Jeremías 33:11 - Qheshwa Biblia DC

¹¹ Kaypi watejmanta uyarikullanqataj, fiestaspi kusiy takiykuna, casarkojkunapaj kusiy takiykuna. Kaypis uyarikullanqataj: Tukuy Atiyniyoj Señorman graciasta qoychej, imaraykuchus Señorqa k'achamin, wiñaypajtaj munakuynenqa. Diosta yupaychana wasimantaj agradecekuna jaywanasta apamonqanku. Arí, noqa kay jallp'aj kausayninta allinyachisaj qallariypi karqa ajina. Noqa Señor chayta nini.

DIOSPA QHELQACHISQAN DEUTEROCANONICAL

¹¹ Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

DIOSPA QHELQACHISQ

¹¹ Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Jeremías 33:11 ပူးပေါင်းရင်းမြစ်များ

1 Crónicas 16:34

Señorman graciasta qoychej, payqa may k'achamin, munakuynin wiñaypaj kasqanrayku.

1 Crónicas 16:8

Señorman graciasta qoychej! Sutinta qhapariychej! Tukuy ayllusman willaraychej ruwasqasninmanta.

2 Crónicas 20:21

Aylluta tapuriytawantaj wakinta takinankupaj churarqa, llimphuchasqa p'achasninkuwan churaykusqas soldadospa ñaupaqenta rinankupaj, Señorta yupaychaspa kay takiywan, Señorman graciasta qoychej, munakuynin wiñaypaj kasqanrayku.

2 Crónicas 29:31

Chaymantataj Ezequiasqa runasman nerqa: Qankunaqa ña Señorpaj llimphuchakunkichejña, qayllaykuychej uywa wañuchisqata apamuspa, agradecespa jaywanaswan ima Señorpa yupaychana wasimpaj. Chaypacha chay runasqa uywasta apamorqanku wañuchinankupaj, agradecespa jaywanastapis, pischus sonqonkupi khuyakuyniyoj kajkuna, chay q'olachinapaj jaywanasta apamorqanku.

2 Crónicas 5:13

Chaypacha tukuyninku trompetasta waqachej churakorqanku, tukuyninkutaj uj kunkallata takerqanku Señorta yupaychaspa, graciasta qospataj. Trompetasta, platillosta, waj tocanastapis ch'ajwarichispa takisharqanku, Señorta yupaychaychej. Payqa may k'achamin, munakuynenqa wiñaypajmin, nispa. Chay jinata nishajtinkutaj chay ratopacha Señorta yupaychana wasinman uj phuyu junt'aykorqa.

2 Crónicas 7:3

Tukuy israelitastaj nina urmamojta rikuspa, jinataj Señorpa k'anchaynintapis yupaychana wasi pataman uraykamojta, chaypacha qonqorikorqanku, k'umuykukorqankutaj pampapi rumi losawan uyanku tinkunankama. Yupaychasharqankutaj graciasta qospa Señorman kay jinata kutin kutinta: Payqa may k'achamin, khuyakuynenqa wiñaypajmin.

Esdras 6:22

Qanchis p'unchay junt'aqa mana levadurayoj t'anta nisqa fiestata may kusiywan ruwarqanku, imaraykuchus Señor paykunata kusicherqa, Persiapi kaj reypa sonqonta paykunaman kutirichimuspa, yanapananampajtaj Diospa templonta ruwaypi. Chay Diosqa, Israelpa Diosnin.

Nehemías 12:43

Chay p'unchaypi ashkha uywa wañuchisqasta jaywarqanku, runastaj mayta kusikorqanku Dios paykunaman jatun kusiyta qosqanrayku. Warmiswan wawaswampis sinch'itapuni kusikusharqanku. Jerusalempi kusikusqankoqa karumantapacha uyarikorqa.

Nehemías 8:12

Chaypacha tukuynin runas riporqanku mikhoj, ujyajtaj. Mikhuytapis wajkunaman jaywarerqanku, sumaj fiestataj ruwarerqanku, imaraykuchus uyarisqasninkuta sumajta umankupi jap'erqanku.

Salmos 106:1

Señorqa yupaychasqa kachun! Agradecekuychej, Señorta yupaychaychej, imaraykuchus payqa k'achamin, khuyakuynimpis wiñaypajpuni.

Salmos 107:1

Señorta agradecekuychej, imaraykuchus payqa k'achamin; khuyakuynenqa wiñaypaj.

Salmos 107:22

Yupaychana takiykunata jaywaychej rikuchikuta jina, kusisqastaj parlaychej ruwasqasninmanta.

Salmos 116:17

Yupaychana jaywanata agradecekuspa jaywasqayki, Señorpa sutinta wajyakuspa.

Salmos 147:13

Punkusniykej llavenasninta sinch'iyacherqa, llajta ukhuykipi runastapis bendicerqa.

Salmos 85:7

Señor, munakuyniykita rikuchiwayku, salvawaykutaj.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Isaías 51:11

Cheqamanta Señorpa orqhomusqasnenqa kutimonqanku, may kusiywan takirispa Sión llajtaman chayamonqanku; kusiyllapipuni kanqanku. Paykunaqa kusikonqanku. Nanaywan, waqaywantaj chinkaponqanku.

Isaías 51:3

Cheqamanta Sión llajtataqa sonqochasaj, jinallataj ch'in raqaykunasmanta. Ch'aki ch'in jallp'asninta qhallallarichisaj, imaynatachus Señorqa Edén huertata qhallallaricherqa ajinata. Chaypeqa may kusikuy, Diosta yupaychaspa, takiykuna ima kanqa.

Isaías 52:8

Uyariy, qhawajkunasniykej qhaparisqankuta. Tukuyninku ujllapi kusiymanta qhaparinku, imaraykuchus paykunaqa kikin ñawinkuwan Señorqa Sión llajtaman kutimushajta rikunku.

Isaías 52:9

Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

Jeremías 16:9

Noqaqa Tukuy Atiyniyoj Señor Israelpa Diosnin chayta parlani: Noqa chinkachisaj kay naciompi fiestaspi takiykunasninkuta, jinataj kusikuykunasninkuta, chanta casarakupi takiykunasninkutapis. Kay p'unchaykunaspi chay tukoyqa qhatirisonqachej qankunaj rikunaykichejta.

Jeremías 17:26

Judá llajtasmanta, chay Jerusalén qayllapi kajkunamanta jamonqanku, Benjamimpa jallp'asninmantapis jamullanqankutaj, mar cantopi pampasninmanta, orqosninmanta, chantá Neguevmantapis. Diosta yupaychana wasiman apamonqanku uywasta, ruphachinapaj rikuchikusta jaywanankupajtaj, poqoykunasinkuta, inciensosninkutapis, Diospa wasimpaj nisqa jaywanastapis.

Jeremías 25:10

Paykuna ukhupi chay kusiy wayñu, fiesta takiykunastapis manaña uyarikunanta saqesajchu, nillataj maran rumispa ch'ajwaykunasnintapis; nillataj ujtawan k'anchaykunas rikukunantapis.

Jeremías 29:14

Arí, noqa saqesaj tarinawaykichejta, saqesajtaj uj jinaman kausayniykichej tukunanta: Chay naciones ukhumanta orqhomusqaykichej, may cheqaspichus wijch'usqas karqankichej chay tukuynejmanta, tantaykusqaykichej, kaymantaj kutichimusqaykichej, maymantachus wijch'orqaykichej chayllamantaj. Noqa Señor chayta nini.

Jeremías 30:19

Paykuna ukhumanta graciasta qospa takiykunas llojsenqa, kusiywan asirikuykunapis. Mana pisiyanqankuchu, manachayqa astawan ashkhayachisaj. Mana pipis qhesachanqachu, imaraykuchus noqa paykunata allimpaj qhawasaj.

Jeremías 32:44

Chaypi rantirakonqanku chay trato papelestataj selloyojta qelqaspa ruwakonqanku, testigosniyojta ima. Kay tukoyqa Benjamimpa jallp'asnimpi kanqa, Jerusalempi qayllasnimpitaj, jinataj Judajpa llajtasnimpipis, chay sach'arara orqospi, jinataj mar canto pampaspipis, jinataj Néguev llajtaspipis, imaraykuchus noqa kutichimpusaj chay kausayinkuta. Noqa Señor chayta nini.

Jeremías 33:26

Mana jayk'ajpis qhesachasajchu Jacobpa mirayninta, nitaj kamachiy Davidpa miraynintapis, nitaj saqesajchu kamachejkunata sayarichiyta, Abrahampa mirayninmanta, Isaacpamanta, Jacobpamantapis; imaraykuchus wijch'usqa kajkunata kutichimusaj, khuyakusajtaj.

Jeremías 33:7

Judamanta, jinataj Israelmanta wijch'usqa kajkunata kutichimpusaj, watejmantataj jatarichisaj qallariypi jina.

Jeremías 7:34

Judá llajtapi jinallataj Jerusalén callespipis fiestaspi tusuykunata, takiykunata, jinallataj casarakupi takiykunatapis chinkachisaj. Tukuynin jallp'ataj ch'in pampaman tukuchisqa kanqa.

Amós 9:14

Chaymanta karu llajtaman wijch'usqamanta Israel aylluyta pusakampusaj. Watejmanta sayarichenqanku t'unasqa llajtankuta, chaypitaj tiyakonqanku; watejmanta uvaskunata plantanqanku, vinotataj ujyanqanku. Chaymanta huertasta ruwanqanku, chaykunapi poqojtataj mikhonqanku.

Jonás 2:9

Noqaqa agradecekuspa rikuchikusta jaywakusqayki; imatachus qosqayki nisusqayta jaywasqayki. Salvacionqa Señorpatamin.

Nahúm 1:7

Señorqa may k'achamin, waqaychan Paypi confiajkunataqa, waqaychantaj Paypi confiakojkunataqa.

Sofonías 3:14

Sión llajtayoj runas, takiychej! Israel ayllumanta kaj runas, kusiymanta qhapariychej! Jerusalempi tiyakoj runas, kusikuychej. Tukuy sonqoykichejwan kusikuychej!

Zacarías 10:7

Efraenqa uj soldado jina kanqa. Sonqonqa vinowampis kashanman jinata kusikonqa. Chayta rikuspari wawasnimpis kusirikullanqankutaj. Sonqonqa kusikonqa Señorrayku!

Zacarías 9:17

May walej, may k'achitupunitaj kanqa chay jallp'ankoqa! May chhika trigo poqojtin, vinopis ch'irwakojtenqa; wayna wawasninchej sipaskunasninchejpis k'achitus wiñarenqanku.

San Juan 3:29

Pichus warmiyoj kajqa qosa; paypa qayllampi kaj kausaqentaj, qosaj parlasqanta uyarispa maytapuni kusikun. Ajinamanta kay kusikuyniy kunan junt'akun.

Hebreos 13:15

Chayrayku, Jesucristonejta Diosman yupaychay rikuchikuta jaywanapuni. Kay niyta munan, simispa yupaychaynin, maypachachus Jesucristoj sutinta oqharinku, chaypacha.

Apocalipsis 18:23

Manataj qampi lámparaj k'anchaynin lliphipenqachu, nitaj qosaj parlasqan, nitaj warmimpatapis uyarikonqañachu; imaraykuchus qhatojkunasniykipis chaypacha atiyniyoj karqanku. Qampis layqeriosniykiwan tukuy llajtakunata ch'aukiyaspa pantacherqanki.