Jeremías 4:17 - Qheshwa Biblia DC

¹⁷ Imaynatachus chay camposninkuta qhawajkuna muyuykunku, ajinata Judá aylluman muyuykonqanku, Señorpa contrampi oqharikusqankurayku. Señormin ajinata nin.

DIOSPA QHELQACHISQAN DEUTEROCANONICAL

¹⁷ Imaynatachus chajrata qhawajkuna muyuykunku, ajinata Judá suyuta muyuykonqanku, contraypi oqharikusqanrayku. Noqa Tata Diosmin chayta nini.

DIOSPA QHELQACHISQ

¹⁷ Imaynatachus chajrata qhawajkuna muyuykunku, ajinata Judá suyuta muyuykonqanku, contraypi oqharikusqanrayku. Noqa Tata Diosmin chayta nini.

Jeremías 4:17 ပူးပေါင်းရင်းမြစ်များ

Nehemías 9:26

Chaywampis mana kasukojkuna karqanku, contraykipi oqharikorqanku, leyniykitataj qhesacharqanku. Chantaqa profetasniykita wañucherqanku sut'inta ch'ataykuspa, qanman kutirikamunankuta willasqankurayku. May millaytataj contraykipi juchallerqanku.

Nehemías 9:30

Ashkha watasta qanqa paykunawan pacienciakorqanki, Espirituykinejta, profetasniykinejtataj paykunaman willachej kanki, chaytapis manallataj kasojchu kanku. Chayraykutaj waj nacionespa kamachiynin uraman churarqanki.

Isaías 1:8

Sionllaña sayashaj qhepakun, uvas chaupipi uj ch'ujlla jina, melón chaupipi ramada jina, enemigosninwan muyuykusqa llajta jina.

Isaías 30:9

Kay runasqa mana kasukoj kanku llulla wawas jina. Diospa kamachisqanta mana uyariyta munajkuna wawas jina kanku.

Jeremías 5:23

Qankunaj sonqoykichejri ancha rumiyasqa, mana kasukojtaj, saqerpayawaspataj riporqankichej.

Jeremías 52:4

Maypachachus Sedequías isq'on watastaña chunka kaj killapi kamachishajtin, chunka p'unchaynimpi rey Nabucodonosorqa tukuy soldadosnintin Jerusalenta jap'inampaj purirerqa, muyuykorqataj. Jerusalempa ñaupaqempi jaraykukorqa, chay muyuykunasnimpitaj jallp'a moqosta llajtaman yaykunankupaj sayaricherqanku.

Lamentaciones 1:18

Señorqa cheqampuni, noqarí paypa contranta oqharikorqani. Kunanqa, runakuna, tukuy qhawaychej, rikuychejtaj imaynachus nanayniy kasqanta. Llimphu sipaskunasniywan, waynakunasniywan karuman apachisqas kanku.

Lamentaciones 1:8

Jerusalenqa anchatapuni juchallikorqa. Chayrayku qharqosqa karqa. Tukuy payta sumajpaj qhawajkunaqa qhesacharqanku, q'alallata rikusqankurayku. Chaynejta kunan payqa qhepaman kutirispa jik'un jik'unta waqashan.

Deuteronomio 9:24

Qankunaqa Señorta manapuni kasuyta munankichejchu rejsisqasuykichejmantapacha.