Jeremías 40:11 - Qheshwa Biblia DC

¹¹ Ajinallatataj tukuy judíos Moabpi, Amompi, Edompi, chay waj nacionespipis kasharqanku chaykuna yacharqanku chay Babiloniamanta reyqa judiosmanta wakin runasta jallp'ankupi saqesqanta, Gedaliastataj kamachejninku kanampaj churaykusqanta.

DIOSPA QHELQACHISQAN DEUTEROCANONICAL

¹¹ Ajinallatataj judiokuna, pikunachus Moabpi, Amonpi, Edompi, chay waj suyukunapipis kasharqanku, chaykunapis yachallarqankutaj Babiloniata kuraj kamachejqa judiokunamanta wakinta llajtankupi saqesqanta. Yachallarqankutaj Ajicanpa churin Gedaliasta kamachejninku kananpaj churasqanta.

DIOSPA QHELQACHISQ

¹¹ Ajinallatataj judiokuna, pikunachus Moabpi, Amonpi, Edompi, chay waj suyukunapipis kasharqanku, chaykunapis yachallarqankutaj Babiloniata kuraj kamachejqa judiokunamanta wakinta llajtankupi saqesqanta. Yachallarqankutaj Ajicanpa churin Gedaliasta kamachejninku kananpaj churasqanta.

Jeremías 40:11 ပူးပေါင်းရင်းမြစ်များ

Génesis 36:8

Chayrayku Esauqa, chayrí Edomqa Seir orqoman tiyakoj riporqa.

Isaías 11:14

Iskaynintaj inti yaykuynejman kachaykukonqanku, filisteosmantaj wasankumanta urmaykonqanku, jinallataj inti llojsimuynejpi tiyakojkunajmanta tukuy imankuta qhechumonqanku. Edom nación, Moab nacionwampis paykunata sirvenqanku, jinallataj Amón naciompi kajkunapis paykunata kasonqanku.

Isaías 16:4

Moabmanta ayqekojkunata wajyarikuy ari, chay ñak'arichejkunamanta qanqa pakay ari; imaraykuchus chay ñak'arichejqa tukukonqa. Chay jinatapuni tukuchejqa chinkanqa. Chay sarojpis kay jallp'a patapeqa chinkachisqa kanqa.

Jeremías 24:9

Paykunata mancharikunapaj jina ruwasaj, tukuy jallp'api kaj nacionespaj; p'enqakunankupaj jina, cuentakunankupaj jina, asikunankupaj jina, maldición kanankupaj jina, maymanchus chayanqanku chay naciompi.

Jeremías 41:10

Astawampis Ismaelqa reypa warmi wawasninta jap'iracherqa, jinallataj Mizpapi qhepakorqankuraj chay runastapis, soldadosta kamachej Nabuzaradán, Gedaliaspa kamachin uraman churaykusqa chaykunata. Ismaelqa presosta jap'iraytawan ñanta rerqanku Amón jallp'aman chimpanankupaj.

Jeremías 43:5

Manachayqa Johanán, tukuy soldadosmanta kurajkunapiwan Judapi puchoj runastawan tantaykorqanku. Tukuy cheqasman ch'eqerachisqas kasqankumantaña, wakin Judá ayllumanta kutimpullasqataj chay llajtankupi tiyakoj: Qharista, warmista, wawasta, reypa warmi wawasnintawan; jinataj pikunatachus kamachej Nabuzaradán Gedaliasman qhawanampaj saqerqa, chantapis, Jeremiasta, Neriaspa wawan Baructawan.

Jeremías 9:26

Kay ayllusta: Egiptota, Judata, Edomta, Amonta, Moabwan, jinallataj tukuy ch'in pampapi tiyakojkunata, umasninkuta ruthuchikunku chaykunatawan. Imaraykuchus chay ayllusqa, jinataj tukuy Israel ayllupis, cheqamanta sonqonkupi qhesachawanku.

Ezequiel 25:12

Chay jinata Señorqa nin: Edomqa manchay sajra imata Judá aylloj contranta ruwarqa, chayrayku may jatun juchayoj payqa rikhurin.

Ezequiel 25:6

Kay jinata nin Señorqa: Amonita runas, kusiywan makisniykichejta t'ajllarakorqankichej, chakisniykichejwantaj p'atatiyarqankichej, kusikorqankichejtaj Israel aylluta qhesachaspa.

Ezequiel 25:8

Señorqa kay jinata nin: Moabwan, Seirwanqa Judá ayllumanta parlaspa ninku, Judaqa waj llajtakuna jinalla kasqanta.

Ezequiel 34:6

Ovejasneyqa tukuy lomasnejpi jatuchaj orqosnejpi chinkasqas purerqanku, tukuynejpi ch'eqerasqas karqanku, manataj pipis paykunamanta llakirikojkuna karqankuchu, nitaj mask'amojkunapis.

Ezequiel 35:15

Israelpa chayaqen t'unaykusqa rikhurejtin qan kusikorqanki, chay kikillantataj qanta ruwasqayki: Seir jatun orqo thuñisqa kanki, ch'in pampaman tukuchisqataj, tukuynin Edom llajtantin. Chaypacha noqa Señor kasqayta yachanki.

Ezequiel 35:5

Israel ayllupaj wiñay enemigon karqanki, paykunata may llakiypi kashajtinku maqaykorqankichej, juchasninkumanta jasut'isqa kashajtinku.

Ezequiel 5:12

Qankuna ukhupi kinsaman t'aqasqamanta uj t'aqa, onqoywan wañuranqanku, chayri yarqhaywan qankuna chaupipi tukukonqanku. Uj t'aqataj espadawan wañurachisqas muyuyniykipi kanqanku. Ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Ezequiel 5:3

Uj pisi chujchasta jap'iytawan p'achaykej cantosninman watarakunki.

Números 22:1

Jinamanta israelitasqa rillarqankupuni, jarakorqankutaj Moab pampaspi. Chayqa kashan Jericó chimpapi, Jordán mayoj inti llojsimuynimpi.

Números 25:1

Israelitasqa Sitimpi tiyakorqanku; chaypitaj qharisqa Moab warmiswan qhenchachakuyta qallarerqanku.

Números 25:2

Chay warmis pusarqanku lantisninkuman uywa wañuchisqasta jaywasharqanku chaykunaman. Israelitastaj chay mikhuykunasta mikhuysikorqanku, yupaycharqankutaj moabitaspa lantisninkuta.

1 Samuel 11:1

Amón llajtaj reynin Nahasqa rerqa Galaapi Jabes llajtaman. Chaypitaj wakicherqa soldadosta chay llajtaman jap'ej yaykunankupaj. Jabes llajtapi tiyakoj runastaj nerqanku: Uj tratota noqaykuwan ruwan, qantataj kasusqayku.

1 Samuel 12:12

Jinapis qankunaqa, maypachachus amonitaspa reyninku Nahas qankunawan maqanakoj jamushajtin, chaypacha mañawarqankichej uj reyta, qankunata kamachinasuykichejpaj, cheqa reyniykichejqa Señor Dios kashajtin.