Jeremías 4:29 - Qheshwa Biblia DC

²⁹ Caballospi jamojkunaspa, jinallataj wach'ina arcosniyojkunaspa ch'ajwaykunasninwan, runasqa usqhay usqhayta ayqenku, thansas ukhuman pakakamunankupaj, chayri qaqa k'ajllusman. Tukuy llajtas saqerpayasqas qhepakorqanku, manaña pipis chaypi tiyakojqa qhepakorqañachu.

DIOSPA QHELQACHISQAN DEUTEROCANONICAL

²⁹ Caballokunapi jamojkunaj, jinallataj arcowan flechajkunaj ch'ajwasqankuta uyarispa, runakuna usqhay usqhayta ayqenku, ch'umi ukhuman pakakamunankupaj, chayrí qaqa k'ajllukunaman. Tukuy llajtakuna ch'usaj wasilla qhepakunku. Manaña pipis chaypi tiyakoj kanñachu.

DIOSPA QHELQACHISQ

²⁹ Caballokunapi jamojkunaj, jinallataj arcowan flechajkunaj ch'ajwasqankuta uyarispa, runakuna usqhay usqhayta ayqenku, ch'umi ukhuman pakakamunankupaj, chayrí qaqa k'ajllukunaman. Tukuy llajtakuna ch'usaj wasilla qhepakunku. Manaña pipis chaypi tiyakoj kanñachu.

Jeremías 4:29 ပူးပေါင်းရင်းမြစ်များ

2 Crónicas 33:11

Chayraykumá Señorqa Asiriaj reynin soldadosnimpa kamachejkunasninta kachamorqa paykunaj contrankupi, chaykunataj presocharqanku Manasesta, fierro ganchoswan, broncemanta ruwasqa cadenaswan wataykuspa Babiloniaman apacherqanku.

Isaías 30:17

Uj enemigota rikuspalla waranqa runas ayqekunkichej, phishqa enemigosta rikuytawan tukuyniykichej ayqekunkichej, uj orqopi sapan sayashaj k'aspi jinalla qhepakunaykichejkama, chayrí uj lomapi uj wiphayla jina qhepakunaykichejkama.

Isaías 6:12

Señor runasta karuman apachinankama, chay jallp'a ch'impacha kanankama.

Jeremías 16:16

Noqa jamuchisaj ashkha challwa jap'ejkunata, noqa Señor chayta nini, challwasta jina israelitasta jap'inankupaj, chanta kachamullasajtaj ashkha uywa wañuchejkunata, wañurachisunaykichejpaj tukuy orqospi, lomaspi, jinataj chay chhanka k'ajllusnimpipis.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Jeremías 52:7

Chaypacha llajtaj perqasninta jusk'urparerqanku, chaypi caldeos jark'asharqanku. Chay ch'isi tukuy soldadosnintin reyqa chay llajtamanta ayqerqanku. Maypichus iskay perqas chaupipi uj punku kasharqa chayninta llojserqanku, reypa huertanman rina ñanninnejta rispa, chaymanta jap'irerqanku Jordán valleman pusaj ñanta.

Jeremías 6:23

Lanzaswan, wach'ina arcoswan ima wakichisqasña kanku. Ancha sajras kanku, mana uj chhika khuyakuyniyojtaj, qhaparqachasqankoqa mar qochaj sonaynin jina kanku, caballospi montasqas rishanku. Chaykunataj Siompa contrampi maqanakunankupaj wakichisqasña kanku.

Amós 9:1

Señorta altar patapi rikorqani, niwarqataj: Wasi k'aspista wajtay, punkus thalakunankama, runaspa uman patapitaj urmaykuspa t'unakuchunku, puchojkunatataj espadawan t'ojsispa wañurachisaj; jinamanta mana pipis kanqachu pakakoj, nitaj ayqejpis, jinamanta llusp'inampaj.

San Lucas 23:30

Chaypachamá runasqa orqosta niyta qallarenqanku: Pataykuman urmaykamuwayku; lomastataj: P'ampaykuwayku, nispa.

1 Samuel 13:6

Israelitasqa sinch'i llakiypi rikukorqanku filisteoswan maqanakupi, chayraykutaj pakakamorqanku chhanka jusk'usman, t'oqosman, chhanka k'ajllusman, allasqa jusk'usman, allasqa yaku jusk'usman ima.