Jeremías 4:27 - Qheshwa Biblia DC

²⁷ Señorqa nin: Tukuy jallp'antin q'arasqa kanqa, chaywampis mana tukuynintapunichu chinkachisaj.

DIOSPA QHELQACHISQAN DEUTEROCANONICAL

²⁷ Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

DIOSPA QHELQACHISQ

²⁷ Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Jeremías 4:27 ပူးပေါင်းရင်းမြစ်များ

2 Crónicas 36:21

Chay tukoyqa ruwakorqa profeta Jeremiasnejta Diospa nisqasnin junt'akunampaj. Jinamanta jallp'aqa samarikorqa tukuynin tiempospi raqaykunaspi kanankama, qanchis chunka watas junt'akunankama.

Nehemías 9:31

Chaywampis jatun khuyakuyniykirayku mana paykunataqa tukuyninkutachu tukucherqanki, nitaj saqerparerqankichu; khuyakoj Dios, munakuyniyojtaj kasqaykirayku.

Isaías 17:6

Chaypi rastrojollaña qhepakonqa; chayri imaynatachus olivo sach'ata thalajtinchej puntampi uj iskaylla aceitunas qhepakun, ajinata, chayri tawa, phishqallaña ramasnimpi qhepakun ajina. Ajinata nin Israelpa Señor Diosnenqa.

Isaías 24:1

Señorqa kay jallp'ata ch'usajllata, q'arallatataj saqenqa. Jallp'a patataj tijranqa, chaypi tiyakojkunatataj ch'eqerachenqa.

Jeremías 18:16

Jinamanta jallp'ataqa uj ch'in pampaman tukurparichin, jinataj qhepampi qhepampi asipayasqallapuni kanampaj. Tukuy chayninta pasajkunaqa mancharisqas umankuta khiwirenqanku.

Jeremías 25:11

Tukuy kay llajta phishqa kanqa, raqaykunasmantaj tukuchisqas kanqa. Qanchis chunka watas junt'ata kay naciones Babilonia reypa makisnimpi kanqa.

Jeremías 30:11

Noqa Señor nillanitaj, qanwan salvasunaypaj kashasqayta. Tukuy nacionesta tukuchisaj maypichá ch'eqeracherqayki chaykunata. Jinapis qantaqa mana tukuchisqaykichu; jasut'isqayki juchallikusqaykiman jinalla. Manapuni saqesqaykichu mana jasut'ispaqa.

Jeremías 4:20

Sapa kuti llakiykunasmanta willaykunas chayamun. Tukuy jallp'antin phirisqa kashan. Uj ratollapi toldosniy phirisqas rikhurerqanku, maqanakuna toldosnimpis phaskasqas karqanku.

Jeremías 4:7

Leonqa pakakuna jusk'umanta llojsimunña, nacionesta chinkarachejqa puririmunña; tukuy llajtasniykita ch'inyachinampaj, raqaykunallatataj saqenampaj.

Jeremías 44:6

Chaypacha k'ajaj phiñakuyniyta, ninata jina lauraricherqankichej, Judá llajtaspi, Jerusalén callespi ima. Chaykuna kunan p'unchaykama ch'impacha raqaykunasllaña qhepakunku.

Jeremías 46:28

Noqa Señor nini: Ama manchachikuychu kamachiy Jacobpa ayllun, imaraykuchus noqa qanwan kashani. Maykunamanchus ch'eqeracherqayki chay tukuy nacionesta phirisaj. Jinapis qantaqa mana chinkachisqaykichu, manachayqa k'amisqayki imaynatachus juchallikusqaykiman jina, chaywampis mana saqesqaykichu mana jasut'ita qospaqa.

Jeremías 5:10

Enemigosninkutaj yaykuchunku, huertasninkutataj q'arachunku. Amapis tukuyninkutachu q'arachunku. Ramasninta k'ajllarachunku, imaraykuchus chay uvas sach'asqa manaña noqajtachu.

Jeremías 5:18

Señorqa nillantaj: Chaywampis chay p'unchaykunapeqa mana tukuynintachu phirisaj.

Jeremías 7:34

Judá llajtapi jinallataj Jerusalén callespipis fiestaspi tusuykunata, takiykunata, jinallataj casarakupi takiykunatapis chinkachisaj. Tukuynin jallp'ataj ch'in pampaman tukuchisqa kanqa.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Lamentaciones 2:7

Señorqa altarninta qhesachan, jinallataj parlana wasintapis. Llajtaj muyuynimpi jark'achisqa perqastapis enemigosman saqerparerqa. Enemigostaj Señorpa wasimpi manchayta kusiywan qheparqacharinku fiesta p'unchaypi jina.

Ezequiel 11:13

Señorpa sutimpi paykunaman parlashajtillayraj, Benaiaspa wawan Pelatiasqa wañorqa. Noqataj pampakama k'umuykorqani, jatunmanta qhaparispataj nerqani: Way Señor! Pisi puchoj israelitastapis tukuynintachu wañurachipunki?

Ezequiel 20:17

Chay tukuywampis, paykunata khuyakuspa juchasninkumanta perdonarqani, manataj paykunata ch'in pampapi wañurachispa tukucherqanichu.

Ezequiel 33:28

Jallp'ataqa ch'in pampaman tukuchisaj, sumaj thuñisqamantaj. Chinkachisajtaj atienekushan chay atiyninta. Israelpa lomasnenqa ch'impacha qhepakonqa, manataj ima runapis chayninta purej kanqachu.

Ezequiel 6:14

Makiyta oqharisaj paykunata jasut'inaypaj, uray ladopi ch'in pampamanta wichaypi kaj Ribla nisqa chaykama. Tukuynejpi tiyakunku chay jallp'astaqa, ch'inmantapis aswan ch'inman tukuchisaj. Chaypacharaj rejsiwanqanku noqa Señor kasqaytaqa.

Levítico 26:31

Llajtasniykichejta raqayasta saqesaj, chinkachisaj yupaychana wasisniykichejtapis. Sumaj q'apashaj jaywawasqaykichejtapis manaña jap'isqaykichejchu.

Levítico 26:44

Chay tukuywampis enemigoj llajtampi tiyakushajtiykichejpis, noqaqa mana qhesachasqaykichejchu, mana tukuchisqaykichejchu, nitaj ñaupa tatasniykichejwan tratota ruwasqaytapis p'akisajchu. Noqamin kani qankunaj Señor Diosniykichejqa.

Sofonías 1:18

Señorpata phiñakuy p'unchaynimpi runataqa mana salvanqachu qolqen nitaj qorimpis. Señorpa k'ajaj phiñakuynin nina jina tukuy llajtantinta q'olaykonqa. Tukuy jallp'a patapi tiyakojkuna uj ratollapi t'unasqas kanqanku.