Jeremías 34:9 - Qheshwa Biblia DC

⁹ Chay tratoqa ruwasqa karqa qhari kamachisniyoj kajkuna, chayri warmi kamachisniyoj kajkunapis hebreosmanta kajkunata kacharinankuta, ama ni pi judíos kajkunamanta kamachis kanankupaj.

DIOSPA QHELQACHISQAN DEUTEROCANONICAL

⁹ Chay trato ruwasqa karqa llajta masinku hebreokunamanta wata runa qharita, warmita kacharipunankupaj, llajta masinku judiokunamanta ni pita wata runata jina jap'inankupaj.

DIOSPA QHELQACHISQ

⁹ Chay trato ruwasqa karqa llajta masinku hebreokunamanta wata runa qharita, warmita kacharipunankupaj, llajta masinku judiokunamanta ni pita wata runata jina jap'inankupaj.

Jeremías 34:9 ပူးပေါင်းရင်းမြစ်များ

Génesis 14:13

Uj runataj ch'ajwamanta ayqemuspa hebreo Abramman willarqa imaynachus kasqanta. Pay tiyakorqa amorreo Mamrej encinas sach'arara jallp'ampi. Mamreqa Escolpata, Anerpatawan wauqenku karqa; paykunaqa karqanku Abramman sayasqas.

Génesis 40:15

Noqataqa hebreospa jallp'anmanta suwamuwanku, chayrayku noqaqa mana kay carcelpi kanaypaj jinachu kani, imaraykuchus mana ima sajratapis ruwanichu.

Éxodo 2:6

Paytaj chay canastata qhawaykuspa rikorqa uj wawata waqashajta. Faraompa ususenqa chay wawamanta khuyakuspa nerqa: Kayqa hebreospa wawasninmanta ujnin kaj.

Éxodo 3:18

Jinata nejtiykitaj kasusonqanku; chaymantataj paykunawan khuska rinki Egipto reyman, chayaspataj ninkichej: Señor, hebreospa Diosnin taripawayku; chayrayku kunan risqayku kinsa día puriyta ch'in pampanejta, uj rikuchikuta Señor Diosniykuman jaywamunaykupaj, nispa.

Jeremías 25:14

Jatuchaj nacionesmanta, atiyniyoj reykunapis paykunataqa jap'iykullanqankutaj. Ajinata paganaypaj chay ruwasqasninkuman jina.

Jeremías 27:7

Tukuy nacionespis payman, wawanman, allchhinman ima kamachisninku kanankupaj jaywasqas kanqanku. Chaytaj kanqa paykunaj jallp'ankuñataj, jatuchaj nacionesman, jinataj atiyniyoj reykunasmampis jaywasqas kanankukama.

Jeremías 30:8

Noqa Tukuy Atiyniyoj Señor nini: kamachiy yugomanta aylluyta kacharichisaj, lazosninta p'itirasaj, amaña ujtawan waj llajtayojkunaj kamachin kanampaj.

Jeremías 34:10

Tukuy kurajkuna, tukuynin runaspis tratota junt'anankuta nerqanku. Chay tratota ruwasqankuta kasorqanku, chay kamachistataj kachariporqanku, manañataj ujtawan kamachis karqankuñachu.

1 Corintios 6:8

Astawan qankuna juchallinkichej, mana cheqan kajta ruwaspa, hermanosllamantataj suwaspa.

2 Corintios 11:22

Paykuna hebreoschu kanku? Noqapis hebreollataj kani. Israelitaschu kanku? Noqapis israelitallataj kani. Abrahampa mirayninmantachu kanku? Noqapis chayllamantataj kani.

Deuteronomio 15:12

Sichus chay hebreo llajta masiykichejmanta, qharipis, chayri warmipis qankunawan rantichikuspa wata kamachiykichejpaj yaykupunman chayqa, sojta watallata kamachiykichejmanta kanqa, qanchis watapeqa kacharipunkichej.

Filipenses 3:5

Nacikusqaymanta pusaj p'unchayninman circuncidasqa karqani. Israelitataj kani Benjamimpa ayllunmanta. Hebreospa ayllunmanta hebreo kani. Judiospa leyninman jinataj fariseo kani.

1 Samuel 14:11

Ajinaqa iskayninku chay filisteo soldadoswan rikuchikorqanku. Chay runastaj rikuytawankama nerqanku: Qhawariychej chay hebreo runas llojsiykamusqankuña, pakasqas kasharqanku chay jusk'usmanta, nispa.

1 Samuel 4:6

Filisteosqa chay sinch'ita qhaparisqankuta uyarispa tapurerqanku: Imaraykutaj sinch'i ch'ajwa tiyan hebreospa jarankupiri?, nispa. Yacharqankutaj israelitaspa jarankuman Señorpa trato cajonnin chayamusqanta.

1 Samuel 4:9

Kallpachakuychej ari filisteo soldados, sinch'itataj maqanakuychej, ama hebreo runaspa kamachisnin kanaykichejpaj, imaynatachus paykuna kamachisniykichej karqanku jinataqa!, nispa.