Jeremías 32:22 - Qheshwa Biblia DC

²² Israel aylluykiman qorqanki kay jallp'ata, lechewan misk'iwan yaku jina puririshan chayta, imaraykuchus ñaupa tatasninkuman qonaykita nisqaykiman jina.

DIOSPA QHELQACHISQAN DEUTEROCANONICAL

²² Israel aylluykiman, maypichus lechewan, abeja misk'iwan yaku jina puririshan, chay jallp'ata qorqanki, ñawpa tatankuman nisqaykiman jina.

DIOSPA QHELQACHISQ

²² Israel aylluykiman, maypichus lechewan, abeja misk'iwan yaku jina puririshan, chay jallp'ata qorqanki, ñawpa tatankuman nisqaykiman jina.

Jeremías 32:22 ပူးပေါင်းရင်းမြစ်များ

Génesis 13:15

Noqa qosqayki tukuynin rikusqayki jallp'asta, qampaj wiñaypaj kanqa, jinallataj mirayniykipajpis.

Génesis 24:7

Señor janaj pachapi kaj Dios orqhomuwarqa, tataypa wasinmanta, ayllusniypa jallp'anmanta; niwarqataj kay jallp'ata mirayniymanwan qonawanta. Chay Dios kachamusonqa uj angelninta qampa ñaupaqeykita rinampaj, yanapasunampajtaj wawaypaj warmita pusamuyta.

Génesis 50:24

Uj kuti Joseqa wauqesninman nerqa: Pisillaña kashan wañupunayman, Dios qankunamanta yuyarikusonqachej, kay jallp'amanta orqhosonqachej, pusasunaykichejpaj mayqen jallp'atachus qosqaykichej nerqa Abrahamman, Jacobman ima, chayman.

Nehemías 9:15

Qollarqankitaj janaj pacha t'antata yarqhayninkupi sajsachinaykipaj. Yakutapis chhankamanta orqhospa qorqanki ch'akiyninkuta thasnunaykipaj. Chaymantataj nerqanki tiyakapoj yaykunankuta, qonaykita nerqanki chay jallp'aman.

Éxodo 13:5

Kay kikin killallapitaj yuyarikuspa qhochukuta Señorman ruwankichej, maypachachus Señor yachachisonqachej lechewan misk'iwan phullchisaj chay jallp'aman chaypacha; mayqen jallp'amantachus Señorqa orqhonqa cananeosta, heteosta, amorreosta, heveosta, jebuseosta ima. Chay jallp'ata Señorqa juraspa nerqa tatasniykichejman qonanta.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Jeremías 11:5

Sichus qankuna kasuwankichej chayqa, noqapis chay ñaupa tatasniykichejman jurarqani qonayta, chayta junt'asaj, maypichus tiyakushankichej chaypi lechepis, misk'ipis yaku jina puririshan, nispa. Noqataj chaypi kuticherqani: Arí, Señor, nispa.

Ezequiel 20:15

Chay tukuywampis, ch'in pampapi paykunaman jurarqani, paykunata mana pusaykunaypaj, maypichus lechewan, misk'iwan yaku jinapuni karishan chay jallp'aman. Chaytaj tukuymanta may k'acha jallp'a karqa.

Ezequiel 20:6

Chay p'unchaypi noqa juraspa nerqani Egiptomanta paykunata orqhonayta, pusanaytataj noqa mask'arqani chay jallp'aman. Chaypitaj lechewan misk'iwanqa yaku jina puririshan, chaytaj tukuy jallp'asmanta aswan sumajpuni.

Números 14:16

Señorqa pusasqan runasta, juraspa qosqaykichej nerqa chay jallp'aman, mana chayachiyta atispa, ch'in jallp'aspi wañurachin, nispa.

Números 14:30

Makiyta oqharispa qosqaykichej nerqani chay jallp'amanqa mana yaykunkichejchu. Chaymanqa Jefonej wawan Calebwan, Numpa wawan Josuellawan yaykonqanku.

Deuteronomio 1:35

Kay sajra miraymantaqa ni mayqenninku rikonqankuchu sumaj jallp'ata, ñaupa tatasninkuman qosqaykichej nerqani, chayta.

Deuteronomio 1:8

Noqa qoykichej chay jallp'asta; chayrayku rispa mojonakamuychej, dueñochakamuychej chay jallp'asta; chaytaqa noqa Señor, juraspa qosqaykichej nerqani ñaupa tatasniykichej Abrahamman, Isaacman, Jacobman ima, jinallataj mirayninkumampis.

Deuteronomio 6:10

Señor Diosniykichej pusasonqachej chay jallp'asman, ñaupa tatasniykichej Abrahamman, Isaacman, Jacobman ima qonanta nerqa chayman. Chay jallp'aqa jatuchaj k'acha llajtasniyoj. Qankunaqa mana chaykunastaqa ruwarqankichejchu.

Deuteronomio 6:18

Imachus cheqan kajta Señorpa ñaupaqempi chayta ruwaychej, allin risunaykichejpaj sumaj jallp'ata jap'ikunaykichejpaj. Señorqa juraspa nerqa ñaupa tatasniykichejman qonanta, chaypi.

Deuteronomio 6:23

Chaymanta orqhospa kayman pusamuwarqanchej kay jallp'ata qopunawanchejpaj, imaynatachus Señorqa juraspa nerqa ajinata ñaupa tatasninchejman.

Deuteronomio 7:13

Qankunata munakusonqachej, bendicisonqachej, ashkhastataj mirachisonqachej. Bendicillanqataj wawasniykichejta, cosechasniykichejta, trigosniykichejta, vinoykichejta, aceiteykichejta, waka uñasniykichejta, oveja uñasniykichejtapis, ima jallp'atachus ñaupa tatasniykichejman juraspa qosqaykichej nerqa, chaypi.

Deuteronomio 8:1

Kunan qankunaman kay kamachiykunasta nisqasniyta allinta ruwaychej, ajinamanta kausakunaykichejpaj, ashkha ayllumantaj miranaykichejpaj. Ima jallp'atachus Señorqa tatasniykichejman juraspa qonanta nerqa, chay jallp'aman yaykuychej, jap'ikapuychejtaj.

Josué 1:6

Sumajta kallpachakuy, waputaj kay. Qanmanmin chayasunki kay aylluman jallp'ata rak'inaykeqa. Kay jallp'ataqa tatasninkuman nerqani chayaqenkupaj kanampaj qonayta.

Josué 21:43

Ajinata Señorqa tukuynin israelitasman jallp'ata qoporqa imaynatachus tatasninkuman juraspa qosqaykichej nisqanman jina, paykunataj mojonakuytawan chaypi tiyakorqanku.