Jeremías 31:32 - Qheshwa Biblia DC

³² Kay mosoj tratoqa mana chay ñaupa tatasninkuwan ruwarqani jinachu kanqa, mayk'ajchus Egiptomanta makinkumanta jap'ispa orqhomorqani chaypacha, imaraykuchus paykunawan trato ruwasqayta mana junt'arqankuchu noqa dueñonku kashajtiy. Noqa Señor chayta nini.

DIOSPA QHELQACHISQAN DEUTEROCANONICAL

³² Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

DIOSPA QHELQACHISQ

³² Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Jeremías 31:32 ပူးပေါင်းရင်းမြစ်များ

1 Reyes 8:9

Chay trato cajompeqa p'alqayoj p'alta rumilla kasharqa Horebpi Moisespa churasqan, chayqa karqa israelitaswan Diospa trato ruwasqan egiptomanta llojsimushajtinku.

Salmos 73:23

Chaywampis, qanwampuni karqani. Paña makiymanta jap'iwarqanki.

Salmos 78:37

Ni jayk'ajpis cheqan sonqoschu karqanku, nitaj junt'arqankuchu trato ruwasqankutapis.

Éxodo 19:5

Kunanqa sichus tratoymanta palabrasniyta uyarikunkichej, waqaychankichejtaj chayqa, noqapaj kankichej uj sumaj ayllu, tukuy ayllusmanta aswan sumaj; imaraykuchus noqajtamin tukuy jallp'asqa.

Éxodo 32:8

Paykunaqa usqhayllata t'aqarpayakunku ima ñantachus noqa nerqani rinankuta chaymanta. Qorimanta unuyachispa ruwakunku uj waka uñata. Chayta paykunaqa yupaychashanku rikuchikusta jaywaspa, nispataj: “Israelitas, kayqa diosniykichej, pichus Egipto jallp'amanta orqhomusorqachej, chay”, nispa.

TAKIYKUNA 8:5

Pitaj ch'in pampamanta jamushanri, munasqampa kunkanman atiykukuspari? Manzana urapi rijch'aricherqayki, maypichus mamayki nanaywan jap'ichikorqa chaypi, maynejpichus qanta paqarichikusorqa chaypi.

Isaías 24:5

Jallp'aqa chaypi tiyakojkunanejta ch'ichichasqa; imaraykuchus leyesta p'akinku, kamachisqasta mana kasunkuchu, wiñaypaj ruwasqa tratota p'akinku.

Isaías 41:13

Noqaqa paña makiykimanta jap'isoj Señor Diosniyki kani, niykitaj: Ama manchachikuychu, noqa yanapasqayki, nispa.

Isaías 54:5

Qanta ruwasorqa chaymin qampa qosaykeqa; sutintaj Tukuy Atiyniyoj Señor; Israelpa Santo Diosninmin kacharichisojniykeqa. Payqa tukuy kay pachapi kajkunaj Diosninku.

Jeremías 11:4

kay tratota ruwarqani chay ñaupa tatasninkuwan Egiptomanta orqhomorqani chaypacha. Chay jallp'a paykunapajqa, fierrota unuyachinapaj horno jina karqa. Noqa nerqani: Kasuwaychej, ruwaychejtaj tukuy kamachisusqayta, jinamanta qankuna aylluy kanaykichejpaj, noqataj Diosniykichej kanaypaj.

Jeremías 2:2

Riy parlamuy Jerusalén llajtaman; Qhapariy allinta uyarinankupaj jina: Ajinata nin Señorqa: Yuyarikuni maypachachus qan sipasllaraj kashajtiyki noqaman allin kawarqanki, maypachachus warmiypaj aysarikorqayki chaypacha munakuwaj karqanki, ch'in pampasnejta, mana jayk'aj tarpusqa jallp'asnejta qhatiwarqanki.

Jeremías 22:9

Kutichenqankutaj: Imaraykuchus Señor Diosninkuwan tratota ruwasqankuta, saqerparispa waj dioskunallata yupaychaj kanku, nispa.

Jeremías 3:14

Señor nillantaj: Kutirimuychej mana kasukoj wawas, imaraykuchus noqa qankunaj Señorniykichej kani. Noqa jap'isaj sapa llajtamanta ujta, iskaytataj sapa ayllumanta. Sionmantaj kutichisqaykichej.

Jeremías 31:1

Señorqa nillantaj: Chay p'unchaypeqa tukuy Israel aylluspa Diosninku kasaj, paykunataj aylluy kanqanku, nispa.

Ezequiel 16:8

Maypichus kasharqanki chayninta ujtawan pasallarqanitaj, chaypachataj qhawarerqayki, munakunapaj jina kasharqanki. P'achaywantaj tukuy q'ala ukhuykita qhataykorqayki. Qanta parlapayarqayki, uj tratota qanwan ruwarqani, noqajtataj karqanki. Noqa Señormin chaytaqa nini.

Ezequiel 20:37

Noqa allinta qhawarisqaykichej, imaynatachus uj michejqa ovejasninta yuparqon ajinata, tratomantaj churasqaykichej purinaykichejpaj.

Ezequiel 23:4

Kuraj kajpa sutenqa Ahola karqa. [Chaytaj Samaria kashan]. Sullk'antaj Aholiba sutiyoj karqa. [Chaytaj Jerusalén kashan]. Paykunawan casarakorqani, nacechipuwarqankutaj qhari wawasta, warmi wawastawan.

Oseas 11:1

Maypachachus Israel ayllu wawallaraj kashajtin, munakoj kani payta, waway kasqanrayku, chayrayku Egiptomanta wajyakaporqani.

Oseas 2:2

Señor nin: Juchachaychej mamaykichejta, juchachaychej, imaraykuchus payqa manaña warmiychu, nitaj noqapis qosanñachu kani! Amaña ujwantaj ujwantaj qhenchachakoj jinaqa qhawasqachu kachun. Chay ujllayninmanta wijch'uchun waj qharisninta!

Oseas 3:1

Señor ujtawan nillawarqataj: Riy munakamuy kausaqempa qhencha warminta, kausaqen munakullantaj chayta. Israelitaspa, mana rejsisqa dioskunasninkuman kutiripojtinku jinataj jaywajtinkupis, chay lantisninkuman, chayllamantataj mikhojtinkupis, uva ch'akisqasmanta tortasta ruwaspa, nispa.

Marcos 8:23

Jesustaj ciegoj makinmanta jap'iykuspa llajtamanta jawaman pusarqa. Thoqayninwan ñawisninta jawiykuspataj, makisninta payman churaykuspa taporqa: Rikunkichu imallatapis?, nispa.

San Juan 3:29

Pichus warmiyoj kajqa qosa; paypa qayllampi kaj kausaqentaj, qosaj parlasqanta uyarispa maytapuni kusikun. Ajinamanta kay kusikuyniy kunan junt'akun.

Hechos 23:19

Comandantetaj waynata wajnejman makinmanta pusaspa taporqa: Imatataj willanawayki tiyan?

2 Corintios 11:2

Noqa celoso kashani qankunamanta Diospa celosninwan; imaraykuchus uj qosallawan rejsinacherqaykichej, Cristoman qankunata chimpachinaypaj llimphu doncellata jina.

Deuteronomio 29:1

Kay jinata Señorqa ruwasqanmantaña israelitas Horeb orqopi uj tratota watejmanta Moisesman kamacherqa, israelitaswan chay llajtapi uj tratota ruwananta.

Deuteronomio 29:21

Señorqa chay runata tukuy Israel ayllumanta llakiypaj t'aqanqa, chay tukuy maldicionesqa payman urmanqa, kay trato ruwasqa ley libropi qelqasqa kasqanman jina.

Deuteronomio 29:24

Chayrayku tukuy naciones tapukonqanku: Imaraykutaj Señorqa chay jinata ruwan kay jallp'awanri? Imatataj niyta munan kay jina sinch'i phiñakuyninri?, nispa.

Deuteronomio 31:16

Chaymanta Señorqa Moisesman nerqa: Qanqa wañupunkiña, kay israelita runastaj waj nacionespa dioskunasninkuwan juchallikonqanku kunan yaykonqanku chay jallp'api. Jinamanta paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 31:20

Paykunataqa ima jallp'atachus ñaupa tatasniykichejman juraspa qonayta nerqani chayman pusaykusaj. Chay jallp'apeqa lechewan, misk'iwan yaku jina corrishan. Chaypi sumajta sajsaykuytawan, wirayaykuytawantaj, waj dioskunaj qhepanta rispa, chaykunata yupaychanqanku. Noqatataj qhesachawanqanku, ruwasqay tratotataj p'akenqanku.

Deuteronomio 5:2

Señor Diosninchej noqanchejwan Horeb orqopi uj tratota ruwarqa.

Deuteronomio 5:3

Jinamanta payqa mana ñaupa tatasnillanchejwanchu ruwarqa, manachayqa noqanchejwampis ruwallarqataj, kaypi tantasqas kashanchej chaykunawan.