Jeremías 4:28 - Qheshwa Biblia DC

²⁸ Tukuy jallp'aman llakiylla junt'aykonqa, janaj pachapis llakiy p'achata churakonqa. Chayta parlani, manataj chay nisqasniymantaqa yuyarikusajchu, chayta niniña, manataj qhepaman kutiymanchu, nispa.

DIOSPA QHELQACHISQAN DEUTEROCANONICAL

²⁸ Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

DIOSPA QHELQACHISQ

²⁸ Tukuy jallp'aman llakiylla junt'aykonqa, janajpis llakiy p'achata churakonqa. Chayta nini, manataj imatachus nisqaymanta kutirisajchu. Chayta niniña, manataj kutiriymanchu, nispa.

Jeremías 4:28 ပူးပေါင်းရင်းမြစ်များ

Isaías 24:4

Jallp'aqa ch'akipun, maytataj ch'akishan. Kay pachaqa onqospa urmasqan kashan. Janaj pachawan kay pachawanqa llakiywan junt'a kashan.

Isaías 34:4

Cielopi qoyllurkunapis chinkaraponqanku, cielopis papel jina mayt'uykukonqa, tukuy qoyllurkuna urmaramonqanku, uva sach'aj qawisqa laphisnin urmaran jinata, chayri higospa laphisnin jina.

Isaías 5:30

Chay nacionqa chay p'unchaypi chayamuspa manchayta Israelpa contranta sonanqa mar qocha jina; pillapis jallp'ata qhawarejqa llakiywan laqhayaykushajta rikonqa, cielopi k'anchajkunatapis laqhayaykushajta.

Isaías 50:3

Cielotaqa laqhayajwan p'achallichini, llakiy p'achaswan jina qhataykuni.

Jeremías 12:11

Ch'in pachata, q'ara pampatataj saqerparinku. Tukuynin jallp'a ch'inyachisqa kashan, manataj pipis imanej kanchu.

Jeremías 12:4

Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

Jeremías 23:10

Kay nacionqa qhenchaswan junt'a kashan, juchata ruwaypi purejkunallawan, atiyninkuta mana cheqan kajta ruwanallankupaj churajkunawan ima. Chayraykumin Señorqa kay jallp'ata maldicerqa. Jallp'aqa ch'akiporqa, ch'in pampapi kaj pastospis ch'akiporqanku.

Jeremías 23:20

Señorpa k'ajaj phiñakuynenqa mana tukukonqachu, chay imachus ruwanan kajta ruwanankama. Uj tiempo jamonqa, chaypacha qankuna allinta umacharikuspa kay imasta unanchankichej.

Jeremías 30:24

Señorpa phiñakuynenqa mana thasnukonqachu imatachus munasqanta junt'anankama. Qhepa p'unchaykunaman tukuy kay imastaqa unanchankichej.

Jeremías 51:12

Wiphaylata pataman oqhariychej Babiloniaj perqasninta thuñiykoj wakinankupaj. Qhawajkuna soldadosta astawan kachaychej. Qhawaj soldadosta churaychej. Pakaymanta wateqajkuna soldadosta churaychej. Señorpuni chay ruwanata wakicherqa. Imastachus ruwananta nisqanta ruwarqapuni, Babiloniapi tiyakojkunaj contrampi.

Jeremías 7:16

Qan, Jeremías, ama kay aylluyraykoqa mañakuwaychu, ama majakuwaychu, nitaj mañakuwaychu paykunarayku. Ama astawan k'iskimanta mañakuwaychu, imaraykuchus manapuni uyarisqaykichu.

Lamentaciones 2:17

Señorpuni kaytaqa ruwan imatachus nisqanman jina. Señorqa junt'an palabrasninta, unaymantapacha kamachisqasninta. Payqa chinkacherqa manataj perdonanchu, enemigosniyki qanmanta asikojtin qhawallarqa. Enemigosniykej atiyninta astawan jatunyacherqa.

Ezequiel 24:14

Noqa Señor chaytaqa nini, junt'akonqataj. Mana qhepaman kutirisajchu, manataj khuyakusajchu, nitaj llakirikusajchu. Ruwasqasniykiman jina, purisqasniykiman jinataj jasut'isqayki, nin Señorqa.

Oseas 13:14

Sepulturaj makinmantapis kacharichinaychu kanqa? Wañuymantapis orqhonaychu karqa? Maypitaj kashan, oh wañuy, chay wañuchej atiyniykiri? Manaña kay runaspaj khuyayneyqa kanqañachu!

Oseas 4:3

Chayrayku kay llajtaqa llakiyllapipuni kashan. Q'ala mana kallpayojllaña kashanku chay tukuy tiyakojkunaqa; monte animalespis, phawaj p'isqospis chantá mar qochapi challwaspis tukuynin wañurashanku.

Joel 1:10

Chajrasqa mana ima poqoyniyoj, q'arapachalla kashanku, jallp'astaj may llakisqas kashanku Trigoqa pierdekapun. Uvas sach'aspis ch'akirapunku. Olivo sach'astaj ch'akirasqallataj.

Zacarías 8:14

Tukuy Atiyniyoj Señor kayta nin: Ñaupa tatasniykichej phiñachiwajtinkoqa, nej kani jasut'inayta, jinataj jasut'ejpuni kani.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

San Mateo 27:45

Tukuynin jallp'apitaj laqhayaykorqa, chaupi p'unchaymanta samay horakama.

Marcos 15:33

Chaupi día kashajtin, tukuy jallp'ata laqhayaykamorqa kinsa horakama.

San Lucas 23:44

Chaupi p'unchay jinaña karqa. Chantá tukuynin jallp'ataj laqhayaykorqa samay horakama.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Efesios 1:9

Munayninman jina pakasqa imasta rejsichiwarqanchej, pay kikin ruwayta munarqa chayta.

Hebreos 7:21

Cheqamanta chay waj sacerdotesqa mana juramentowanchu churasqas karqanku. Kayrí juramentowan churasqa karqa. Paymantaj nisqa karqa: Señor jurarqa, manataj jurasqanmanta kuyurerqachu. Qanqa wiñaypaj sacerdote kanki.

Apocalipsis 6:12

Sojta kaj sellota kicharejtintaj, rikorqani manchay jallp'a ikhakuyta; intitaj yanayarqa uj qhashqa yana p'acha jina, killataj yawarman tukorqa.

1 Samuel 15:29

Diosqa Israelpa kusiynin. Payqa mana llullakunchu, nitaj pesachikunchu. Mana payqa runachu pesachikunampaj.