Jeremías 35:4 - Qheshwa Biblia DC

⁴ Diosta yupaychana wasiman payta pusarqani, Igdaliaspa wawan Hanampa wawasnimpa tiyakunanku wasiman. Payqa Diospa runan karqa. Chay Hanampa wawasnimpa wasin kajman yaykorqanku. Kay waseqa kashan Diosta yupaychana wasimanta kurajkunaspa tiyakunanku wasi qayllapi jina, jinataj chay yupaychana wasej punkun qhawaj, Salumpa wawan Maasiaspa tiyanan wasi patapi.

DIOSPA QHELQACHISQAN DEUTEROCANONICAL

⁴ Chantá Diospa Templonman paykunata pusaykorqani, Igdaliaspa churin Jananpa churinkunaj tiyakunanku cuartoman. Jananqa Diospa kamachin karqa. Chay cuarto Diospa Templonta qhawajkunaj tiyakunanku qayllapi karqa, Salunpa churin Maseiaspa cuarton patapi. Salunqa Templopi punkuta qhawaj karqa.

DIOSPA QHELQACHISQ

⁴ Chantá Diospa Templonman paykunata pusaykorqani, Igdaliaspa churin Jananpa churinkunaj tiyakunanku cuartoman. Jananqa Diospa kamachin karqa. Chay cuarto Diospa Templonta qhawajkunaj tiyakunanku qayllapi karqa, Salunpa churin Maseiaspa cuarton patapi. Salunqa Templopi punkuta qhawaj karqa.

Jeremías 35:4 ပူးပေါင်းရင်းမြစ်များ

1 Reyes 12:22

Chanta Diospa runan Semaiasman Señorpa palabran jamorqa, kay jinata:

1 Reyes 13:1

Jeroboam chay altarpa ñaupaqempi inciensota ruphachinan kashajtin, uj profeta Señorpa kachamusqan Judamanta Betelman chayamorqa.

1 Reyes 13:26

Ñanmanta kutichimoj profetaqa chay jinata uyarispa, nerqa: Chayqa Diospa runanmin, Señorpa kamachisqanta mana kasusqanrayku, Señorqa leonman jaywaykun chaytaj mitharparispa wañurpachin, Señorpa palabran nisqanman jina.

1 Reyes 17:18

Paytaj Eliasman nerqa: Diospa runan, ima ruwanay tiyan noqa qanwanri? Juchasniymanta yuyarichiwajchu kayman jamunki, wawaytapis wañuchej?

1 Reyes 17:24

Chantataj chay warmeqa Eliasta nerqa: Kunanqa yachani cheqamantapuni Diospa runan kasqaykita, Señorpa palabrantaj cheqapuni qampa simiykipeqa kasqanta.

1 Reyes 20:28

Chaypacha Diospa profetan Israelpa reyninman jamorqa, nerqataj: Señorqa ajinata nin: Imaraykuchus siriosqa ninku: Señorninkoqa orqosmanta Dios, manataj pampasmanta Dioschu, chayrayku kunanqa makisniykiman jaywaykullasqaykitaj, chay chhika manchay ashkha runasta. Yachankichejtaj, noqa Señor kasqayta.

2 Reyes 1:9

Chaymantaqa kacharqa phishqa chunka soldadosta capitannintawan. Paytaj wicharerqa uj orqo puntaman, maypichus Diospa runan Elías tiyasqa kasharqa chayman. Capitantaj kay jinata nerqa: Diospa runan, reyqa kunampacha uraykamuchun nisunki, nispa.

2 Reyes 12:9

Kuraj sacerdote Joiadataj uj cajata jap'ispa, tapanta jusk'uspataj Diospa wasin punku yaykuyman altarpa qayllanman paña ladonman churarqa. Chaypitaj sacerdotes punkuta qhawajkunaqa chayman tukuynin qolqe apamusqankuta Señorpa wasinman churarqanku.

2 Reyes 25:18

Nabucodonosorpa kuraj kamachenqa kuraj sacerdote Seraiasta, iskay kaj sacerdote Sofoniasta, Diospa wasimpi kinsa qhawajkunatawan presosta apallarqataj.

2 Reyes 5:14

Chanta Naamanqa Jordán mayuman uraykuytawan qanchis kutita p'ultikorqa, imaynatachus Diospa runan nisqanman jina. Ukhuntaj wawaj ukhun jina tukorqa, llimphumantaj tukorqa.

2 Reyes 6:10

Chantaqa Israelmanta reyqa, imaynatachus Diospa runan nisqanman jina, chayman soldadosninta mana kacharqachu. Ajinamanta ashkha kutita librakorqa.

2 Reyes 7:17

Reytaj paypa yanapayninta llajta punkuta qhawanampaj churarqa; runastaj paytaqa chay chhikata ñaqekusqankupi sarurparispa punku yaykuypi wañurparichisqanku, chaytaqa Diospa runan sut'inchasqa, maypachachus rey payta watukoj rerqa chaypacha.

2 Reyes 7:2

Reypa yanapajnintaj Diospa runanman nerqa: Sichus Señorqa janaj pacha ventanasta kicharinman chayqa, qampa nisqaykiman jinachu kanman? Paytaj nerqa: Kayqa kunan qan ñawisniykiwan rikunki. Chaywampis chaymantaqa mana qanqa mikhunkichu.

1 Crónicas 9:27

Paykuna Diosta yupaychana wasimpa muyuynimpi tiyakoj kanku, qhawanankupaj, jinataj sapa paqarin punkusninta kicharinankupaj churasqas kasqankurayku.

2 Crónicas 8:14

Mit'astapis churallarqataj tatan Davidpa nisqanman jina, sacerdotesqa yupaychana wasipi imastapis ruwanankupaj, levitastaj Señorta yupaychanankupaj, jinataj sacerdotesta yanapanankupaj, imaspichus sapa diapi atikusqanman jina. Jinallatataj churarqa sapa punkupi qhawajkunajpa mit'asninkutapis, Diospa runan David kamachisqanman jina.

Salmos 84:10

Aswan sumaj uj p'unchay patiosniykipi kayqa, waranqa p'unchaykunata karupi kajmantaqa. Astawanqa munayman Diospa wasinta qhawaspa tiyakuyta sajra cheqaspi tiyakunaymantaqa.

Jeremías 21:1

Rey Sedequías Maasiaspa wawan Pasurta kacharqa, chantá Maasiaspa wawan sacerdote Sofoniastapis Jeremiasman kachallarqataj, kayta nejta: Señorta tapuripuwayku, imaraykuchus Babiloniamanta rey Nabucodonosor yaykuykamushawayku. Ichapis Señorqa munanman uj t'ukuna imata ruwayta, Nabucodonosortataj ithirichiyta. Chaypacha Señorqa Jeremiasman parlarqa, Jeremiastaj Sedequiaspa kachasqasninman kuticherqa: Niychej Sedequiasman, Israelpa Diosnin Señorqa kayta nin: Noqa soldadosniykichejta qhepaman kutirichisaj, babilonioswan, jinataj caldeoswan maqanakushajtiykichej. Paykunaqa perqaykichej wasanta muyuykamunkuña, jinamanta llajta chaupiman tantaykusqaykichej.

Jeremías 26:10

Judá ayllumanta kurajkuna, imachus kasqanta uyarispa, reypa palacionmanta Diosta yupaychana wasiman rerqanku, chaypitaj chay mosoj punku nisqapi tiyaykukorqanku.

Jeremías 35:3

Noqa Jeremías, jinataj Jaazaniasta wauqesninta, wawasnintapis mask'aj rerqani recabitaspa tukuynin ayllusnintapis. Chay Jaazaniasqa waj Jeremiaspa wawan karqa, Habaniaspa allchhintaj.

Jeremías 52:24

Soldadosta kamachejqa kuraj sacerdote Seraiasta presota jap'erqa, pay jina sacerdotellataj karqa chay Sofoniastawan. Chantá Diosta yupaychana wasej patiompi kinsa soldados qhawasharqanku chaykunata ima.

Ezequiel 40:38

Uj wasi kallarqataj yaykuna punkuman k'askasqa. Chaypi uywasta wañuchispa mayllaj kanku Diosman jaywanankupaj.

Ezequiel 43:8

Diosta yupaychana wasiman k'askasqata ruwakorqanku. Uj perqallawan t'aqaspa Diosta yupaychana wasita paykunaj wasinkutawan ruwarqanku, millay juchasta ruwaspataj sutiyta ch'ichicharqanku. Chayrayku may phiñakuyniypi paykunata wañuracherqani.

Deuteronomio 33:1

Manaraj wañupushaspa Diospa ajllasqan runa Moisesqa, israelitasta bendicerqa kay jinata:

1 Timoteo 6:11

Qanrí, Diospa runan, ayqekuy kay tukuy imasmanta. Kausaytaj cheqan kajpi Diosta yupaychaspa, fewan, munakuywan, pacienciawan, llamp'u sonqo kaywan ima.

2 Timoteo 3:17

Ajinamanta, Diospa runan atiyniyoj kanqa, sumaj wakichisqataj, tukuy ima allin kajta ruwanampaj.

Josué 14:6

Judáj ayllunmanta kajkuna Gilgalman rerqanku Josuewan parlaj; chayaspataj cenezeo Jefonej wawan Calebqa Josueman nerqa: Qan yachanki allinta imatachus Señorqa kamachin Moisesman nisqanta Cades-barneapi qanmanta noqamantawan.

1 Samuel 2:27

Chay tiempopi uj profeta chayamorqa Elita watukoj, nerqataj: Señorqa kay jinata nin: Ñaupa tatayki aylluntin ima maypachachus Egiptopi faraompa kamachin kashajtin sut'imanta payman rikhurerqani.