Jeremías 31:9 - Qheshwa Biblia DC

⁹ Mañakuspa waqaspataj jamonqanku. Noqa paykunata yakusniyoj mayusman pusaykusaj, sumaj pampachasqa ñannintataj ama misk'akunankupaj. Noqa Israelpa tatan kani, Efraenqa kuraj kaj waway.

DIOSPA QHELQACHISQAN DEUTEROCANONICAL

⁹ Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

DIOSPA QHELQACHISQ

⁹ Waqarikuspa, chantá noqamanta mañarikuspa ima kutimponqanku. Noqa paykunata yakuyoj mayoj kantunta pusaykachasaj, cheqan sumaj ñannintataj, ama misk'akunankupaj, imaraykuchus noqamin Israelpa tatan kani, Efraintaj kuraj kaj waway, nispa.

Jeremías 31:9 ပူးပေါင်းရင်းမြစ်များ

1 Crónicas 29:10

Chaypacha Davidqa Señorqa bendicerqa tukuy ayllus tantasqaspa ñaupaqempi: Israel tataykoj Señor Diosnin qonqa Señor wiñaymanta wiñaypaj bendicisqa kayta.

Salmos 107:7

Chaymantataj payqa uj cheqan ñanta paykunata pusarqa, kausakuna llajtasman chayanankupaj.

Salmos 23:2

Q'omer pampaspi michiwan, sumaj yakusmantaj pusawan.

Salmos 89:27

Noqataj ruwasaj pay kuraj wawa kananta, tukuy reyespa patampa kanqa.

Éxodo 4:22

Qanqa ninki faraonman: Señorqa, ajinata nin: Israelqa noqaj kuraj wawaymin.

Isaías 42:16

Ciegosta pusasaj mana rikusqanku ñanta, mana rikusqanku chaki ñankunasninta purichisaj. Ñaupaqenkupi laqhayayta k'anchayman tukuchisaj. Mana puriy atina kajtapis pampaman tukuchisaj. Kay imasta noqaqa ruwasaj, mana saqeraspa.

Isaías 43:20

Tukuy k'ita animales jatunchawanqanku, atojkuna, suriwan ima. Ch'aki jallp'aspi yakuta rikhurichisaj, ch'in pampaspi mayuta puririchisaj, ajllakusqay ayllu yakuta ujyanampaj.

Isaías 45:11

Israelitasta Ruwaj Señor Santo Diosqa kay jinata nin: Kunanqa tapuriway qhepaman imachus jamunan kashan chaymanta, wawasniy imatachus ruwanankumanta kamachiway, makisniywan imastachus ruwasqasniymantawan.

Isaías 57:14

Chaypitaj nenqa: Ñan t'oqosman junt'achiychej; ñanta pichaychej, aylluypa rinan ñanmanta tukuy misk'anasta oqhariychej.

Isaías 63:13

Maytaj kunan chay jina mana purinasta pusaykachajri, caballo jina ch'in pampasta, mana imamampis misk'achispa pusaykachajri?

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Isaías 64:8

Kunanqa Señor, qan tatayku kanki. Noqaykoqa t'urulla kayku imaraykuchus qanmin t'urumanta ruwawarqayku. Chayrayku noqaykoqa tukuyniyku makisniykej ruwasqasnin kayku.

Jeremías 3:19

Israel, noqa qanta wawaypaj jina jap'ikapuyta yuyarqayki, sumaj moq'ena jallp'ata qonasuypaj; tukuy kay pachapi jallp'asmanta aswan k'acha jallp'ata. Noqa yuyarqani tatáy ninawaykita, manataj jayk'ajpis noqamanta karunchakunaykita.

Jeremías 3:4

Manaraj unaychu niwarqanki: Tatay kanki, sipas kayniypitaj kausaqey!, nispa.

Jeremías 31:20

Efraín llajtaqa noqapaj munasqa waway jina; aswan munasqa kaj wawaj. Payta k'amini chaypis, manapuni paymanta qonqakapunichu, sonqoy wawayawajtin, mayta paymanta khuyakuni. Noqa Señor chayta nini.

Jeremías 50:4

Señorqa nin: Jaqay p'unchaykunapi israelitas, jinataj Judamanta kajkuna ima noqa Señor Diosninkuta waqaspa mask'awanqanku.

Oseas 12:4

Angelwan maqanakorqa atipaykorqataj; waqarqa, mañakorqataj payta khuyakunanta. Dios tinkorqa paywan Betelpi, chayllapitaj paywan parlarqa.

Oseas 3:5

Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

Malaquías 2:10

Manachu tukuyninchej uj Tatayojlla kanchej? Manachu uj Dioslla tukuyninchejta ruwawarqanchej? Imajtintaj ujkunaqa ujkunata ch'aukiyanakunchejrí, ajinamanta p'akispa, ñaupa tatasninchejpa Dioswan trato ruwasqanta?

Números 2:18

Inti yaykuy ladonejpi jarakonqa Efraín ayllumanta kaj soldados wiphalasninkuwan t'aqa t'aqalla. Paykunataqa kamachenqa Amiudpa wawan Elisama.

San Mateo 3:3

Kay Juanmanta profeta Isaías nerqa: Uj runaj qhaparisqan ch'innejpi uyarikun: Señorpa ñanninta wakichiychej, purinasnintataj cheqanyachiychej.

San Mateo 5:4

Kusikuyniyoj kanku waqajkunaqa, imaraykuchus paykunataqa Dios sonqochanqa.

San Mateo 6:9

Chayrayku qankunaqa, kay jinata mañakunkichej: Janaj pachapi kashaj Tatayku, sutiyki jatunchasqa kachun.

San Lucas 6:21

Kusikuyniyoj kankichej kunan yarqhachikojkunaqa, imaraykuchus sajsachisqas kankichej. Kusikuyniyoj kankichej kunan waqajkunaqa, imaraykuchus asikunkichej.

Romanos 8:26

Ajinallatataj Espiritupis yanapawanchej pisi kallpa kayninchejpi. Noqanchejqa imatachus maychus kasqanman jina mañakunanchejtaqa mana yachanchejchu. Kikin Espiritupis noqanchejpaj mana niy atina palabraswan ayqhospa mañapuwanchej.

2 Corintios 6:18

Noqataj qankunaj tataykichej kasaj, qankunataj qhari wawasniy, warmi wawasniytaj kankichej, ajinata nin Tukuy Atiyniyoj Señor.

Deuteronomio 14:1

Qankunaqa Señor Diosniykichejpa wawasnin kankichej. Ukhusniykichejta ama khuchukunkichejchu, nitaj piniykichej wañupojtimpis chujchasniykichejta umaykichejpa ñaupaqenmanta ruthunkichejchu.

Deuteronomio 32:6

Wampu runas, mana yachayniyojkuna, ajinatachu Señormanqa kutichinkichej? Manachu payqa tataykichej, ruwasojniykichejtaj? Paymin qankunataqa ruwasorqachej, uj ayllullamantaj tukuchisorqachej.

Hebreos 12:13

Ñankunasniykichejta cheqanchaychej, cojos ama misk'anankupaj, astawanqa thañikapunankupaj.

Hebreos 12:23

Ajinallatataj qayllaykunkichej ñaupa creejkunaj tantakunanku wasiman. Paykunaj sutisninkoqa janaj pachapi escribisqa kashanku; ajinallatataj, Diosman tukuypa juezninman, ajllasqa espiritusmanwan, pikunachus allinchasqas kanku, chaykunaman.

Hebreos 5:7

Cristo aychallapiraj kashaspa mañakoj wañuymanta salvayta atejmanta, manchay qhapariywan, waqaywantaj; manchachikuywan qhaparisqanraykutaj uyarichikorqa.

Apocalipsis 7:17

Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.