Jeremías 4:26 - Qheshwa Biblia DC

²⁶ Qhawarerqani, campospi chay poqoykunapis ch'in pampaman tukuchisqa karqa. Tukuy llajtasnimpis raqaykunallaña karqa. Señorqa k'ajaj phiñakuynin kay tukuytaqa ruwacherqa.

DIOSPA QHELQACHISQAN DEUTEROCANONICAL

²⁶ Qhawarispa, sumaj poqoj jallp'akunapis ch'inman tukuchisqa kasqankuta rikorqani, tukuy llajtankunataj raqayllaña kasqankuta. Tata Diosmin k'araj phiñakuyninpi chay tukuyta ruwarqa.

DIOSPA QHELQACHISQ

²⁶ Qhawarispa, sumaj poqoj jallp'akunapis ch'inman tukuchisqa kasqankuta rikorqani, tukuy llajtankunataj raqayllaña kasqankuta. Tata Diosmin k'araj phiñakuyninpi chay tukuyta ruwarqa.

Jeremías 4:26 ပူးပေါင်းရင်းမြစ်များ

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

Salmos 76:7

Qanqa manchachikunamin kanki. Pitaj ñaupaqeykipi sayayta atinmanri? K'araj phiñasqa kashajtiykiri?

Jeremías 12:13

Tarporqanku trigota, khishkasllatataj oqharerqanku. Tukuypa llank'asqankoqa qhasillapaj karqa. Chajrasqa mana poqorqachu, noqaj sinch'i phiñakuyniyrayku.

Jeremías 12:4

Mayk'ajkamataj jallp'a ch'akillapuni kanqari, campopi qhoraspis qawisqas kanqankuri? Uywakuna, phawajkunapis wañurapushanku, kay jallp'api tiyakojkunaspa juchasninrayku. Paykuna yuyanku ruwasqasninkuta mana rikusqaykita.

Jeremías 25:11

Tukuy kay llajta phishqa kanqa, raqaykunasmantaj tukuchisqas kanqa. Qanchis chunka watas junt'ata kay naciones Babilonia reypa makisnimpi kanqa.

Jeremías 7:34

Judá llajtapi jinallataj Jerusalén callespipis fiestaspi tusuykunata, takiykunata, jinallataj casarakupi takiykunatapis chinkachisaj. Tukuynin jallp'ataj ch'in pampaman tukuchisqa kanqa.

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Lamentaciones 2:7

Señorqa altarninta qhesachan, jinallataj parlana wasintapis. Llajtaj muyuynimpi jark'achisqa perqastapis enemigosman saqerparerqa. Enemigostaj Señorpa wasimpi manchayta kusiywan qheparqacharinku fiesta p'unchaypi jina.

Levítico 26:31

Llajtasniykichejta raqayasta saqesaj, chinkachisaj yupaychana wasisniykichejtapis. Sumaj q'apashaj jaywawasqaykichejtapis manaña jap'isqaykichejchu.

Miqueas 3:12

Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.

Sofonías 1:18

Señorpata phiñakuy p'unchaynimpi runataqa mana salvanqachu qolqen nitaj qorimpis. Señorpa k'ajaj phiñakuynin nina jina tukuy llajtantinta q'olaykonqa. Tukuy jallp'a patapi tiyakojkuna uj ratollapi t'unasqas kanqanku.