Jeremías 39:8 - Qheshwa Biblia DC

⁸ Caldeosqa reypa palacionman ninata jap'iykucherqanku, jinallataj llajtapi wasismampis, Jerusalempa perqasnintapis thuñirarqanku.

DIOSPA QHELQACHISQAN DEUTEROCANONICAL

⁸ Chaykama Caldeo soldadokunaqa kuraj kamachejpa wasinta ninawan jap'iykucherqanku, jinallataj llajtapi wasikunatapis. Jerusalén llajtaj perqantapis thuñirarqanku.

DIOSPA QHELQACHISQ

⁸ Chaykama Caldeo soldadokunaqa kuraj kamachejpa wasinta ninawan jap'iykucherqanku, jinallataj llajtapi wasikunatapis. Jerusalén llajtaj perqantapis thuñirarqanku.

Jeremías 39:8 ပူးပေါင်းရင်းမြစ်များ

2 Reyes 25:8

Babiloniamanta rey Nabucodonosor chunka iskayniyoj watataña kamachishajtin, phishqa killampi qanchis kaj p'unchaynimpi Babiloniamanta reypa soldadosnimpa kurajnin kamachin Nabuzaradán Jerusalenman jamorqa.

2 Crónicas 36:19

Chay jawaqa Diosta yupaychana wasitapis ruphaykucherqanku, Jerusalén llajtaj perqasnintataj thuñirarqanku. Tukuy palaciosninmampis ninata jap'iykucherqanku. Chay valorniyoj kaj imastapis tukuyninta t'unaykorqanku.

Nehemías 1:3

Niwarqankutaj: Wijch'usqa kaymanta ayqerqanku chaykunaqa qhepakorqanku chay provincia llajtapi. Paykunaqa may llakiypi may p'enqaypitaj kashanku. Jerusalén llajtaj perqasnin pampachasqas kashanku, punkusnintaj ninawan q'olasqas kashanku, nispa.

Salmos 79:7

Paykuna Jacobta tukucherqanku, tukuy llajtataj ch'inman tukucherqanku.

Isaías 5:9

Tukuy Atiyniyoj Señorqa niwan, ashkha wasis thuñisqas kananta; manañataj pipis chay wasispi tiyakunanta, jatuchajpis kachun, k'achituspis kachun.

Jeremías 17:27

Sichus qankuna kay kamachisniyta mana kasukunkichejchu, chay samakuna p'unchaypi yupaychanawaykichejta, jinataj cargasta Jerusalenman samakuna p'unchaypi mana apaykunatawan mana junt'awankichejchu chayqa, llajtaj punkusninman ninata churasaj, chay ninataj Jerusalempa palaciosninta ruphaykonqa tukuchinankama, manataj pipis thasnuyta atenqachu.

Jeremías 21:10

Noqa kay llajtaman apachimunayta niniña sajra kajkunata, manataj allin kajkunatachu. Babiloniamanta reyman llajtata jaywasaj, paytaj ninata jap'iykuchenqa. Noqa Señor chayta kamachini.

Jeremías 32:29

Llajtata jap'ikapoj caldeosqa yaykuykuspa ninawan jap'iykuchenqanku; maypichus Baalman inciensosta q'osñichej kanku, jinataj vinosta jaywaj kanku mana rejsisqa dioskunaman, noqata phiñachinawankupaj, chay wasistawan khuska ruphaykuchenqanku.

Jeremías 34:22

Kunan noqa kutirimunankuta kamachisaj, kay llajtaj contrampi jamunankuta, yaykuykamunankutataj, jap'ikapunankuta, ninatataj jap'iykuchinankuta. Judamanta chay puchoj llajtaspis ch'inyachisqas qhepakonqanku mana uj runayoj. Noqa Señor chayta nini.

Jeremías 37:10

Qankunaman yaykumushasunkichej chay caldeo soldadostapis atipawajchej chayqa, manañapis runas campamentopi qhepakunmanchu, manachayqa uj mashkha nanachisqas kajkunallaña kanman chaypis, chay runas atinkumanraj jatarimuyta ninata llajtaman jap'iykuchiyta.

Jeremías 38:18

Manatajchus paykunaman chimpaykuwaj chayqa, caldeos jamuspa kay llajtata jap'ikaponqanku, ruphaykuchenqankutaj, qantaj makinkumanta mana ayqekuyta atinkichu, nispa.

Jeremías 5:10

Enemigosninkutaj yaykuchunku, huertasninkutataj q'arachunku. Amapis tukuyninkutachu q'arachunku. Ramasninta k'ajllarachunku, imaraykuchus chay uvas sach'asqa manaña noqajtachu.

Jeremías 7:20

Chayrayku, noqa Señor cheqatapuni nini, tukuy phiñakuyniyta thallinayta kay cheqaj contranta, runakunasnimpa contrampi, jinallataj uywasnimpa contrampi, sach'asnimpa contrampi, chantá cosechasnimpa contrampipis. Chayqa nina jap'iykuchisqa mana thasnukuyta atej jina kanqa.

Lamentaciones 1:10

Enemigosqa Jerusalempata k'acha imasninta jap'ikaporqanku. Jerusalén llajtaqa rikorqa Dioswan parlana wasinman mana creej runas ujllata junt'aykushajta. Chay runastaqa kamacherqanki Señor Dioswan parlana wasiykiman ama yaykunankuta.

Lamentaciones 2:2

Señorqa tukuy imata pampata ruwan mana khuyakuspa. Phiñakuyninwan Señorqa Jacobpa wawasninta wasintinta tukuyninkuta thuñirarqa. Judá llajtaj jark'achisqa perqasnintapis tukuyninta pampachan; maytapuni reyta kamachejkunatawan k'umuykachachin.

Lamentaciones 2:7

Señorqa altarninta qhesachan, jinallataj parlana wasintapis. Llajtaj muyuynimpi jark'achisqa perqastapis enemigosman saqerparerqa. Enemigostaj Señorpa wasimpi manchayta kusiywan qheparqacharinku fiesta p'unchaypi jina.

Ezequiel 16:41

Wasisniykitapis ninawan kanaykonqanku. Ashkha warmispa ñaupaqempitaj qanta juchachasonqanku. Ajinapitaj qhenchachakuypi purinaykita tukuchisaj, manañataj ujtawampis tiyapususqantaqa qhenchachakuspa pagankichu.

Ezequiel 23:47

Chay runasqa rumiswan ch'anqaspa wañurachenqanku, espadasninkuwantaj pasachenqanku. Qhari wawasta, warmi wawasnintawan wañurachenqanku, wasisninkutataj khanaykonqa.

Ezequiel 33:21

Wijch'usqa kasqaykichejmanta chunka watanman, chunka killampi phishqa p'unchay kashajtin, uj runa Jerusalenmanta ayqespa jamorqa. Paytaj willawarqa, llajtaqa enemigonchejpa makinmanña urmasqanta.

Amós 2:5

Chayrayku Judaman ninata jap'iykuchisaj, chay nina Jerusalempa palaciosninta q'olaykonqa.

Miqueas 3:12

Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.