Jeremías 42:18 - Qheshwa Biblia DC

¹⁸ Tukuy Atiyniyoj Señor Israelpa Diosnin nin: Ajinata imaynatachus phiñakuyniy k'ajarerqa Jerusalempi tiyakojkunaspa contrampi, ajinallatataj qankunaj contraykichejpipis oqharikusaj, sichus qankuna Egiptoman ripunkichej chayqa. Qankunapi tukuypa rikunanta maldicionniy rikuchisqa kanampaj, mayta t'ukunapaj jina kanqa, manataj jayk'aj kay lugarta rikunkichejñachu.

DIOSPA QHELQACHISQAN DEUTEROCANONICAL

¹⁸ Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

DIOSPA QHELQACHISQ

¹⁸ Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

Jeremías 42:18 ပူးပေါင်းရင်းမြစ်များ

2 Crónicas 34:25

Paykunaqa saqerpariwanku, waj dioskunamantaj inciensosta q'osñichinku, jinamanta waj ruwasqasninkuwan phiñachiwaspa, chayrayku kay cheqaj contrampi phiñakuyniyta apachimusaj, manataj thasnukonqachu.

Isaías 30:3

Faraompaj kallpanman atienekusqaykichejtaj p'enqaypi rikhurichisonqachej, Egiptoj ojllaynimpi pakakuyta munasqaykichejtaj k'umuykachanaykichejpaj kanqa.

Isaías 65:15

Sutisniykichejta ajllasqasniyman saqenkichej chay sutista sajrapaj qhawanankupaj. Señorqa qankunata wañurachisonqachej, kamachisniytataj waj mosoj sutiwan sutichasaj.

Jeremías 18:16

Jinamanta jallp'ataqa uj ch'in pampaman tukurparichin, jinataj qhepampi qhepampi asipayasqallapuni kanampaj. Tukuy chayninta pasajkunaqa mancharisqas umankuta khiwirenqanku.

Jeremías 22:27

Maytapuni kutimpuyta munanqanku chay jallp'amanqa mana kutimonqankuñachu.

Jeremías 23:40

Qankunaj pataykichejmantaj k'umuykachayta, wiñaypaj p'enqakuytawan apachimusaj, mana jayk'aj qonqanaykichejpaj jina.

Jeremías 24:9

Paykunata mancharikunapaj jina ruwasaj, tukuy jallp'api kaj nacionespaj; p'enqakunankupaj jina, cuentakunankupaj jina, asikunankupaj jina, maldición kanankupaj jina, maymanchus chayanqanku chay naciompi.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 26:6

Chaypajwanqa noqa ruwasaj kay Diosta yupaychana wasiwan imaynatachus Silopi ruwarqani ajinata. Kay llajtataj tukuypa rikunanta ñak'arichisaj, kay pachamanta tukuy naciones wananankupaj jina.

Jeremías 29:18

Paykunata qhatiykusaj maqanakuwan, yarqhaywan, onqoywan ima. Kay pachapi tukuy naciones kajkuna rikuspa mayta t'ukunankuta saqesaj. Tukuyninku rikuspa wananankupaj saqesaj maldicisqa kaymanta, p'enqasqa kaymantapis, maykunasmanchus ch'eqeracherqani chay tukuy nacionespi t'ukunankupaj, mancharikunankupajtaj kankichej.

Jeremías 29:22

Judamanta wijch'usqas Babiloniapi kashanku chaykunamanta mayqellampis maldiciyta munankuman chayqa nichunku: Imaynatachus Sedequiaswan, jinataj Acabwampis Señor ruwarqa, ajinata qanwampis ruwachun, piskunatachus Babiloniamanta reyqa ninawan kankaykorqa, imaraykuchus Israelpi millay imasta ruwarqankichej: Runa masiykichejpa warmisninwan qhenchachakorqankichej, tukuy llullerastataj sutiypi nerqankichej mana noqaj kamachisqallay. Noqa yachani, rikuykichejtaj. Noqa Señor chayta niykichej.

Jeremías 33:5

Chay caldeoswan maqanakunankupaj jallp'asta jusk'usqasninkoqa llajtaman yaykunankupaj chaykunaqa ayaswan junt'aykuchinallankupaj kanqa. Noqa chay sinch'i phiñakuyniypi wañurachisaj imaraykuchus uyayta t'aqani, paykunamanta pakakunitaj, chay may chhika sajrasta ruwasqasninkurayku.

Jeremías 44:12

Judamanta puchojkuna Egiptoman tiyakapoj apurakaporqanku, chaykunataqa tukuyninku wañuchisqas kanankuta nini. Tukuyninku aswan juch'uymanta, aswan jatunkama wañonqanku maqanakupi, chayri yarqhaypi, tukuypa rikunantataj maldicisqas, t'ukunapaj jina may k'umuykachachisqastaj kanqanku.

Jeremías 44:22

Señorqa manapuni rikuyta aterqachu qankunaj chay millay ruwasqasniykichejta, chay ruwasqasniykichejqa payman mana allimpajchu rijch'an. Chayraykumin qankunaj jallp'aykichejqa ch'inyachisqa kashan, mana runayoj; tukuy yachaqakunampaj jina maldicisqa mancharikunapaj jina kashan.

Jeremías 44:6

Chaypacha k'ajaj phiñakuyniyta, ninata jina lauraricherqankichej, Judá llajtaspi, Jerusalén callespi ima. Chaykuna kunan p'unchaykama ch'impacha raqaykunasllaña qhepakunku.

Jeremías 44:8

Imaraykutaj ruwasqasniykichejwan phiñachiwankichej, kaj tiyakushankichej chay Egiptopi waj dioskunasllaman inciensosta q'osñichispari? Chay imaswanqa qankuna chinkachisqas kanallaykichejpajtaj wakichishankichej, tukuypi rikunantataj maldicisqas kankichej, k'umuykachachisqastaj kay pachapi tukuy naciones ukhupi.

Jeremías 6:11

Phiñakuyniykiwan junt'asqaña kani Señor, manaña kakuyta atinichu, nispa. Señortaj niwarqa: Chay phiñakuyniyta thalliykuy ari callepi purishanku chay wawaspa patanman, jinataj chay waynaspa patanmampis. Qosasta warmisnintinta presochasqasta apanqanku, jinallataj machu runastapis.

Jeremías 7:20

Chayrayku, noqa Señor cheqatapuni nini, tukuy phiñakuyniyta thallinayta kay cheqaj contranta, runakunasnimpa contrampi, jinallataj uywasnimpa contrampi, sach'asnimpa contrampi, chantá cosechasnimpa contrampipis. Chayqa nina jap'iykuchisqa mana thasnukuyta atej jina kanqa.

Lamentaciones 2:4

Enemigopis kanman jina Señorqa wach'inanta sumajta mat'iykurin, paña makinwantaj chayta jap'iykun enemigo jina. Chaywantaj mashkha sumaj kajtapis tukuyninta chinkarichin. Sión llajtapi ninata jina k'ajaj phiñakuyninta kachaykun.

Lamentaciones 2:6

Uj suwa jina Señorqa wasej imasninta oqharerparerqa; maypichus tantakoj kanku chaytapis thuñirparerqa. Señorqa qonqacherqa, jinallataj Siompi samakuna p'unchaytapis chinkacherqa. Chay jina phiñakuyninwan reyta, chanta sacerdotestapis qhesacharqa.

Lamentaciones 4:11

Señorpa k'ajaj phiñakuyninta junt'an, k'ajaj phiñakuyninta kachamun. Sión llajtapi ninata jap'iykuchin, chaytaj cimientonmantapacha chinkarichin.

Ezequiel 20:34

Noqa orqhomusqaykichej mayqen aylluspichus, may jallp'aspitajchus ch'eqerasqas kashankichej chaymanta, tantaykusqaykichejtaj jatun atiyniywan phiñakuywan jasut'ispa.

Ezequiel 22:22

Imaynatachus hornopi unuyan, ajinata qankunata unuyachisqaykichej llajta chaupipi. Chaywan yachankichej noqaj Señor phiñakuyniyta qankunaman urmachimusqayta.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Daniel (hebreo) 9:27

Uj semanatawan, chay reyqa tratota ruwanqa ashkha runaswan. Chaupi semanamantataj rikuchiku uywa jaywanata, ofrenda qonatapis sayachenqa. Uywata wañuchispa Diosman jaywana altarpa ñaupaqempi ashkha millay imasta ruwanqanku, imachus ruwakunampaj nisqaña karqa chay, millay imasta ruwachejpa patanman urmamunankama.

Oseas 7:16

Lantikunaman kutiporqanku; uj wist'u arcoj wach'in waj ladollaman ripun ajinata, paykunapis waj ladollaman ripunku. Phiña palabraswan parlasqankurayku kurajkunasninku t'ojsinaswan t'ojsisqas wañonqanku, Egiptopitaj paykunamanta asiykukonqanku.

Nahúm 1:6

Phiñakuynimpiri, pitaj sayasqallapipuni kanmanri? Pitaj chay phiñakuyninta ñak'ariyta atinmanri? Sinch'i phiñakuynenqa nina jinapuni t'akarikamun, ñaupaqempeqa qaqaspis iskayman lajrarikunku.

Zacarías 8:13

Imaynatachus qankuna Judamanta, jinataj Israelmanta kajkunapis, waj llajtakunapaj uj maldición karqankichej, kunantaj salvasqaykichej, jinamanta uj bendicionñataj kanaykichejpaj. Chayrayku, amapuni mancharikuychejchu, kallpachakuychej, nispa.

Números 5:27

Sichus chay warmi cheqamantapuni qosanta wasancharqa chayqa, chay maldicionta apamoj yakoqa wijsampi millayta jayayanqa. Wijsan punkenqa nitaj wawayojchu kanqa. Jinamanta chay warmeqa tukuy yachanampaj maldicisqa kanqa ayllusnin ukhupi.