Jeremías 32:41 - Qheshwa Biblia DC

⁴¹ Noqa kusikusaj paykunata allinman churaspa, tukuy sonqowan, tukuy cheqan kayninwantaj paykunata kay jallp'api tiyachisaj.

DIOSPA QHELQACHISQAN DEUTEROCANONICAL

⁴¹ Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

DIOSPA QHELQACHISQ

⁴¹ Noqaqa paykunapaj allin kajta ruwaspa, kusikusaj. Chantá tukuy sonqo, tukuy alma paykunata kay suyupi kawsachisaj, nispa.

Jeremías 32:41 ပူးပေါင်းရင်းမြစ်များ

Salmos 80:8

Egiptomanta uj uvas sach'ata orqhorqanki. Qanta mana rejsisoj nacionesta wijch'orqanki, chaymantaj plantaykorqanki.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 62:4

Manaña jayk'ajpis saqerpayasqa nisonqankuchu, jallp'aykipis manaña ch'in pachachu kanqa, manachayqa kusikuy nispa sutichasonqanku, jallp'aykitataj runayojña nenqanku. Señorpa munakuynin qampi kanqa. Jallp'aykeqa casarasqa jina kanqa.

Isaías 62:5

Imaynatachus uj waynaqa sipaswan casarakun, ajinallatataj wawasniykeqa jampusonqanku may munakuywan. Imaynatachus qhari warmi kusikunku, ajinata Diosniyki qanwan kusikonqa.

Isaías 65:19

Chaypacha Jerusalenwan kusikusaj, chanta ayllusniywan ima. Chay llajtapeqa manaña jayk'ajpis waqajkunata uyarenqankuchu, manataj llakiywan qhaparejtapis.

Jeremías 18:9

Waj ratopi noqa nerqani chay nacionta wiñachinayta, chayri sayarichinayta.

Jeremías 24:6

Paykunata waqaychasaj, kay jallp'amantaj kutichimusaj, kaypitaj allimpi jatarichisaj. Paykunataqa manaña tukuchisajchu; plantaykusaj manañataj jayk'ajpis sik'irasajchu.

Jeremías 31:28

Imaynatachus sumajta qhawarqani usqhayta sik'inaypaj, urmachinaypaj, uramantaj wijch'unaypaj, phirinaypaj, chayri ima llakiytapis ruwanaypaj, ajinallatataj allinta qhawasaj jatarichinaypaj, plantanaypajpis. Noqa Señor chayta nini.

Ezequiel 36:36

Muyuyniykichejpi qhepakoj ayllus yachanqanku, t'unaykusqa karqanku, chay llajtasta noqa watejmanta sayarichisqayta. Ch'in pampaman tukuchisqa karqa chay jallp'apitaj noqa poqochisqayta. Noqa Señor parlani, ruwasajtaj.

Oseas 14:5

Israelpaj noqa kasaj uj chhulla jina, paytaj liriokuna jina t'ikarenqa. Saphisnenqa Líbanoj orqompa saphisnin jina sinch'is kanqanku;

Amós 9:15

Chay kikin jallp'ankupi paykunata tiyachisaj, manañataj ni jayk'aj qosqay jallp'ankumanta wijch'usqaschu kanqanku. Ajinatamin nin Señor Diosniykeqa.

Miqueas 7:18

Mana waj qan jina Diosqa kanchu, imaraykuchus qanqa juchasninkumanta perdonanki, qonqapunkitaj kay uj chhika puchoj aylluykej juchasninmanta. Qanqa munakuyniykita rikuchiwayku, manataj wiñaypajchu phiñakunki.

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

Deuteronomio 28:63

Imaynatachus ñaupajta Señor kusikorqa yanapasuspa, mirachisuspataj, ajinallatataj kunanqa tukuchisuspa chinkachisuspa ima kusikonqa. Ujllata orqhosqas kankichej chay jallp'aman tiyakoj yaykunkichej chaymanta.

Deuteronomio 30:9

Chaymantataj Señorqa qhapajyachisonqachej tukuy ruwasqasniykichejpi, wawasniyoj kankichej, jinallataj uywasniyoj ima. Cosechasniykichejta Señorqa sumajta poqochenqa. Ajinapuni kanqa, Señor Diosniykichej ujtawan kusikonqa qankunapaj allinta ruwaspa, imaynatachus ñaupa tatasniykichejpaj ruwarqa ajinata.