Jeremías 4:13 - Qheshwa Biblia DC

¹³ Qhawariychej, enemigosqa phuyu jina jamurishanku; ch'ajwapaj wakichisqa carretasninkoqa jatun muyoj wayraman rijch'akunku, caballosninkutaj ankasmantapis aswan sinch'i chakis kanku. Ay, imachus noqanchejqa chinkasqas kanchej!

DIOSPA QHELQACHISQAN DEUTEROCANONICAL

¹³ Chantá israelitakuna nenqanku: Qhawariychej, awqanchejkuna phuyu jina jamurishanku. Carretankupis sinch'i muyoj wayraman rijch'akunku, caballonkutaj ankakunamantapis aswan usqhayta phawanku. Ay, noqanchejqa imallapichus tukukusunchejpis, nispa.

DIOSPA QHELQACHISQ

¹³ Chantá israelitakuna nenqanku: Qhawariychej, awqanchejkuna phuyu jina jamurishanku. Carretankupis sinch'i muyoj wayraman rijch'akunku, caballonkutaj ankakunamantapis aswan usqhayta phawanku. Ay, noqanchejqa imallapichus tukukusunchejpis, nispa.

Jeremías 4:13 ပူးပေါင်းရင်းမြစ်များ

2 Samuel 1:23

Saulwan Jonatanwanqa, munasqas, k'achastaj mana t'aqanakorqankuchu kausayninkupi, nitaj wañupushaspapis. Aguilasmanta aswan usqhayta phawarejkuna karqanku! Leonesmantapis aswan kallpasniyoj karqanku!

Isaías 13:5

Chaykunaqa karu llajtasmanta jamunku, kay pachaj tukukuyninmantapacha. Chaykunaqa Señorpa kachamusqasnin kanku, Señorpa k'ajaj phiñakuyninwan tukuynin jallp'ata tukuchinankupaj.

Isaías 19:1

Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.

Isaías 3:8

Cheqamanta Jerusalenqa urmaykapun, Judapis thuñiykukun, imaraykuchus chaypeqa mana parlanasta parlanku, millay imasta Señorpa contranta ruwanku, Señorpa jatun kayninta qhesachaspa.

Isaías 5:28

Flechasninkoqa sumaj filochasqas, arcosninkoqa sumaj mat'isqas. Caballosninkoj chakisnenqa rumi jina, carretasninkoj ruedasnenqa muyoj wayraman rijch'akun.

Isaías 66:15

Señorqa ninawan jamonqa, carretasnenqa maqanakunapaj llojlla para jina jamonqa, manchay k'ajaj phiñakuyninwan jasut'inampaj. Ajinata paypa k'amiynenqa nina larway jina kanqa.

Jeremías 10:19

Ay noqamanta, mana imayoj llakiyllapiña rikhurini! Nanachikusqasneyqa mana thañiy atej! Kay nanaytaqa ñak'ariylla kasqanta yuyarqani.

Jeremías 4:12

Wayrata noqa apachimusaj chay wayraqa, ancha sinch'i wayra kanqa. Kunanrajmari paykunaj contrankupi jasut'i wakichikunanta kamachisaj.

Jeremías 4:31

Nanaywan qhapariykunasta uyarini, uj warmi, ñaupaj kaj wawanta nacechikuspa nanaywan qhaparqachan ajina. Chaykunaqa Sión orqoj qharparikusqasnin kanku, makisnintataj jaywarakun. Ay noqamanta! Kay runa wañuchis wañuchishawankuña!, nispa.

Jeremías 46:18

Noqa rey kani, sutiytaj Tukuy Atiyniyoj Señor, kausayniyrayku juraykichej: Tabor jina, tukuy orqosmanta aswan jatun kaj, Carmelo orqotaj mar qocha cantopi aswan oqharisqa, ajinatamin jamushan chay enemigoqa.

Jeremías 48:40

Señorqa nerqa: Moab runaspa enemigon anka jina lijrasnin kicharisqa paypa contrampi kachaykukun.

Jeremías 49:22

Bosraj contrampi uj enemigo oqharikonqa, imaynatachus uj anka lijrasninta kichariytawan oqharikun, ajinata. Chay p'unchaypeqa Edompa maqanakojkunasnin kharkatitenqanku onqokoj warmi jina.

Jeremías 6:23

Lanzaswan, wach'ina arcoswan ima wakichisqasña kanku. Ancha sajras kanku, mana uj chhika khuyakuyniyojtaj, qhaparqachasqankoqa mar qochaj sonaynin jina kanku, caballospi montasqas rishanku. Chaykunataj Siompa contrampi maqanakunankupaj wakichisqasña kanku.

Jeremías 9:19

Sionmantapacha nanaywan qhapariykuna chayamuwanchej: Ay, imaynatataj mana imayoj llakiypi rikhurinchej! P'enqaypi rikhurinchej! Kay jallp'a suyunchejta saqerparinanchej tiyan, imaraykuchus tiyakuna wasisninchejqa raqaykunallaña kashanku.

Lamentaciones 4:19

Noqaykuta tukuchinawaykupaj qhatiykachajkunaqa, ankasmantapis astawan sinch'ita phinkiykachanku. Tukuy orqospi mask'awayku, jap'inawaykupajtaj tukuy ch'inkunaspi misk'anasta churanku.

Ezequiel 26:10

Babiloniamanta kaj reyqa ashkha caballoswan yaykumojtin jallp'a polvowan chinkaykuchisonqanku. Carretasnimpa sonayninwan, caballospa sonayninwan imaqa perqasniyki kharkatitenqa, contrariosniyki punkusniykita yaykumushajtin, t'unaykusqa llajtaj punkusninta jina.

Ezequiel 38:9

Qantaj chay jallp'aman chayaspa phuyu jina junt'aykunki, ashkha tropa soldadosniykiwan ashkha llajtasmanta qanwan tantakorqanku chaykunawan ima.

Daniel (hebreo) 11:40

Maypachachus tukukuy rato chayamonqa chaypachaqa, uraynejpi kaj rey jatarenqa, wichaynejpi kaj reypa contrampi. Kay kajtaj llojsispa, kaymanta jinalla tukuy atiywan yaykonqa, uraypi kaj reypa contrampi, carretaswan, caballería tropaswan, ashkha barcoswan ima. Jallp'asman yaykuspa junt'aykonqanku, chanta pasakaponqankutaj.

Daniel (hebreo) 7:4

Ñaupaj kajqa leonman rijch'akorqa, lijrasnintaj ankajta jina karqanku. Qhawashajtillayraj lijrasninta sik'irarqanku, pampamanta oqharerqanku. Chantá qhepa chakisninmantataj churarqanku, runa kikinta sayachispa, yuyaynintaj runaj yuyayninman tukuchisqa karqa.

Oseas 8:1

Waqachiy pututusniykita, imaynatachus uj qhawajqa Señorpa ayllunta mana puñuspa qhawan jinata, imaraykuchus noqawan tratonkuta p'akinku.

Miqueas 2:4

Jaqay p'unchaykunapeqa llakiy waqay yarawista takisonqanku. Nisonqachejtaj: Cheqamanta q'ala tukuyninchejpuni t'una ruwasqas karqanchej; llajtanchej kaj, Señorninchejpata kajkunapis wajpaj makinman chayarqa ni pejpa jark'akusqallan; tukuy jallp'asninchejpis q'ala rak'irasqa karqa noqanchejta jap'ikapoj jamojkuna ukhupi.

Nahúm 1:3

Señorqa llamp'u sonqo jinapis may atiyniyoj, chayrayku juchallejkunataqa jasut'enqapuni. Sinch'i loco para kajtimpis Señorqa purillan, phuyuspis chakisnimpeqa jallp'a jinalla.

Habacuc 1:8

Caballosninkupis tigresmanta aswan usqhayta purinku ch'in pampapi atojkunamantapis aswan manchachikuna, phiña animales kanku. Caballospi correjkunasninkupis ashkhamanta, sinch'itataj correrqanku, karumantapachataj jap'ej phinkiykorqanku imaynatachus águila jap'ej imamampis phinkiykun jinata.

Zacarías 6:1

Rikullarqanitaj mosqoypi jina, guerrapaj tawa carrosta broncemanta ruwasqas iskay orqos chaupipi.

San Mateo 24:30

Chaypachataj Runaj Churimpa señalnin janaj pachapi rikhurenqa; tukuy kay pachapi ayllustaj waqanqanku. Runaj Churintataj cielo phuyus patapi jamushajta rikonqanku; tukuy atiyninwan, lliphipiyninwan ima.

Deuteronomio 28:49

Qankunaj contraykichejta karumanta mundoj cantosninmantapacha Señorqa waj llajtayojkuna runasta kachamusonqachej. Chay runaspa parlayninkutataj mana entiendeyta atinkichejchu, paykunaqa anka jina usqhayllata chayamusonqachej.

Apocalipsis 1:7

Qhawaychej, Cristo phuyuswan jamushan, tukuy ñawitaj payta rikonqa, jinallataj payta t'ojsejkunapis; tukuy ayllustaj paymanta manchayta waqanqanku. Arí. Amén.