Jeremías 33:9 - Qheshwa Biblia DC

⁹ Kay jallp'api Jerusalenqa noqaj kausayniy, jatunchakuyniytaj kanqa tukuy nacionespa ñaupaqempi. Maypachachus tukuy allin kajta Jerusalempi tiyakojkunaman patanman apachimusqayta uyarenqanku, jinataj tukuy allin kajwan junt'achisqayta parlajta uyarenqanku, chaypachaqa mancharikuywan kharkatenqanku.

DIOSPA QHELQACHISQAN DEUTEROCANONICAL

⁹ Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

DIOSPA QHELQACHISQ

⁹ Chantá Jerusalén llajta kusikunay llajta kanqa, tukuy suyoj ñawpaqenkupi manchay uyarisqa kanqa. Paykunanejta kay pachapi tukuy suyukunaj ñawpaqenpi yupaychasqa, chantá manchay uyarisqa kasaj. Jinataj sonqo tiyaykuy kawsayta qosqayrayku chantá tukuy imawan junt'achisqayta rikuspa, waj suyukunamanta runakuna kharkatitenqanku, nispa.

Jeremías 33:9 ပူးပေါင်းရင်းမြစ်များ

2 Crónicas 20:29

Tukuy nacionestaj Diosta mayta manchachikorqanku, yachaspa Señorqa maqanakusqanta Israelpa enemigosninwan.

Nehemías 6:16

Enemigosniyku qayllasniykupi tukuy kaj nacionespis chayta yachaspa, mayta mancharikorqanku. Chay wapu wapu kajkunamanta k'umuykukorqanku, tukuy ruwasqaykupi Dios yanapawasqaykuta yachaspa.

Ester (hebreo) 8:17

Tukuy suyuspi tukuy llajtaspi ima, maykunamanchus chay kamachiy chayarqa chaykunapi, judiosqa jatun kusiywan, sumaj mikhunasta wayk'urikuspa kusikorqanku chay diaspi. Waj runaspis chayta rikuytawanqa judiosman tukorqanku, imaraykuchus judiosta manchachikorqanku.

Salmos 130:4

Qampi perdonta tariyku; chayrayku yupaychasuyku.

Salmos 40:3

Simiyman churarqa uj mosoj takiyta, Diosninchejta yupaychana takiyta. Ashkha runas chayta rikuspa sonqonkuta wawayachenqanku, Señorpitaj suyanqanku.

Isaías 43:21

Kay israelitastaqa noqapaj ruwakorqani, paykuntaj noqata yupaychawaspa takenqanku.

Isaías 55:13

Khishkaspa cuentanmanta pino sach'as wiñanqa, itapallospa cuentanmanta arrayán sach'a wiñanqa. Chayqa kanqa uj señal Señorpa sutinta wiñaypaj yuyarikunapaj, ni jayk'aj qonqasqa kanampaj.

Isaías 60:5

Chaypacha qanqa paykunata qhawarispa sumajta k'ancharinki; sonqoykipitaj maytapuni kusikunki. Qanman mar qocha cantospi kajkuna, tukuy nacionespa qhapajyaynimpis qanman chayachimonqanku.

Isaías 62:1

Sión llajtata munakusqayrayku mana ch'inyakusajchu, Jerusalenta munakusqayrayku mana samarikusajchu, cheqanchaynin lliphirimunankama, Salvacionnin k'anchay jina k'anchaykamunankama.

Isaías 62:12

Nisonqachejtaj ajllasqa runas, Señorpa orqhomusqasnin, nispa. Jerusalentataj nenqa: May munasqa llajta, mana saqerpayasqataj, nispa.

Isaías 62:4

Manaña jayk'ajpis saqerpayasqa nisonqankuchu, jallp'aykipis manaña ch'in pachachu kanqa, manachayqa kusikuy nispa sutichasonqanku, jallp'aykitataj runayojña nenqanku. Señorpa munakuynin qampi kanqa. Jallp'aykeqa casarasqa jina kanqa.

Isaías 62:7

Jerusalenta sumajta sayarichinankama amapuni saqeychejchu, Señorta yupaychaytapis kay pachapi rikhurichinankama.

Isaías 64:2

Imaynatachus ninaqa unuyachin, mankapi yakutapis t'impuchin ajinata, enemigosniykiman imaynachus kasqaykita rikuchinaykipaj, qampa ñaupaqeykipi nacionespis kharkatitinankupaj.

Jeremías 13:11

Imaynatachus pipis chumpinta ñañu wasanman mat'iykukun, ajinallatataj ruwarqani Israel aylluywan, jinallataj Judá aylluywampis, noqaman sumaj ujchasqas kanankupaj, aylluytaj kanankupaj. Sutiymantataj yachachinankupaj, yupaychasqa, jatunchasqataj kanaypaj. Chaywampis, mana kasuwarqankuchu. Noqa Señormin chayta nini.

Jeremías 16:19

Señorníy, qanmin kallpayqa, waqaychawajniytaj kanki, ñak'ariy ratospi qanllamin pakawajniy kanki. Qanman tukuy naciones jamonqanku. Kay pachaj cantosninmantapacha nisonqanku: chay qhasi dioskunallatamin mana atiyniyojkunata, chay mana imapaj allinchu kajkunata ñaupa tatasniyku chayaqenkupaj jina jap'erqanku.

Jeremías 24:6

Paykunata waqaychasaj, kay jallp'amantaj kutichimusaj, kaypitaj allimpi jatarichisaj. Paykunataqa manaña tukuchisajchu; plantaykusaj manañataj jayk'ajpis sik'irasajchu.

Jeremías 26:6

Chaypajwanqa noqa ruwasaj kay Diosta yupaychana wasiwan imaynatachus Silopi ruwarqani ajinata. Kay llajtataj tukuypa rikunanta ñak'arichisaj, kay pachamanta tukuy naciones wananankupaj jina.

Jeremías 29:1

Rey Jeconías wijch'usqa karqa, maman reinawan, palaciopi kamachiswan, Judamanta, Jerusalenmantapis kurajkunawan, oficinapi llank'ajkunawan, herreroswan khuskataj.

Jeremías 3:17

Chaypacharaj Jerusalenqa Señorpa tiyakunan kanqa, tukuy nacionestaj chaypi yupaychanawankupaj tantakonqanku, manañataj ujtawan k'ullukuspa sonqonkupi chay sajra millay yuyaykunata qhatenqankuchu.

Jeremías 3:19

Israel, noqa qanta wawaypaj jina jap'ikapuyta yuyarqayki, sumaj moq'ena jallp'ata qonasuypaj; tukuy kay pachapi jallp'asmanta aswan k'acha jallp'ata. Noqa yuyarqani tatáy ninawaykita, manataj jayk'ajpis noqamanta karunchakunaykita.

Jeremías 31:14

Chay sacerdotes kajkuna aswan allin kaj mikhunasta mikhunankuta nisaj, aylluytaj kusikuchun ashkha allin imasta qosqasniykiwan. Noqa Señor chayta nini.

Jeremías 31:4

Israel, watejmanta oqharisqayki. Watejmanta chhulloj chhullojkunawan jamunkichej kusiywan tusurispa.

Jeremías 32:42

Señor nillarqataj: Kay llajtaman kay jatun ñak'ariyta apachimorqani, ajinallataj tukuy allin kajkunasniyta apachimusaj nisqayman jina.

Jeremías 33:14

Señorqa nillantaj: Mayk'ajchus bendicionesta qonayta nerqani Israel aylluman, Judamampis chayta junt'apunay p'unchay chayamonqa.

Jeremías 44:8

Imaraykutaj ruwasqasniykichejwan phiñachiwankichej, kaj tiyakushankichej chay Egiptopi waj dioskunasllaman inciensosta q'osñichispari? Chay imaswanqa qankuna chinkachisqas kanallaykichejpajtaj wakichishankichej, tukuypi rikunantataj maldicisqas kankichej, k'umuykachachisqastaj kay pachapi tukuy naciones ukhupi.

Jeremías 49:25

Chay may jina uyarisqa llajta, chay kusiy llajta qonqasqa qhepakun.

Ezequiel 26:20

Maypichus wañusqas kashanku chaykama chinkaykuchisqayki, ñaupa tiempopi kaj runastawan khuskata. Aswan jallp'a ukhumantaj choqaykusqayki wiñaypaj ch'inyachisqa llajtaman, wañusqakunawan khuskataj tiyakunki, manataj ujtawan jayk'ajpis qampi llajtaqa ruwakonqachu, kay pachapi kausajkunaj jallp'ampeqa.

Ezequiel 36:35

Nenqankutaj: Kay ch'in pampaman tukuchisqa jallp'asqa, Edén huertamanña rijch'akunku. Kay llajtasqa thuñisqas, ch'inyachisqastaj, ch'usaj pampaman tukuchisqas karqanku. Kunantaj watejmanta sinch'i ruwasqaña, runaspis tiyakunkuña, nispa.

Ezequiel 39:13

Tukuy runas ayasta p'ampaspa kanqanku chay p'unchaykunapi. Chay p'ampajkunapajtaj uj may jatun p'unchay kanqa, noqa jatun k'anchayniypi rikhurikusaj chaypacha, nin Señorqa.

Oseas 3:5

Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

Zacarías 1:17

Chantá Señorpa angelnin nillawarqataj kay jinata sut'inchanayta: Tukuy Atiyniyoj Señor nin: Watejmanta llajtasniyta qhapajyachisaj allin kajwantaj junt'achisaj Sionta. Jinamanta watejmanta Jerusalenta uj ajllasqa llajtayta jina rikuchisaj.

Deuteronomio 30:5

Jinamanta Señorqa ujtawan kutichimusonqachej tatasniykichej jap'ikorqanku chay jallp'aman, qankunarí ujtawan chay jallp'asta jap'ikapunkichej. Chaypi Señorqa qhapajyachisonqachej, mirachisonqachejtaj ñaupa tatasniykichejmanta astawan.