninkoqa mulaspi chajnasqas rinku llasa q'epis jina, sayk'usqa burroswampis apachishawajchej jina.

Isaías 46:2

Chay dioskunaqa p'enqaywan wijch'ukunku, manataj salvakuytapis atinkuchu. Paykuna kikinku apachisqas, wijch'usqastaj kanku.

Isaías 49:18

Umaykita oqharispa muyuyniykita qhawariy; runasniyki tukuynejmanta tantaykukuspa jamusunku. Señorqa nin: Noqa kausayniyrayku nini. Chay tukuyninkuwan qanqa novia p'achaswan jina sumajta p'achallikunki, chaykunawantaj sumaj k'achanchasqa kanki.

Isaías 52:1

Sión llajta, rijch'ariy, rijch'arikuy, atiywan p'achallikuy; ajllasqa Jerusalén llajta, sumaj k'acha p'achaykita churakullayña; imaraykuchus mana circuncidasqa millay sajra ch'ichi runasqa manaña jayk'ajpis yaykumusonqankuchu.

Isaías 59:17

Cheqan kaywan sumajta p'achallikorqa, salvación monterata umanman churakorqa. Maqanakuna p'achastawan churakorqa. Payllata munayninwan p'achawan jina qhataykukorqa.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 61:5

Karu llajtayojkuna ovejasniykichejta michenqanku, llank'anasniykichejta llank'anqanku, jinallataj uva chajrasniykichejtapis qhawanqanku.

Jeremías 10:11

Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.

Jeremías 10:15

Chaykunaqa qhasi manakaj, asikunapaj jinataj, juicio p'unchaypi chinkachisqas kanqanku.

Jeremías 25:19

Kunampis ajinallapuni kashan. Egiptomanta rey faraonmampis jaywallarqanitaj, jinallataj chay kamachisninman, kurajkunasninman, tukuy runasninmampis ujyachillarqanitaj.

Jeremías 43:13

Phirillantaj Egiptopi intita yupaychana wasista, ninawantaj lanti yupaychana wasista kanaykonqa.

Jeremías 46:25

Israelpa Tukuy Atiyniyoj Señor Diosnin nin: Amonta, Tebaspa diosninta, Egiptota dioskunasnintinta, reykunasnintapis jasut'isaj, faraonta, chanta paypi atienekojkunatapis.

Jeremías 48:7

Moab, qanqa kallpallaykipi atienekorqanki, jinataj qhapaj kaynillaykipi, jinapis qampis jap'isqallataj kanki. Quemós diosniykeqa waj llajtaman wijch'usqa kanqa sacerdotesninwan khuska, sumachaj runasninwan ima.

Jeremías 49:27

Damasco llajtaj perqasninman ninata jap'iykuchisaj, chay ninataj Ben-adadpa palaciosninta q'olaykuspa tukuchenqa.

Jeremías 50:2

Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

Jeremías 51:44

Babiloniaj diosnin Belta jasut'isaj, chay imatachus ajtuykusqanta ajtuchimusaj, manañataj nacionespis payman qayllaykonqankuchu. Babiloniaj perqasnin thuñiykukunña.

Ezequiel 29:11

Chay jallp'apeqa mana runaspis, nitaj uywaspis saruykonqañachu. Tawa chunka watas junt'ata manapuni pi runapis tiyakonqachu.

Ezequiel 29:19

Chaynejta Señorqa kay jinata nin: Egipto jallp'ataqa Babiloniamanta rey Nabucodonosorman qopusaj, kapuyninkutataj qhechuranqa, chay qhechusqanwantaj soldadosninman paganqa.

Ezequiel 30:13

Señorqa kay jinata nin: Menfis llajtaj qhasi mana kaj dioskunasninkuta tukuyninta t'unaykusaj. Egipto jallp'apeqa manaña astawan kamachejqa kanqañachu. Jallp'aqa manchachikuyllawan junt'asqa kanqanku.

Daniel (hebreo) 11:8

Astawampis, apakaponqa Egiptoman dioskunasninkuta, metalmanta ruwasqa lantisninkuta, qorimanta, qolqemanta ruwasqa valorniyoj imastawan. Unay watasta iskaynin naciones mana ch'ajwaspalla kanqanku.

Sofonías 2:11

Señorqa may manchachikuna kanqa paykunaj contrankupi. Chay llajtapi tukuynin lantista t'unaykonqa. Tukuynejpi paylla yupaychasqa kanqa. Qocha chaupi churuspi runaspis paytaqa yupaychanqanku.

Romanos 13:12

Tutaqa tukukapushanña, p'unchaytaj qayllamushan. Chayrayku amaña ruwanachu laqhayaypa ruwanasninta, astawanqa Diospa k'anchaynimpa maqanakunasninwan p'achallikuna.

Efesios 4:24

Chay mosoj runamanta p'achawan jina p'achallikuychej; mayqenchus Diosman jina ruwasqa karqa, cheqan kaypi, llimphu kaypi, cheqa kaypitaj.

Efesios 6:11

Diospa maqanakunasninwan, p'achawan jina p'achallikuychej; chaykunawantaj, supay urmachiyta munasojtiykichej sinch'ita sayanaykichejpaj.

Colosenses 3:12

Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.

Colosenses 3:14

Kay tukuy imasmanta astawanqa, munakuywan p'achawan jina p'achallikuychej, imaraykuchus chayqa allinman tukuyta ujllaman tukuchin.