Jeremías 39:9 - Qheshwa Biblia DC

⁹ Qhepatataj Nabuzaradán reypa soldadosninta kamachej runa Babiloniaman apacherqa llajtapi qhepakojkunata, jinallataj caldeosman chimpajkunatapis.

DIOSPA QHELQACHISQAN DEUTEROCANONICAL

⁹ Chay qhepatataj soldadokunata kamachej Nabuzaradán llajtapi qhepakojkunata jinallataj caldeokunaman chimpapojkunatapis Babiloniaman apacherqa.

DIOSPA QHELQACHISQ

⁹ Chay qhepatataj soldadokunata kamachej Nabuzaradán llajtapi qhepakojkunata jinallataj caldeokunaman chimpapojkunatapis Babiloniaman apacherqa.

Jeremías 39:9 ပူးပေါင်းရင်းမြစ်များ

Génesis 37:36

Madianitastaj Egiptoman chayaytawan Josetaqa Potifarmanñataj vendeykorqanku; pay karqa Egiptopi rey faraompa oficialnin, capitannintaj.

2 Reyes 25:11

Llajtapi qhepakojkunata Babiloniamanta reywan wakin ujchukusqanku chaykunata, pikunachus kamachina runaslla kajkunatawan, Nabuzaradanqa tukuyninkuta Babiloniaman presosta apakaporqa.

2 Reyes 25:20

Kay tukuytataj Nabuzaradán kamacheqa Babiloniamanta rey Nabucodonosorman Riblaman aparqa.

Isaías 5:13

Chayrayku, aylloyqa mana yachakuyta munasqanrayku ch'in pampaman apachisqa kanqa. Tukuy runastaj kurajkunasninkuwan khuska yarqhaywan, ch'akiywantaj wañonqanku.

Jeremías 10:18

Imaraykuchus Señorqa nin: Kunan kutipeqa kay jallp'api tiyakojkunata karuman wijch'usaj. Ñak'ariykunasmantaj churasaj, ichachus jinamanta tariwankuman. Nación kutichin:

Jeremías 16:13

Chayraykumin kay jallp'amanta wijch'usqaykichej tatasniykichej mana rejsisqankuman, nitaj qankunapis rejsisqaykichejman. Chaypitaj tukuy p'unchay mana rejsisqaykichej dioskunasllata yupaychankichej, manapuni qankunamanta khuyakusajchu, nispa.

Jeremías 24:8

Judamanta rey Sedequiasta, kurajkunasninta, Jerusalempi qhepakojkunata, chay waj tiyakojkunata, Egiptopi tiyakojkunatawan, chay mikhunapaj mana allinchu kaj higosta jina qhawasaj, chaykunaqa mikhunapaj mana allinchu kanku.

Jeremías 38:19

Sedequías kuticherqa: Caldeospaman chimpapunku chay judiosta manchachikuni. Paykunaj makinkuman urmayman chayqa, ñak'arichiwankuman.

Jeremías 40:1

Señorqa Jeremiasman parlallarqataj chay soldados ukhumanta kamachej Nabuzaradán, Ramá llajtapi Jeremiasta preso kayninmanta kacharichisqanmanta qhepaman. Nabuzaradanqa cadenawan ch'ipasqata tariparqa Jerusalén llajtapi, jinataj Judapipis pischus Babiloniaman wijch'usqas karqanku chaykuna ukhupi.

Jeremías 40:7

Campopi soldadosta kamachejkuna kasharqankuraj, chanta runasninku ima yacharqanku Babiloniamanta reyqa chay jallp'api Ahicampa wawan Gedaliasta kamachinampaj churasqanta; qhawanampajtaj qharista, warmista, wawasta, pischus mana apachisqaschu karqanku chay wajcha runastawan.

Jeremías 52:26

Nabuzaradanqa kay tukuyta Babilonia reypa ñaupaqenman pusarqa, chaypachaqa Ribla llajtapi kasharqa chay Hamat jallp'api.

Jeremías 52:27

Chaypitaj Babiloniamanta reyqa wañurachinankuta kamacherqa. Ajinatamin Judá aylloqa jallp'anmanta wijch'usqa karqa.

Daniel (hebreo) 2:14

Chanta Daniel parlarerqa Ariocwan, may yachaywan allin yuyaywantaj. Ariocqa karqa, reypa palaciompi sirvejkunajpata kamachejnin. Chantapis payllataj wakichisqaña karqa, Babiloniapi tukuynin yachayniyojkunata wañurachinampaj.

Levítico 26:33

Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

Deuteronomio 4:27

Señorqa tukuy nacionesman ch'eqerachisonqachej, uj chhikallaña qhepakunkichej chay jallp'aspi. Maykunamanchus Señor pusasonqachej, chaypitaj qankunaqa runaj makinwan ruwasqa dioskunata yupaychankichej, k'aspismanta, rumismanta ruwasqa lantista; mana rikojkunata, mana uyarejkunata, mana mikhojkunata, mana muskhejkunata ima.